وسعت اللہ خان بی بی سی اردو ڈاٹ کام، پاکستان

	حکومتِ پاکستان نے جو بیاسی افراد ہلاک کئے ان میں القاعدہ کا کوئی مطلوب رہنما تو کجا کوئی مقامی شدت پسند رہنما بھی نہیں مارا گیا

حکومت کے دعوے جھوٹے ہیں: زندہ بچ جانے والے

باجوڑ بمباری پر احتجاج

سکیورٹی حکام نے چنیدہ صحافیوں کو انفراریڈ کیمروں سے لی گئی تصاویر اور وڈیوز بھی دکھائیں۔جن سے ظاہر ہوتا ہے کہ اس مدرسے میں علی الصبح بیس سے تیس برس عمر کے نوجوان ورزش میں مصروف ہیں۔ مگر کوئی مسلح شخص نہیں ہے۔ حکام کے بقول ان تصاویر میں نوجوانوں کو ہتھیار چلانے کی نہیں بلکہ خودکش بمبار بننے کی تربیت دی جا رہی ہے۔

حکام نے کہا کہ کئی ہفتے تک ان سرگرمیوں کے مشاہدے کے بعد کارروائی کا فیصلہ کیا گیا۔ کیونکہ مدرسے کے منتظمین مولوی لیاقت اور مولانا فقیر محمد نے بار بار تنبیہہ کے باوجود یہ سرگرمیاں معطل نہیں کیں۔اور دراصل یہ لوگ حکومت سے ایک مجوزہ معاہدہ امن کی آڑ لے کر یہ سرگرمیاں جاری رکھنے کا ارادہ کئے ہوئے تھے۔

اگر پتہ تو پکڑا کیوں نہیں  حکام کا کہنا ہے کہ ایمن الزواہری سمیت القاعدہ کے اہم رہنما کئی مرتبہ یہاں کا دورہ کرچکے ہیں۔سوال یہ ہے کہ جس انٹیلی جینس ایجنسی نے القاعدہ کے ان اشتہاری ملزموں کی آمدورفت کی لاگ بک مین ٹین کی وہ ان پر ایک بار بھی ہاتھ ڈالنے سے کیوں قاصر رہی۔کم ازکم یہ تو کیا جاسکتا تھا کہ یہ حملہ ایسے وقت ہوتا جب القاعدہ کے کسی رہنما کی یہاں موجودگی کی اطلاع ملتی تاکہ حکومت سینہ تان کر کہہ سکتی کہ ایک جائز ہدف کو نشانہ بنایا گیا

حکام کے بقول اگرچہ حکومت باجوڑ میں بھی وزیرستان کی طرز کا امن معاہدہ کرنا چاہتی ہے لیکن اس سے پہلے یہ کارروائی ضروری تھی تاکہ یہاں کے لوگ امن معاہدے سے کوئی غلط تاثر نہ لیں اور شدت پسندوں کی حمایت سے باز رہیں۔

مگر اس مخصوص بریفنگ میں جو تصویر پیش کی گئی ہے اس سے کہانی واضح ہونے کے بجائے کچھ جھول مزید نمایاں ہو گئے ہیں۔

دہشت گردی کے فن پر تحقیق میں کئی ماہرین نے اپنی عمریں کپھا دی ہیں۔اور بہت سوں نے اس پر خاصا کام کیا ہے کہ خودکش بمبار کیسے تیار ہوتا ہے۔ان میں سے کوئی اس نتیجے پر نہیں پہنچ سکا کہ خودکش بمبار کسی پروڈکٹ کی طرح فیکٹری میں تیار نہیں ہوتے بلکہ یہ رضا کارانہ عمل ہے۔اور اس کام کے لئے صرف ان چنیدہ افراد کو منتخب کیا جاتا ہے جن کے ذہن میں موت کو گلے لگانے کے بارے میں زرا سا بھی ابہام نہ ہو۔ایسے لوگوں کی تربیت کھلے میدان میں ڈرل کروا کر نہیں بلکہ بند کمرے میں انفرادی طور پر برین واشنگ کے زریعے کی جاتی ہے۔

