 | | | | | | | |||||||||||||||||||||||||||||||||||||||||||||||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
انتخابات اور نئی پارلیمانی روایات کا سال | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
سنہ دو ہزار آٹھ کے بارے میں ویسے تو زیادہ تر لوگوں کا خیال ہے کہ یہ سال ایک برا سال رہا، لیکن اگر دیکھا جائے تو اس سال میں بعض واقعات ایسے بھی ہوئے ہیں جن کی ماضی میں شاید ہی نظیر ملتی ہو۔ ذیل میں ہم انہیں چند واقعات کا ذکر کر رہپے ہیں: غیر متنازعہ انتخابات اٹھارہ فروری کے انتخابات سے قبل تجزیہ کاروں کا خیال تھا کہ ’ایجنسیاں‘ سابق صدر پرویز مشرف کی حمایت یافتہ سیاسی جماعت پاکستان مسلم لیگ قاف کے حق میں بھرپور دھاندلی کریں گی اور اسی جماعت ہی کو انتخابات جتوائیں گی۔ لیکن نتائج اس کے بر عکس آئے اور یہ انتخابات ملک کی تاریخ میں ہونے والے ان چند انتخابات میں سے تھے جس کے نتائج کو تمام سیاسی جماعتوں نے تسلیم کیا اور دھاندلی کا الزام نہیں لگایا۔ مسلم لیگ قاف کے صدر چوہدری شجاعت نے انتخابات کے نتائج آنے کے بعد شکست تسلیم کرتے ہوئے کہا کہ وہ عوام کی رائے کا احترام کرتے ہیں۔ وزیر اعظم کو اعتماد کا ووٹ پاکستان کی تاریخ میں موجودہ وزیر اعظم یوسف رضا گیلانی وہ واحد وزیر اعظم بنے جنہوں نے قومی اسمبلی سے متفقہ اعتماد کا ووٹ حاصل کیا۔ اس سے قبل کسی بھی وزیر اعظم کو متفقہ طور پر اعتماد کا ووٹ حاصل نہیں ہوا۔ پہلی خاتون سپیکر پاکستان پیپلز پارٹی کی ڈاکٹر فہمیدہ مرزا قومی اسمبلی کی پہلی خاتون سپیکر کے طور پر منتخب ہوئیں۔ قومی اسمبلی کے سپیکر کے لیے ووٹنگ ہوئی تو پیپلز پارٹی اور ان کی اتحادی جماعتوں کی نامزد امیدوار فہمیدہ مرزا نے 249 ووٹ لے کر کامیابی حاصل کی۔ ان کے مد مقابل مسلم لیگ (ق) کے امیدوار سردار اسرار ترین نے 70 ووٹ حاصل کیے۔ ڈاکٹر فہمیدہ مرزا بطور سپیکر قائم مقام صدر کے فرائض بھی انجام دے چکی ہیں اور پہلی بار پاکستان کی کوئی خاتون قائم مقام صدر بھی بنی۔ ڈیفنس بجٹ پارلیمان میں سال دو ہزار آٹھ میں چھیالیس برس میں پہلی بار وزارت دفاع کے بجٹ کی تفصیل قومی اسمبلی اور سینیٹ کے سامنے پیش کیں۔ چار دہائیوں میں یہ پہلی بار ہے کہ حکومت نے دفاعی بجٹ کی تفصیل پارلیمنٹ کے سامنے پیش کی ہے جسکے بعد اب نہ صرف دونوں ایوانوں میں بلکہ پارلیمنٹ کی کمیٹیوں میں بھی اس بجٹ پر بحث کی جا سکے گی۔ پارلیمنٹ کو فوج کی بریفنگ پاکستان کی تاریخ میں بہت کم ہوا ہے، جب پارلیمان کے مشترکہ اجلاس کو فوجی قیادت بریفنگ دے۔ دو ہزار آٹھ میں پاکستانی پارلیمان کے دونوں ایوانوں کے مشترکہ اجلاس کو ملکی سلامتی اور دہشت گردی کے خلاف جنگ کی سات سالہ پالیسی کے بارے میں پہلی بار پاکستان فوج نے بریفنگ دی جس میں آئی ایس آئی کے چیف بھی شامل تھے۔ جیل سے قصر صدارت تک پاکستان پیپلز پارٹی کے شریک چیئرمین آصف علی زرداری نے پاکستان کے بارہویں صدر کے طور پر حلف اٹھایا۔ صدر زرداری پاکستان کی تاریخ میں پہلے صدر ہیں جو تقریباً مل ملا کر گیارہ برس بدعنوانی کے الزامات میں جیل میں رہے۔ اس کے علاوہ یہ پاکستان کی تاریخ میں پہلا موقع ہے کہ صدر اور وزیر اعظم دونوں نے جیل کاٹی ہو۔ وزیر اعظم یوسف رضا گیلانی نے بھی سابق صدر پرویز مشرف کے دور میں پانچ سال قید کاٹی۔ پبلک اکاؤنٹ کمیٹی کا سربراہ اپوزیشن سے پارلیمانی نظام میں منتخب ایوانوں کی قائمہ کمیٹیاں پارلیمان کے ہاتھ، کان اور اکثر دماغ قرار دی جاتی ہیں۔ ملکی تاریخ میں پہلی مرتبہ قومی اسمبلی کی پبلک اکاونٹس کمیٹی کی سربراہی حزب اختلاف کی جماعت مسلم لیگ (ن) کو ملی ہے۔ ماضی میں اکثر و بیشتر حکمراں جماعت اپنے اراکین کو ہی منتخب کروانے کی کوشش کرتے رہے ہیں۔ کامیاب کُل جماعتی کانفرنس ممبئی حملوں کے بعد بھارت کی طرف سے پاکستان پر ان حملوں میں ملوث ہونے کے تناظر میں حکومت نے کل جماعتی کانفرنس کی انعقاد کیا جس میں تقریباً تمام سیاسی جماعتوں کے رہنماؤں نے حصہ لیا۔ یہ پہلی مرتبہ تھا کہ قومی سلامتی کے حوالے سے کل جماعتی کانفرنس کا انعقاد ہوا ہو۔ اس سے قبل انیس سو پینسٹھ کی جنگ میں اس وقت کے حکمران جنرل ایوب خان نے تمام سیاسی رہنماؤں سے جنگ میں حمایت حاصل کرنے کے لیے رابطے کیے تھے لیکن کانفرنس کا انعقاد نہیں کیا گیا۔ مبصرین کا کہنا ہے کہ سیاست کے میدان میں تو یہ اقدام خاطر خواہ ہیں اور حالات اتنے مایوس کن نہیں۔ لیکن کھیل اور سائنس اور دیگر شعبوں کے حوالے سے دو ہزار آٹھ واقعی مایوس کن رہا ہے۔ | 
اسی بارے میں  ’بچوں کے بارے میں فکر مند ہوں‘12 December, 2008 | پاکستان پاک بھارت ہیکرز پھر سرگرم25 November, 2008 | پاکستان ڈی آئی خان حملہ، الزام لشکر پر22 November, 2008 | پاکستان بالاچ مری کی برسی پر دھماکے20 November, 2008 | پاکستان بنوں، میزائل حملہ، پانچ ہلاک19 November, 2008 | پاکستان پاکستان کی کریڈٹ ریٹنگ مزید کم14 November, 2008 | پاکستان پشاور اور اطرف، لاقانونیت کی لہر13 November, 2008 | پاکستان پختون پختون کو مار رہا ہے: حاجی عدیل12 November, 2008 | پاکستان | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
