ریحانہ بستی والا بی بی سی اردو ڈاٹ کام ، ممبئی

	قطرینہ کیف کو حال ہی میں ایک برطانوی میگزین نے سب سے پرکشش خاتون سے تعبیر کیا تھا

اکشے کمار نے قطرینہ کا فون کیوں نہیں اٹھایا؟ یہ سوال سب کو پریشان کر رہا تھا۔ آئیفا ایوارڈ کی رات جب قطرینہ کو اکشے کے ساتھ رقص کرنا تھا تب قطرینہ بہت گھبرائی ہوئی تھیں۔

قطرینہ نے اکشے کو لگاتار کئی فون کیے جب جواب نہیں ملا تو وہ خود باہر آئیں اور اکشے کی وین کے پاس آکر سب سے اکشے کے بارے میں پوچھا لیکن کوئی کیاجواب دیتا جب کہ اکشے پروگرام دیکھنے والوں میں اپنی بیوی ٹوئینکل کے ساتھ بیٹھے ہوئے تھے۔ اب بتائیے اکشے قطرینہ کے فون کا جواب کیسے دیتے جبکہ ان کے ہاتھ میں اپنی بیوی کا ہاتھ تھا۔

خیر یہ تو تھا مذاق۔ حقیقت یہ ہے کہ ٹوئینکل اور قطرینہ کے درمیان سرد جنگ چلتی ہے اس بات سے اکشے اچھی طرح واقف تھے اب ایسے میں اکشے کی کیا مجال کہ وہ فون کا جواب دیتے۔

ابھیشیک کی دعوت

	ابھیشیک بچن بالی وڈ سٹار امیتابھ بچن کے بیٹے ہيں اور خود بھی بالی وڈ کے سٹار تصور کیے جاتے ہيں

بنکاک میں آئیفا ایوارڈز کے بعد ایشوریہ اور ابھیشیک نے گلے شکوے بھلا کر وویک اوبیرائے اور کرینہ کپور کو پارٹی کے لیے اپنے کمرے میں مدعو کیا۔ بتائیے کیا ہوا ہوگا۔ وویک دوڑ کرگئے ہوں گے اور کرینہ ۔۔۔۔۔ نہیں ایسا کچھ نہیں ہوا۔ وویک نےفردین خان کی پارٹی میں جانا مناسب سمجھا اور کرینہ ۔۔۔ وہ سیف اور منیش ملہوترہ کے ساتھ پارٹی میں چلی گئیں۔ ابھیشیک ہمیں لگتا ہے کہ زخم جلدی بھرنے والے نہیں ہیں۔

سیف کی محبت

	سیف اور کرینہ کی دوستی کے چرچے اس وقت ہر جگہ ہیں

تھینک یو چاچو

عامر اپنے چچا ناصر حسین کا شکریہ ادا کرنا چاہتے ہیں کہ انہوں نے ان کے لیے فلم ’ قیامت سے قیامت تک‘ بنائی جو بےحد مقبول ہوئی اور ان کے شاندار فلمی کرئیر کا آغاز ہوا۔ اس لیے عامر اب اپنے بھانجے عمران خان کی فلم ’جانے تو یا جانے نا‘ کو اپنے چاچا کے نام سے منسوب کر کے انہیں تھینک یو کہہ رہے ہیں۔

فلم کے ہر پرنٹ پر عامر کے شکریہ کا خط چسپاں ہوگا۔ عامر آپ اکیلے ہی کیوں پوری فلم انڈسٹری کو ناصر حسین کا شکریہ ادا کرنا چاہے گی۔

عامر بنے گرودت!

