కమల్ హాసన్ 'భారతీయుడు-2' సినిమా సెట్లో ప్రమాదం, ముగ్గురు మృతి

భారతీయుడు-2

ఫొటో సోర్స్, Twitter

కమల్ హాసన్ నటిస్తున్న భారతీయుడు-2 సినిమా సెట్లో ప్రమాదం జరిగింది. ఈ ఘటనలో ముగ్గురు టెక్నీషియన్లు మృతి చెందారు.

సినిమా కోసం ఓ భారీ సెట్ ఏర్పాటుచేస్తున్న సమయంలో పెద్ద క్రేన్ ఒకటి పక్కకు ఒరిగి పడిపోవడంతో ఈ ప్రమాదం చోటుచేసుకుంది. దీంతో ముగ్గురు మరణించగా, 9మంది గాయపడ్డారు. వారిని వెంటనే హాస్పటల్‌కు తరలించారు.

అడ్డగీత
News image
అడ్డగీత

పోలీసులు ఘటనా స్థలికి చేరుకుని విచారణ చేపట్టారు.

పోస్ట్‌ X స్కిప్ చేయండి
X ఈ సమాచారాన్ని చూడాలనుకుంటున్నారా?

ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.

హెచ్చరిక: థర్డ్ పార్టీ కంటెంట్‌లో ప్రకటనలు ఉండొచ్చు

పోస్ట్ of X ముగిసింది

దీనిపై కమల్ హాసన్ ట్విటర్ వేదికగా తన సంతాపం వ్యక్తం చేశారు.

"నేను నా జీవితంలో ఎన్నో ప్రమాదాలు చూశాను. కానీ ఇది చాలా విషాదం మిగిల్చింది. వారి కుటుంబ సభ్యులకు నాకన్నా ఎక్కు బాధ ఉంటుంది. వారికి నా సానుభూతి తెలుపుతున్నా" అని అన్నారు.

గాయపడినవారికి చికిత్స అందిస్తున్న డాక్టర్లతో కూడా తాను మాట్లాడానని, వారంతా త్వరగా కోలుకుని, మళ్లీ మాతో భాగస్వాములు కావాలని కోరకుంటున్నానని మరో ట్వీట్‌లో తెలిపారు.

లైకా ప్రొడక్షన్స్ ప్రకటన

ఈ ప్రమాదంపై లైకా ప్రొడక్షన్స్ ఓ పత్రికా ప్రకటన విడుదల చేసింది.

"మేం అనుభవిస్తున్న బాధను వర్ణించడానికి మాటలు చాలవు. భారతీయుడు-2 షూటింగ్ సెట్లలో నిన్న జరిగిన ఈ ప్రమాదం మాకు చాలా బాధను కలిగించింది. ఎంతో కష్టపడి పనిచేసే ముగ్గురు టెక్నీషియన్లను మేం కోల్పోయాం. వారి కుటుంబ సభ్యులకు మా సంతాపాన్ని తెలియచేస్తున్నాం" అని ఆ ప్రకటనలో పేర్కొంది.

భారతీయుడు-2 సెట్లో ప్రమాదం

ఫొటో సోర్స్, Twitter

శంకర్ దర్శకత్వం వహిస్తున్న భారతీయుడు-2 సినిమా షూటింగ్ చెన్నై పరిసరాల్లో జరుగుతోంది. దీనిలో కమల్ హాసన్‌కు జోడీగా కాజల్ అగర్వాల్ నటిస్తున్నారు. ఈ సంవత్సరం ఏప్రిల్‌లో ఈ సినిమా విడుదల కానుంది.

బీబీసీ ఇండియన్ స్పోర్ట్స్ వుమన్ ఆఫ్‌ ది ఇయర్

ఇవి కూడా చదవండి.

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)