 | | | | | | | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
گورنر راج، روٹی کی قیمت بڑھ گئی | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
پنجاب میں گورنر راج کے نفاذ کے بعد صوبہ بھر کے ان مخصوص تندوروں پر دو روپے کی روٹی ملنا بند ہوگئی ہے جنہیں رعایتی نرخوں پر آٹا فراہم کیا جاتا تھا اور یہ روٹی اب چار یا پانچ روپے میں فروخت ہو رہی ہے۔ لاہور کے ایک پسماندہ علاقے کے نانبائی رضوان ظفر کا کہنا ہے کہ جمعرات کو انہیں حکومت نے سستے نرخوں پر آٹا فراہم نہیں کیا اس لیے وہ سوگرام کی یہ روٹی عام نرخوں پر فروخت کرنے پرمجبور ہیں۔ سابق حکومت پنجاب نے سستی روٹی کی فراہمی کےلیے مقامی افراد پر مشتمل خصوصی کمیٹیاں تشکیل دے رکھی تھیں جو حکومت کے خاتمے کےساتھ ختم ہوگئی ہیں۔ رضوان ظفر کے تندور پر روٹیاں لینے کے لیے آنے والے تقریبا تمام افراد نے سستی روٹی سکیم کے بظاہر خاتمہ پر افسوس کا اظہار کیا۔ مسلم لیگ نون کے قائد میاں نواز شریف نے جمعرات کو شیخوپورہ میں ایک جلسہ عام سے خطاب کرتے ہوئے کہا کہ کیا شہباز شریف کی غلطی یہ تھی کہ وہ غریب لوگوں کو دو روپے میں روٹی فراہم کر رہا تھا۔ مسلم لیگ نون شہبازشریف کے آٹھ ماہ کے دور اقتدار کا سب سے اہم کارنامہ مخصوص تندوروں پر دوروپے میں روٹی کی فراہمی کو قرار دیتی ہے اور شہباز شریف اپنے دور میں بار بار یہ اعلان کرتے تھے کہ یہ ان کا ایک ایسا انقلابی قدم ہے جسے ان کے بعد آنے والی کوئی حکومت بھی ختم نہیں کرسکے گی۔
پیپلز پارٹی کے سابق سینئر وزیر راجہ ریاض نے اعلان کیا ہے کہ پنجاب بھر میں تمام ٹاسک فورسسز ختم کردی گئی ہیں۔ یہ اعلان انہوں نے پیپلز پارٹی پنجاب کی پارلیمانی پارٹی کے اجلاس کے بعد میڈیا سے گفتگو کرتے ہوئے کی۔ راجہ ریاض نے کہا کہ اجلاس میں اراکین پیپلز پارٹی نے مطالبہ کیا ہے کہ مسلم لیگی اراکین کے ذریعے بے نظیر انکم سپورٹ کے جوفارم جاری کیے گئے تھے وہ منسوخ کیے جائیں۔ ان کے بقول ہرمسلم لیگ رکن اسمبلی کے ذریعے ایک ہزار فارم تقسیم کی گئے تھے وہ منسوخ کیے جائیں اور دوبارہ پیپلز پارٹی کے اراکین یہ فارم جاری کریں۔ راجہ ریاض کے بقول پیپلز پارٹی کے اراکین نے گورنر راج کی توثیق اور صدر مملکت آصف زرداری کے فیصلوں کی مکمل حمایت کی ہے۔ گورنر پنجاب سلمان تاثیر کے حکم پر تقرر تبادلوں کا سلسلہ جاری ہے۔ پنجاب کے نئے چیف سیکرٹری اور نئے انسپکٹر جنرل پولیس نے اپنے عہدوں کا چارج سنبھال لیا ہے۔ گورنر پنجاب کے میڈیا ایڈوائزر فرخ شاہ کو محکمہ تعلقات عامہ کا ڈی جی لگایا گیا ہے وہ پرویزالہی دور میں بھی اسی محکمے کے انچارج تھے۔ اطلاعات کے مطابق سابق وزیراعلی پرویز الہی کے دور میں تعمیر کیا جانے والا ایوان وزیراعلی آٹھ کلب روڈ بھی دوبارہ کھولا جا رہا ہے اور گورنر پنجاب اسے چیف ایگزیکٹو سیکرٹریٹ بنانا چاہتے ہیں۔ صوبے بھر میں پولیس فورس کو الرٹ کردیا گیا ہے اور پنجاب اسمبلی گورنر ہاؤس سمیت مختلف اہم مقامات پر پولیس کی بھاری نفری تعینات ہے۔ پیپلز پارٹی کے سینیئر وزیر راجہ ریاض نے کہاہے کہ وہ تیس برس بعد پنجاب میں حکومت بنانے جا رہے ہیں۔ | 
اسی بارے میں  گورنر راج: ابتدائی طور پر دو ماہ25 February, 2009 | پاکستان قاف لیگ ایک بار پھر میدان میں25 February, 2009 | پاکستان ’زرداری سودے بازی چاہتے تھے‘25 February, 2009 | پاکستان پنجاب: اعلٰی افسران کی تبدیلی25 February, 2009 | پاکستان گورنر راج، اسمبلی کے باہر ’اجلاس‘26 February, 2009 | پاکستان ’نااہلیت کے فیصلے پر صدمہ ہوا‘26 February, 2009 | پاکستان نواز اور شہباز کی نشستیں خالی26 February, 2009 | پاکستان | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
مسلم لیگ نون شہبازشریف کے آٹھ ماہ کے دور اقتدار کا سب سے اہم کارنامہ مخصوص تندوروں پر دوروپے میں روٹی کی فراہمی کو قرار دیتی ہے اور شہباز شریف اپنے دور میں بار بار یہ اعلان کرتے تھے کہ یہ ان کا ایک ایسا انقلابی قدم ہے جسے ان کے بعد آنے والی کوئی حکومت بھی ختم نہیں کرسکے گی۔ 