	عامر نے حال ہی میں ’تارے زمین پر‘ نامی فلم بنائی تھی جس کی ہرجگہ پذیرائي ہوئي

کیا عامر خان گرو دت بنیں گے۔ اس سوال کا جواب اس وقت مل جائےگا جب ہدایت کار سونیدر سنگھ ڈونگر اپنی فلم کا پورا سکرپٹ عامر کے سامنے رکھ دیں گے۔

سنگھ شروع سےگرودت کے پرستار رہے ہیں اور انہوں نے گرو دت کی زندگی پر فلم بنانے کا فیصلہ کیا ہے۔ سکرپٹ انوراگ کشیپ نے لکھاہے۔ سنگھ عامر کے پاس پہنچے کہ وہ گرو دت کے کردار کو نبھاتے ہوئے عامر جیسے اداکار کو دیکھنا چاہتے ہیں۔ عامر جیسا کہ سب جانتے ہیں، یہ کہہ کر انہیں واپس کر دیا کہ پہلے آپ پورا سکرپٹ لےکر آئیے اس کے بعد میں حامی بھروں گا۔ سنگھ اب سکرپٹ پورا کروانے میں لگ گئے ہیں۔

معمر رانا کا عشق

پاکستانی اداکار معمر رانا گوا میں منیشا کوئرالا کے ساتھ عشق لڑا رہے ہیں۔گھبرائیے مت فلم کے پردے پر۔ فلم ’ایک سیکنڈ جو زندگی بدل دے‘ کی شوٹنگ گوا کے خوبصورت ساحل پر ہو رہی ہے اور معمر رانا کے ساتھ منیشا بطور ہیروئین ہیں۔ ویسے اس فلم میں آپ سیف کی سابق دوست روزا کو بھی ایک کردار میں دیکھ سکیں گے۔

ننانوے طمانچے ایک کِس

	ملکہ شیراوت نے فلم ’مرڈر‘ میں ادکار عمران ہاشمی کو سترہ کس دیے تھے

ملکہ کا یہ سفر کیسا لگا آپ کو۔ یاد ہے نا کہ انہوں نے اپنی پہلی فلم ’مرڈر‘ میں عمران ہاشمی کوسترہ کِس دیے تھے۔ اب یہ رنویر سے پوچھنا ہوگا کہ انہیں وہ ننانوے طمانچے اچھے لگے یا ایک کِس۔۔۔۔۔

سلمان کی ڈبکی

اپنے پہلے ٹی وی شو’ دس کا دم‘ کی مقبولیت اور تعریف سن کر سلمان خان نے پنویل میں واقع اپنے فارم ہاؤس پر اپنے دوستوں اور ٹی وی شو کے ٹیکنیشئن سمیت تقریباً سو لوگوں کو مدعو کیا۔ پکوانوں کے ساتھ جام کا دور چلا اور پھر۔۔۔سلمان خان نے سوئمنگ پول میں چھلانگ لگا دی۔

بس کیا تھا سارے نوجوانوں کے ساتھ ساتھ ٹی وی شو کے تخلیقی ڈائرکٹر سدھارتھ باسو سے بھی رہا نہیں گیا۔ ویسے خوشی منانے کا سلمان کا سٹائل ہمیشہ انوکھا ہی ہوتا ہے۔

میں کیسی لگتی ہوں؟

	کرینہ شاہ رخ خان کے ٹی وی شو ’ کیا آپ پانچویں پاس سے تیز ہیں‘ میں شرکت کرچکی ہيں

یہ دیکھ کر شاہ رخ نے پہلے تو کہا کہ کرینہ تم بہت اچھی لگ رہی ہو لیکن جب کرینہ نے دیکھنا بند نہیں کیا تو آخر کار خان کو وہ چاروں ایل سی ڈی سکرین بند کرنے کا حکم جاری کرنا پڑا۔

سٹارز کو خراج عقیدت

یش راج فلمز اپنی فلم ’رب نے بنا دی جوڑی‘ میں پرانے دور کے پانچ سپر سٹارز راج کپور، شمی کپور، دیو آنند، راجیش کھنہ اور رشی کپور کو خراج عقیدت پیش کریں گے اور اس کا انہوں نے انوکھا طریقہ نکالا ہے۔ فلم کے ہیرو شاہ رخ خان پر گیارہ منٹ کا ایک گیت فلمایا گیا ہے۔ خان اس میں ہر اس اداکار کی ایکٹنگ کریں گے۔ اس گیت کو آواز دی ہے گلوکار سونو نگم نے۔