آصف فاروقی بی بی سی اردوڈاٹ کام، اسلام آباد

	اس سے پہلے موڈیز نے پاکستان کے معاشی درجے میں مزید کمی کی اسے مستقل نظرثانی کی جانے والی معیشتوں میں شامل کرنے کا اعلان کیا ہے

ایجنیسی کے سنگاپور میں واقع ایشیائی دفتر سے جاری ہونے والی رپورٹ کے مطابق پاکستان کو بیرونی ادائیگیوں کے لیے مالی اعانت کے حصول میں تاخیر سے ملک پر واجب الادا فوری قرضوں کی ادائیگی میں مشکلات کا سامنا ہے۔ ایجنسی کے مطابق بیرونی قرض کی ادائیگی کی صلاحیت کا فقدان ہی پاکستان کی کریڈٹ ریٹنگ میں کمی کی وجہ ہے۔

آئی ایم ایف قرض جلد از جلد درکار

بین الاقوامی ریٹنگ ایجسیاں نے گزشتہ چند ماہ کے دوران پاکستان کی ریٹنگ میں مسلسل کمی کر رہی ہیں۔ اس سے پہلے موڈیز نے بھی چند ہفتے قبل پاکستان کی ریٹنگ میں کمی کی تھی۔

رپورٹ میں کہا گیا ہے کہ ان دوست ممالک کی جانب سے بھی پاکستان کو ضرورت سے بہت کم مالی امداد ملی ہے جن کی اس ملک کے سیاسی اور معاشی نظام میں دلچسپی دفاعی نوعیت کی ہے۔ رپورٹ کے مطابق پاکستان جب تک آئی ایم ایف کی منظوری سے معاشی استحکام کے لیے باضابطہ پروگرام اختیار نہیں کرتا ان ممالک سے بھی اسے کافی مدد ملنے کا امکان نہیں ہے۔

ایجنسی کے تجزیہ کار کا کہنا تھا آئی ایم ایف کی جانب سے مالی مدد ملنے کے بعد اس بات کا تو امکان ہے کہ پاکستان دیوالیہ ہونے کے فوری خطرے سے نکل جائے لیکن ملکی سیاسی صورتحال کے پیش نظر اس بات کی ضمانت نہیں کہ حکومت معاشی اصلاحات کے پروگرام پر عمل بھی کر پائے گی۔

ایجنسی کے تـجزیہ کار آگسٹ بینارڈ کے مطابق ’پاکستان میں سیاسی مجبوریوں کے باعث حکومت ضروری مگر غیر مقبول معاشی فیصلے کرنے میں سست روی کا شکار ہے۔ اس بات کا مظہر بجلی کے نرخوں میں اضافے میں تامل کا اظہار اور انیس سو نوے کی دہائی میں نوکریوں سے نکالے جانے والے ہزاروں سرکاری ملازمین کی بحالی ہے‘۔

سٹینڈرڈ اینڈ پورز کا کہنا ہے کہ پاکستان کے بارے میں آئندہ ریٹنگ مثبت بھی ہو سکتی ہے اور اس کا دارو مدار آئی ایم ایف کی جانب سے ملنے والے پرورگرام اور اس سے منسلک شرائط پر عمل ہو گا۔