టోక్యో ఒలింపిక్స్: చరిత్ర లిఖించే అవకాశం చేజార్చుకున్న భారత్

3 ఆగస్టు 2021

టోక్యో ఒలింపిక్స్ పురుషుల హాకీ సెమీ ఫైనల్ మ్యాచ్‌లో బెల్జియం భారత్‌ను 5-2తో ఓడించింది.

భారత హాకీ జట్టు ఓటమి — ఫొటో క్యాప్షన్, భారత్, బెల్జియం మధ్య సెమీ ఫైనల్ మ్యాచ్ మొదటి క్వార్టర్ హోరాహోరీగా మొదలైంది. చూస్తుంటే ఏ జట్టూ గెలుపుపై ఆశలు వదులుకున్నట్టు అసలు కనిపించలేదు. ఒకసారి బెల్జియం పైచేసి సాధిస్తే ఇంకోసారి భారత్ ఆధిపత్యం చూపించింది.

41 ఏళ్ల తర్వాత భారత పురుషుల హాకీ టీమ్ ఒలింపిక్స్ సెమీ ఫైనల్ ఆడుతోంది. — ఫొటో క్యాప్షన్, 41 ఏళ్ల తర్వాత భారత పురుషుల హాకీ టీమ్ ఒలింపిక్స్ సెమీ ఫైనల్ ఆడుతోంది.

లోయిక్ లూపర్ట్ — ఫొటో క్యాప్షన్, మొదటి క్వార్టర్‌లో లోయిక్ లూపర్ట్ పెనాల్టీ కార్నర్‌ను గోల్‌గా మలచడంతో బెల్జియం భారత్‌కు షాక్ ఇచ్చింది. మ్యాచ్‌లో 1-0 ఆధిక్యం సాధించింది.

హర్మన్‌ప్రీత్ సింగ్ — ఫొటో క్యాప్షన్, అయితే, బెల్జియం ఆధిపత్యం ఎక్కువ సేపు సాగలేదు. అదే క్వార్టర్‌లో రెండో పెనాల్టీ కార్నర్‌లో హర్మన్‌ప్రీత్ సింగ్ భారత్ తరఫున గోల్ చేసి 1-1తో సమం చేశాడు.

మన్‌దీప్ సింగ్ — ఫొటో క్యాప్షన్, మొదటి క్వార్టర్‌లోనే మన్‌దీప్ సింగ్ భారత్‌ తరఫున మరో గోల్ చేశాడు. బెల్జియంపై 2-1 ఆధిక్యం అందించాడు.

అటతీరు కనువిందు — ఫొటో క్యాప్షన్, సెమీ ఫైనల్ మొదటి క్వార్టర్‌లోనే మూడు అద్భుతమైన గోల్స్ చేశారు. భారత్-బెల్జియం ఆటతీరు కనువిందు చేసింది.

రెండో గోల్ — ఫొటో క్యాప్షన్, అయితే, భారత్‌కు ఈ ఆధిక్యం ఎక్కువ సేపు నిలవలేదు. ఫస్ట్ హాఫ్‌ ముగియడానికి కాస్త ముందు బెల్జియం రెండో గోల్ వేయడంలో సక్సెస్ అయ్యింది.

అలెగ్జాండర్ హెడ్రిక్స్ — ఫొటో క్యాప్షన్, బెల్జియంకు వరుసగా మూడు పెనాల్టీ కార్నర్స్ లభించాయి. వారు వాటిలో మూడో కార్నర్‌ను గోల్‌గా మలచగలిగారు.

అలెగ్జాండర్ హెడ్రిక్స్ — ఫొటో క్యాప్షన్, అలెగ్జాండర్ హెడ్రిక్స్ బెల్జియం రెండో గోల్ చేశాడు. ఫస్ట్ హాఫ్‌లో భారత్-బెల్జియం స్కోర్ 2-2 సమంగా ఉంది.

హోరాహోరీ — ఫొటో క్యాప్షన్, హాఫ్ టైమ్ తర్వాత మ్యాచ్ మొదలవగానే మూడో క్వార్టర్ హోరాహోరీగా ఉండబోతోందని అనిపించింది. అలాగే జరిగింది. రెండు టీముల్లో ఏదీ గోల్ చేయలేకపోయాయి.

పెనాల్టీ కార్నర్ మిస్ — ఫొటో క్యాప్షన్, 38వ నిమిషంలో భారత జట్టుకు పెనాల్టీ కార్నర్ లభించింది. కానీ టీమ్ దానిని గోల్‌గా మలచలేకపోయింది.

అలెగ్జాండర్ హెడ్రిక్స్ — ఫొటో క్యాప్షన్, బెల్జియంకు వరసగా మూడు పెనాల్డీ కార్నర్‌లు రావడంతో భారత్ పరిస్థితి దారుణంగా మారింది. వాటిలో చివరి కార్నర్‌ను అలెగ్జాండర్ హెడ్రిక్స్ గోల్‌గా మార్చాడు. దాంతో బెల్జియం భారత్‌పై 3-2 ఆధిక్యం సాధించింది.

అలెగ్జాండర్ హెడ్రిక్స్ — ఫొటో క్యాప్షన్, నాలుగో క్వార్టర్ చివరి 8వ నిమిషంలో బెల్జియంకు వరుస పెనాల్టీ కార్నర్ల తర్వాత ఒక పెనాల్టీ స్ట్రోక్ లభించింది. దాన్ని గోల్‌గా మార్చడంలో అలెగ్జాండర్ హెడ్రిక్స్ ఎలాంటి తప్పు చేయలేదు.

పి.శ్రీజేష్ — ఫొటో క్యాప్షన్, భారత జట్టు గోల్‌కీపర్ పి.శ్రీజేష్ చివరి క్వార్టర్‌ పెనాల్టీ స్ట్రోక్‌ను అడ్డుకోలేకపోయారు. అయితే, ఒలింపిక్స్‌లో అతడి ప్రదర్శన ఎన్నో ప్రశంసలు అందుకుంది.

అలెగ్జాండర్ హెడ్రిక్స్ — ఫొటో క్యాప్షన్, బెల్జియం ఆటగాడు అలెగ్జాండర్ హెడ్రిక్స్ మ్యాచ్ హీరోగా నిలిచాడు. అతడు పెనాల్టీ కార్నర్, పెనాల్టీ స్ట్రోక్‌ను గోల్‌గా మలచగలిగాడు. మూడు గోల్స్ చేశాడు.

బెల్జియం ఐదో గోల్ — ఫొటో క్యాప్షన్, చివరి క్వార్టర్ చివరి ఏడో నిమిషంలో బెల్జియం ఐదో గోల్ కూడా వేసింది. అది ఓపెన్ గోల్. దీనితో బెల్జియం భారత్ మీద 5-2 ఆధిక్యం సంపాదించింది.

భారత హాకీ జట్టు ఓటమి — ఫొటో క్యాప్షన్, భారత పురుషుల హాకీ టీమ్ గ్రేట్ బ్రిటన్‌ను 3-1తో ఓడించి క్వార్టర్ ఫైనల్లో స్థానం సంపాదించింది. ఇక, భారత మహిళా హాకీ టీమ్ సెమీ ఫైనల్ మ్యాచ్ బుధవారం అర్జెంటీనాతో జరగనుంది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

ముఖ్యమైన కథనాలు

ఫీచర్లు