Мирзиёев Тожикистонга "тарихий" ташрифини бошлади

President.uz

Сурат манбаси, President.uz

Сурат тагсўзи, Ўзбекистон раҳбарига кўра, икки томонлама алоқалар йўлида "тўсиқ бўладиган биронта ҳам масала қолмаган".

Президент Шавкат Мирзиёев Тожикистонга давлат ташрифини бошлаган.

Видеони BBC O'zbek YouTube каналида томоша қилинг.

Душанбе аэропортида Мирзиёевни Тожикистон Президенти Имомали Раҳмон ва бошқа расмийлар кутиб олган.

Ўзбекистон Президенти матбуот хизматининг хабар беришича, ўзбек раҳбарини кутиб олиш учун Душанбе кўчаларига минглаб тожикистонликлар чиқишган.

Ўзбек ва Тожик томони ташрифнинг узоқ кутилган воқеа бўлганига урғу бермоқда.

Президент Мирзиёев Тожикистон президенти Имомали Раҳмон билан биргаликда Душанбеда Ўзбекистон маҳсулотлари кўргазмасини очишган.

Сурат манбаси, official/president.tj/news.tj

Сурат тагсўзи, Президент Мирзиёев Тожикистон президенти Имомали Раҳмон билан биргаликда Душанбеда Ўзбекистон маҳсулотлари кўргазмасини очишган.

Президент Мирзиёев Тожикистон президенти Имомали Раҳмон билан биргаликда Душанбеда Ўзбекистон маҳсулотлари кўргазмасини очишган.

"Ғалаба -Амузанг" темир йўл қатнови ҳам рамзий очиб берилган.

Бу чорак асрдан кўпроқ вақт давомида Ўзбекистон раҳбарининг қўшни давлатга биринчи давлат ташрифидир.

Skip Энг кўп ўқилган and continue reading
Энг кўп ўқилган

End of Энг кўп ўқилган

Тожикистон Мирзиёев минтақада илк ташрифини амалга оширган сўнгги давлат бўлган.

Ташрифнинг узоққа чўзилиши икки ўртадаги чегара муаммолари билан изоҳланади.

Ўзбекистон Тожикистонда гидроэнергетика соҳасининг ривожланишидан манфаатдор, жумладан Роғун ГЭСининг ҳам, дея президент Мирзиёевдан иқтибос келтирган Тожикистоннинг ахборот агентлиги Азия Плюс.

Имомали Раҳмонга кўра, яқин келажакда ҳар икки давлат ўртасидаги савдо-сотиқ 1 миллиард долларга етиши режаланган.

President.uz

Сурат манбаси, President.uz

Сурат тагсўзи, Президент Раҳмон Мирзиёевнинг ташрифини "тарихий" деб атаган.

Президент Мирзиёев Президент Раҳмон билан юзма-юз музокаралар ортидан барча масалалар бўйича ижобий натижаларга эришилганини айтган.

Ўзбекистон раҳбарига кўра, икки томонлама алоқалар йўлида "тўсиқ бўладиган биронта ҳам масала қолмаган".

Ўз навбатида Президент Раҳмон Мирзиёевнинг ташрифини "тарихий" деб атаган.

Ташриф арафасида ўзбек-тожик чегарасидаги 10 та назорат-ўтиш нуқталари қайта очилган.

Ўзбек томони икки давлат фуқаролари учун ўттиз кунгача визасиз тартиб жорий этилганини тасдиқлаган.

Ташриф давомида чегара ва икки томонлама ҳамкорликка доир жами 25 та ҳужжат имзоланиши кутилади.

Тожик томонига кўра, савдо-иқтисодий ҳамкорлик соҳасида имзоланиши кутилаётган битимларнинг умумий қиймати 141 миллион АҚШ долларига тенг.

BBCUZBEK.COM билан Telegram орқали +44 7858860002 номери билан боғланинг. Telegram каналимиз: https://t.me/bbcuzbek