ریحانہ بستی والا بی بی سی اردو ڈاٹ کام، ممبئی

	پتنگ میں کنگنا رناوت نے بھی اداکاری کی ہے

انوراگ باسو کی ہدایت میں بننے والی اس فلم کو ایروز انٹرنیشنل کمپنی نے خریدا ہے۔ فلم میں دراصل رتیک روشن کے ساتھ برطانوی ماڈل باربرا مور اور کنگنا رناوت ہیں۔ اب فلم باربرا مور کی وجہ سے یا رتیک کی وجہ سے یا پھر کامیاب فلم میٹرو کے ہدایت کار باسو کی وجہ سے اتنے مہنگے داموں پر فروخت ہوئی ہے یہ اندازہ آپ خود لگائیے۔

کرینہ کی اونچائیاں
کرینہ بہت بلندیوں پر ہیں۔ حالانکہ ان کی فلم ’ ٹشن‘ باکس آفس پر ایک طرح سےفلاپ ہوئی ہے لیکن ان کے ستارے بہت بلندیوں پر ہیں۔ فلم’ایڈیٹ‘ میں وہ پہلی مرتبہ عامر کے سا تھ ہیروئین بن کر آ رہی ہیں۔ عامر کے سامنے ہیروئین بننے کے لیے کئی ہیروئین قطار میں تھیں لیکن بازی کرینہ نے ماری۔ اب سنا جا رہا ہے کہ اجے نے بھی اپنی ہدایت میں بننے والی دوسری فلم کے لیے کرینہ کو سائن کر لیا ہے۔

	کرینہ آج کل بلندیوں پر ہیں

ودیا یا ثانیہ
ودیا بالن یا ثانیہ مرزا آخر کون ہے شاہد کپور کی سب سے اچھی دوست۔ ہم دونوں کی شاہد کے ساتھ دوستی کی باتیں بتا رہے ہیں لیکن یہ فیصلہ ہم آپ پر چھوڑتے ہیں۔ پہلے ودیا کی بات کریں۔ ودیا خود کہتی ہیں کہ عزیز مرزا کی فلم ’قسمت کنکشن‘ کی شوٹنگ کے دوران ان کے درمیان ’اچھی دوستی‘ قائم ہوئی اور یہ کہ پہلی مرتبہ انہیں کوئی شخص ان کی عمر کا ملا اور اچھا لگا۔ شاہد جنوبی ممبئی میں فلم کی شوٹنگ کر رہے تھے کہ ودیا وہاں پہنچ گئیں اور وہ دونوں وہاں سے تین گھنٹوں تک غائب رہے۔ شاہد ثانیہ مرزا سے بنگلور اور حیدرآباد کے علاوہ ممبئی میں ملاقاتیں کرتے رہتے ہیں اور سیٹ پر موجود لوگوں کا کہنا ہے کہ شاہد گھنٹوں ثانیہ سے فون پر یا تو باتیں کرتے ہیں یا پھر انہیں پیغام بھیجتے رہتے ہیں۔

ممبئی میں چندی گڑھ
جس طرح راجستھان میں چاندنی چوک بنایا گیا تھا بالکل اسی طرز پر اب فلم سٹی گوریگاؤں میں چنڈی گڑھ بنایا جا رہا ہے۔ فلمساز آدتیہ چوپڑہ شاہ رخ کے ساتھ فلم ’رب نے بنا دی جوڑی‘ فلمانے کی تیاری کر رہے ہیں۔ دل والے دلہنیا لے جائیں گے کی تاریخ ساز کامیابی کے بعد آدتیہ ایک بار ہدایت کاری کے میدان میں اترے ہیں اور وقت کی بچت کے لیے وہ چنڈی گڑھ کو ممبئی میں لا رہے ہیں۔

	ایشوریہ رائے شادی کے بعد سکرین پر جلد دکھیں گی

سونی پکچرز کی ہمت
سانوریا کے فلاپ ہونے کے بعد خبریں یہ آرہی تھیں کہ اب سونی پکچرز نے بالی وڈ میں سرمایہ کاری کرنے سے شاید توبہ کر لی ہے لیکن اس کے برعکس کمپنی نے پرتیش نندی کی کمپنی کے سے دو سو پچاس کروڑ روپے میں تین فلموں کا معاہدہ کر لیا ہے۔

سلمان کے باپ
سلماں خان کے والد سلیم چاہے سلمان کی طرح بغیر شرٹ کے نہیں رہتے ہیں لیکن اگر فلموں میں کوئی ان کا باپ بنتا ہو تو شاید انہیں سلو کی ہی طرز پر فلم میں کبھی کبھی شرٹ اتارنی بھی ہو گی۔ فلم ویر میں جس کی کہانی بھی سلمان نے ہی لکھی ہے، متھن چکرورتی ان کے والد کا کردار کر رہے ہیں۔ اس کے لیے انہوں نے سینے کے بال کٹوائے ہیں اور صحت مند نظر آنے کے لیے بیچارے اس عمر میں ورزش کرتے نظر آر ہے ہیں۔ ارے بھئی سلو کا باپ ہونا کوئی مذاق ہے کیا؟

	بپاشاباسو کے بھی بڑے نخرے ہیں

سنی کی چھلانگ
سنی دیول اپنی فلم’دی مین‘ میں شلپا شیٹی کے لیے پانچ کروڑ روپے کی کار رولس رائس فینٹم امپورٹ کر رہے ہیں۔

ودیا کی مجبوری
لندن کی سردی میں ودیا بالن اپنی کار میں ٹھٹھرتی رہیں لیکن وہ سیٹ پر نہیں گئیں ؟ پتہ ہے کیوں ۔۔۔۔ارے بھئی وہاں سیٹ پر پہلے سے کرینہ کپور جو موجود تھیں۔ اب ودیا شاہد کے ساتھ دوستی کے بعد سے نظریں جو نہیں ملا پاتی ہیں۔