اگر یہ مان بھی لیا جائے کہ باجوڑ کے اس مدرسے میں خودکش بمبار تیار ہوتے تھے تو ملبے سے کم ازکم وہ ٹریننگ کٹ ہی برآمد کرلی جائے جسے بارود کی اسٹکس لگا کر رنگروٹوں کو سینے پر باندھ کر دکھایا جاتا ہوگا۔جیسا کہ تامل ٹائیگرز یا کچھ فلسطینی گروپ کرتے ہیں۔

حکام کا کہنا ہے کہ ایمن الزواہری سمیت القاعدہ کے اہم رہنما کئی مرتبہ یہاں کا دورہ کرچکے ہیں۔سوال یہ ہے کہ جس انٹیلی جینس ایجنسی نے القاعدہ کے ان اشتہاری ملزموں کی آمدورفت کی لاگ بک مین ٹین کی وہ ان پر ایک بار بھی ہاتھ ڈالنے سے کیوں قاصر رہی۔کم ازکم یہ تو کیا جاسکتا تھا کہ یہ حملہ ایسے وقت ہوتا جب القاعدہ کے کسی رہنما کی یہاں موجودگی کی اطلاع ملتی تاکہ حکومت سینہ تان کر کہہ سکتی کہ ایک جائز ہدف کو نشانہ بنایا گیا۔

	حکومتِ پاکستان نے جو بیاسی افراد ہلاک کئے ان میں القاعدہ کا کوئی مطلوب رہنما تو کجا کوئی مقامی شدت پسند رہنما بھی نہیں مارا گیا

جن مولوی لیاقت اور مولانا فقیر محمد پر حکومت دہشت گردوں کے اس گڑھ کی سرپرستی کا الزام لگا رہی ہے انہی دونوں سے وہ حملے سے ایک روز پہلے تک امن معاہدے کا عندیہ دے رہی تھی۔اور یہ دونوں آج بھی حیات اور آزاد ہیں۔اگر یہ واقعی سرغنہ ہیں تو ان سے معاہدہ کی خواہش کرنے کے بجائے القاعدہ کے روپوش رہنماؤں کی معلومات کا خزانہ اگلوانے کے لیے پکڑنے کی کوشش کیوں نہیں کی گئی۔

حملے کے فوراً بعد جو اولین سرکاری وضاحتیں جاری کی گئیں ان میں کہا گیا کہ مرنے والوں میں غیرملکی دہشت گرد بھی شامل ہیں۔لیکن بعد کے بیانات میں سے غیرملکی حذف کردیا گیا اور صدر مشرف سمیت سب نے یہ موقف اختیار کیا کہ مرنے والے سب کے سب دہشت گرد تھے۔اور دلیل یہ دی گئی کہ مدرسے میں موجود لوگوں کا تعلق صرف باجوڑ ایجنسی سے نہیں تھا بلکہ ایک بڑی تعداد میں سوات اور صوبہ سرحد کے دیگر علاقوں کے بھی لوگ تھے۔

اب تک تو حکومت یہ کہتی آئی تھی کہ ہم وزیرستان میں مقامی لوگوں کے خلاف نہیں بلکہ باہر سے آنے والے ازبک، چیچنیائی ، اور عرب دہشت گردوں اور انکے پشت پناہوں کے خلاف ہیں۔لیکن باجوڑ کے مدرسے میں دہشت گردوں کی موجودگی ثابت کرنے کے لئے جو تازہ ترین دلیل دی گئی ہے اسکی روشنی میں اگر کوئی طالبِ علم سوات کے بجائے باجوڑ کے مدرسے میں جائے گا تو اسکو بھی غیرملکی دہشت گردوں کے برابر تصور کیا جائے گا۔

کارروائی ہم نے کی ہے: حکومتِ پاکستان

اس بھی زیادہ دلچسپ بات یہ ہے کہ جس علاقے میں انٹیلی جینس ایجنسیوں اور نیم فوجی دستوں کی موجودگی کے باوجود ملک بھر سے دہشت گرد تربیت لینے کے لیے آسانی سے پہنچ گئے۔وہاں کسی صحافی کو ایک مدت سے جانے کی اجازت نہیں ہے۔