شکیل اختر بی بی سی اردو ڈاٹ کام، دلی

	آئندہ برس عام انتخابات ہونے والے ہيں اس لیے اس بجٹ اجلاس کو انتخابی بجٹ اجلاس کہا جا رہا ہے

گزشتہ برس یہ شرح 6۔9 فیصد تھی اور یہ امید کی جا رہی تھی اس برس یہ شرح کم از کم 9 فیصد رہے گی۔

اقتصادی جائزے میں ڈالر کے مقابلے روپے کی بڑھتی ہوئی قیمت اور افراط زر کی صورتحال پر تشویش ظاہر کی گئی ہے ۔ اس برس افراط زر کی شرح 1۔4 فی صد رہنے کی امید ہے۔

روپیے کی قیمت میں اضافے سے برآمدات اور انفارمیشن ٹیکنالوجی کا شعبہ متاثر ہوا ہے۔

وزیر خزانہ پی چدامبرم نے کہا کہ معیشت میں سست روی کے باوجود فی کس آمدنی میں 2۔7 فی صد کی شرح سے اضافہ ہو رہا ہے ۔ انہوں نے مزید کہا کہ دس فیصد کی شرح سے ترقی کرنے کے لیے مزید اصلاحی اقدامات کرنے ہونگے۔

معیشت میں سست روی کے باوجود فی کس آمدنی میں 2۔7 فی صد کی شرح سے اضافہ ہو رہا ہے ۔دس فیصد کی شرح سے ترقی کرنے کے لیے مزید اصلاحی اقدامات کرنے ہونگے پی چدم برم، وزیر خزانہ

جائزے میں کہا گیا ہے کہ ہوائی اڈوں ، سڑکوں ، بندرگاہوں ، گوداموں اور دیگر بنیادی سہولیات کی کمی سے ترقی کے عمل میں مسلسل رکاوٹ آرہی ہے۔

جائزے میں کہا گیا ہے کہ معیشت مستحکم ہے اور اس کی ترقی کی شرح کو برقرار رکھنا اور اسے مزید آگے بڑھانا معیشت کا سب سے بڑا چیلنج ہے۔

جائزے میں معیشت کو بہتر بنانے کے لیے بیمہ اورریٹیل سیکٹر کو غیر ملکی سرمیہ کاری کے لیے مزید کھولنے جیسے اقدامات کی بات کی گئی ہے۔

اقتصادی جائزہ عام بجٹ سے قبل حکومت کی اقتصادی کارکردگی کا رپورٹ کارڈ تصور کیا جاتا ہے۔ اس سے عام بجٹ کی ممکنہ سمت کا پتہ چلتا ہے ۔ عام بجٹ کل پارلیمنٹ میں پیش کیا جائے گا۔