నాగేశ్వర్ రెడ్డికి పద్మ విభూషణ్, నందమూరి బాలకృష్ణకు పద్మ భూషణ్

రిపబ్లిక్ డే సందర్భంగా కేంద్ర ప్రభుత్వం పద్మ అవార్డులను ప్రకటించింది. తెలంగాణ నుంచి వైద్య విభాగంలో ఏఐజీ హాస్పిటల్ చైర్మన్ దువ్వూరు నాగేశ్వర్ రెడ్డిని పద్మ విభూషణ్‌కు ఎంపిక చేశారు. ఆంధ్రప్రదేశ్ నుంచి కళల విభాగంలో నటుడు నందమూరి బాలకృష్ణకు పద్మ భూషణ్ ప్రకటించారు.

ప్రజావ్యవహారాల విభాగంలో తెలంగాణ నుంచి మందకృష్ణ మాదిగ పద్మశ్రీ అందుకోనున్నారు. కళల విభాగంలో ఆంధ్రప్రదేశ్‌ నుంచి మాడుగుల నాగఫణి శర్మకు పద్మశ్రీ ప్రకటించారు.

సాహిత్యం, విద్య విభాగంలో కేఎల్ కృష్ణను పద్మశ్రీకి ఎంపిక చేశారు. కళల విభాగంలోనే ఆంధ్రప్రదేశ్‌కు చెందిన మిరియాల అప్పారావుకు (మరణానంతరం) పద్మశ్రీ ప్రకటించారు.

సాహిత్యం, విద్య విభాగంలో ఏపీకి చెందిన వడిరాజ్ రాఘవేంద్రచార్య పంచముఖి పద్మశ్రీ అందుకోనున్నారు.

ఇటీవల మరణించిన ప్రముఖ దర్శకుడు ఎం.టి.వి వాసుదేవన్ నాయర్‌కు కేరళ నుంచి సాహిత్యం, విద్య విభాగంలో పద్మ విభూషణ్ ప్రకటించింది కేంద్రం.

సీనియర్ హీరోయిన్ శోభన, తమిళ నటుడు విజయ్‌కి కేంద్రం పద్మ భూషణ్ ప్రకటించింది.

కన్నడ నటుడు అనంతనాగ్‌ను కళల విభాగంలో పద్మభూషణ్‌కు ఎంపిక చేసింది.

బిహార్‌ బీజేపీ నేత సుశీల్ కుమార్ మోదీకి (మరణానంతరం) ప్రజావ్యవహారాల విభాగంలో పద్మ భూషణ్ ప్రకటించింది.

క్రీడా విభాగంలో హాకీ మాజీ క్రీడాకారుడు పీఆర్ శ్రీజేష్‌కు పద్మభూషణ్‌, మాజీ క్రికెటర్ రవిచంద్రన్ అశ్విన్‌‌కు పద్మశ్రీ ప్రకటించింది.

మొత్తం ఏడుగురికి పద్మ విభూషణ్ ప్రకటించిన కేంద్రం, 19 మందిని పద్మ భూషణ్‌కు ఎంపిక చేసింది. 113 మందికి వివిధ విభాగాల్లో పద్మశ్రీ ప్రకటించింది. 23 మంది మహిళలకు పద్మ అవార్డులు లభించాయి. 13మందికి మరణానంతరం అవార్డులు ప్రకటించింది.

పద్మ విభూషణ్‌కు ఎంపికైన వారు

పద్మ భూషణ్‌కు ఎంపికైనవారు

తెలుగు రాష్ట్రాల నుంచి పద్మశ్రీకి ఎంపికైన వారు

(బీబీసీ కోసం కలెక్టివ్ న్యూస్‌రూమ్ ప్రచురణ)

(బీబీసీ తెలుగును వాట్సాప్‌,ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)