بیورو رپورٹ بی بی سی اردو ڈاٹ کام، پاکستان

	اقوامِ متحدہ کے سیکریٹری جنرل نے ایمرجنسی کے دوران قیدی بنائے جانے والوں کی جلد از جلد رہائی کا مطالبہ کیا ہے

چیف جسٹس کا وکلاء سے خطاب

ملک میں وکلاء کا احتجاج، گرفتاریاں

عوام اٹھ کھڑے ہوں: آپ کی رائے

ایمرجنسی کے بعد پہلی صبح

پاکستان میں ایمرجنسی:خصوصی ضمیمہ

جمہوریت کی طرف واپس جاؤ  میں نے سختی سے کہا ہے کہ حکومتِ پاکستان جتنی جلد ممکن ہو جمہوری دور کی طرف واپس جائے بان کی مون

اقوام متحدہ میں پاکستان کے سفیر منیر اکرم نے بان کی مون سے ملاقات کی اور کہا کہ پاکستان قانون کی عملداری اور جمہوریت کا پورا پورا پابند ہے۔ تاہم سیکریٹری جنرل نے بعد میں اخبار نویسوں کو بتایا کہ اس ملاقات میں انہوں نے ایک بار پھر پاکستان کے حالات پر افسوس کا اظہار کیا اور حکومت سے کہا ہے کہ جمہوریت بحال کی جائے اور سیاسی قیدیوں کو رہا کیا جائے۔

انہوں نے کہا کہ ’میں نے پاکستان میں ہونے والے واقعات پر دوبارہ شدید تشویش اور افسوس کا اظہار کیا ہے۔

’میں نے سختی سے کہا ہے کہ حکومتِ پاکستان جتنی جلد ممکن ہو جمہوری دور کی طرف واپس جائے۔‘

مداخلت نہ کریں  ہم سمجھتے ہیں کہ یہ ایک اندرونی معاملہ ہے اور اقوامِ متحدہ کو کوئی اختیار نہیں پہنچتا کہ اس میں مداخلت کرے منیر اکرم

تاہم منیر اکرم نے بی بی سی سے بات کرتے ہوئے کہا ہے کہ پاکستان میں ایمرجنسی کا بین الاقوامی امن اور سلامتی سے کوئی تعلق نہیں ہے اس لیے اقوامِ متحدہ کے دائرہ کار سے باہر ہے۔

’ہم سمجھتے ہیں کہ یہ ایک اندرونی معاملہ ہے اور اقوامِ متحدہ کو کوئی اختیار نہیں پہنچتا کہ اس میں مداخلت کرے۔‘

دوسری طرف دولت مشترکہ کے سیکریٹری جنرل ڈون میکانن نے اگلے ہفتے پاکستان کے معاملات پر غور کرنے کے لیے دولت مشترکہ کے ایکشن گروپ کا ایک غیر معمولی اجلاس بلایا ہے۔

پیر کو امریکی صدر جارج بش نے بھی صدر جنرل مشرف سے کہا تھا کہ وہ جتنی جلد ہو سکے ایمرجنسی ختم کریں اور ملک میں جمہوریت کو بحال کریں۔ صدر بش نے واشنگٹن میں ایک بیان میں کہا ’ہم توقع کرتے ہیں کہ جس حد تک جلد ممکن ہو انتخابات کرائے جائیں اور صدر اپنی فوجی وردی اتار دیں۔ ہم یہ توقع کر رہے ہیں کہ وہ جس قدر جلد ہوسکے جمہوریت کو بحال کریں گے۔‘