دلاور خان وزیر
بی بی سی اردو ڈاٹ کام، پشاور |  |
| | افغانستان میں تعینات اتحادی افواج کے لیے رسد لے جانیوالے ٹرکوں کی لوٹ کے واقعات میں اضافہ ہوا ہے |
پاکستان کے قبائلی علاقے خیبر ایجنسی میں مبینہ مسلح طالبان نےنیٹو فورسز کے لیے رسد لے جانے والے بارہ ٹرکوں کو لوٹ کر ایک پہاڑی سلسلے میں چھوڑ دیا ہے اور ان ٹرکوں میں بھیجی جانے والی دو بکتر بند ’ہم وی‘ فوجی گاڑیوں کو بھی وہ اپنے ساتھ لے گئے۔ خیبر ایجنسی سے پیر کو اغواء کیے جانے والے ان ٹرکوں میں گاڑیاں، فوجی ساز و سامان اور خورد و نوش کی اشیاء تھیں۔ بعض اطلاعات کے مطابق ان گاڑیوں کو خیبر ایجنسی میں چار مقامات سے اغواء کیا گیا ہے اور اس واقعے لگ بھگ ساٹھ مسلح افراد ملوث تھے۔ پولیٹکل انتظامیہ کے ایک تحصیلدار نے بی بی سی کو بتایا ہے کہ خیبر ایجنسی کی تحصیل جمرود کے علاقے وزیر ڈانڈ‘ سور قمر اور ٹیڈی بازار سے اغواء کیے گئے بارہ ٹرکوں میں سے دو امریکی فوجی گاڑیوں سمیت دیگر سامان لوٹ کر ٹرکوں کو ایک پہاڑی سلسلے میں چھوڑ دیا گیا تھا۔ انہوں نے کہا کہ بارہ ٹرکوں میں سے ایک ٹرک میں امریکی فوج کے لیے دو بکتر بند ’ہم وی‘ گاڑیاں تھیں اور گیارہ ٹرکوں میں گندم بھرا ہوا تھا۔ انہوں نے ٹرکوں میں سوار اغواء ہونے والے چھبیس افراد کے بارے میں کچھ نہیں بتایا البتہ مقامی لوگوں کا کہنا ہے کہ عملے کے چھبیس افراد تاحال لاپتہ ہیں۔ |  انہوں نے کہا کہ بارہ ٹرکوں میں سے ایک ٹرک میں دو امریکی فوجی گاڑیاں تھیں اور گیارہ ٹرکوں میں گندم بھرا ہوا تھا۔ انہوں نے ٹرکوں میں سوار اغواء ہونے والے چھبیس افراد کے بارے میں کچھ نہیں بتایا البتہ مقامی لوگوں کا کہنا ہے کہ عملے کے چھبیس افراد تاحال لاپتہ ہیں۔  |
ان کے مطابق اس واقعے کے بعد پولیٹیکل انتظامیہ نے خاصہ دار اور سکاؤٹس فورس کے دستوں کو مختلف علاقوں میں تعینات کر دیا تھا اور خیبر ایجنسی کے قبائلی عمائدین سے بھی رابطے قائم کیے جا رہے تھے۔ واضح رہے کہ خیبر ایجنسی افغانستان اور پاکستان کے درمیان نقل و حمل کا اہم راستہ ہے اور اس راستے سے افغانستان کو مختلف اشیاء ترسیل کی جاتی ہیں۔ افغانستان میں پاکستان کے سفیر طارق عزیزالدین کو بھی اسی راستے سے افغانستان جاتے ہوئے اغواء کیا گیا تھا۔ پاکستان کے قبائلی علاقوں میں نیٹو افواج کے لیے سامان لے جانے والے ٹرکوں کے خلاف کارروائی کا یہ پہلا واقعہ نہیں ہے۔ خیبر ایجنسی کے علاقے میں پہلے بھی نیٹو افواج کے لیے سامان لے جانے والے کئی ٹرکوں کو اغواء کر لیا گیا تھا۔ اس کے علاوہ چند ماہ قبل نیٹو افواج کے لیے درآمد کردہ بکتر بندگاڑیاں ایک ٹرالر کے ذریعے افغانستان جانے کے لیے کراچی بندرگاہ کے قریب ماری پور ٹرک سٹینڈ پر تیار کھڑی تھیں اور چند نامعلوم افراد نے ٹرالر کو آگ لگا دی تھی جس کے باعث بکتر بند گاڑیوں کو بھی نقصان پہنچا تھا۔ | 
خیبر، تین سکیورٹی اہلکار ہلاک
