వర్షాలు, వరదల సమయంలో ఎలాంటి జాగ్రత్తలు తీసుకోవాలి? ఏం చేయొచ్చు? ఏం చేయకూడదు

తెలుగు రాష్ట్రాలను భారీ వర్షాలు, వరదలు అతలాకుతలం చేస్తున్నాయి.

విజయవాడ, ఖమ్మం, పలు ఇతర పట్టణాలు, గ్రామాలలో తీవ్ర నష్టం మిగిల్చిన వరదలు ఇంకా పూర్తిగా తగ్గక ముందే మరోసారి భారీ వర్షాలు కురిసే అవకాశం ఉందని వాతావరణ శాఖ ప్రకటించింది.

ఈ పరిస్థితుల్లో ప్రజలు సురక్షితంగా ఉండడానికి ముందు జాగ్రత్త చర్యలు, వర్షాలు కురుస్తున్నప్పుడు, ఆ తర్వాత జాగ్రత్తలు తీసుకోవడం అవసరం.

ముఖ్యంగా లోతట్టు ప్రాంతాల ప్రజలు వర్షాకాలంలో వాతావరణ హెచ్చరికలను గమనిస్తూ ఉండాలి.

చుట్టుపక్కల కాలువలు, చెరువులు ఉంటే వాటిలోని నీటి మట్టాన్ని గమనించడం, ఇంట్లో అవసరమైన వస్తువులను సిద్ధంగా ఉంచుకోవడం వంటి చర్యలతో తమకు సహాయం అందేవరకు జాగ్రత్తగా ఉండవచ్చు.

ఇటీవలి వర్షాలకు పల్లెలు, పట్టణాలు తేడా లేకుండా ప్రజలందరూ తీవ్ర ఇబ్బందులను, ప్రమాదాలను ఎదుర్కొంటున్నారు.

ఇలాంటి సందర్భంలో వర్షాకాలంలో, వరదల సమయంలో మీరు చేయాల్సిన, చేయకూడని పనులేమిటో చూద్దాం..

ఈ జాగ్రత్తలు పాటించండి

ఈ పనులు అస్సలు చేయొద్దు

‘వీళ్లంతా మరింత అప్రమత్తంగా ఉండాలి’

కాగా తుపాన్లు, వర్షాలు, వరదల సమయంలో మరింత అప్రమత్తంగా ఉండాల్సింది ఎవరనేది విశాఖపట్నం తుపాన్ హెచ్చరిక కేంద్రం ఎండీ కేవీఎస్ శ్రీనివాస్ ‘బీబీసీ’కి వివరించారు.

భారీ వర్షాలు, వరదల సమయంలో లోతట్టు ప్రాంతాల ప్రజలు అందరికంటే ఎక్కువ ముందుజాగ్రత్తలు తీసుకోవాలని ఆయన సూచించారు.

పాత భవనాలలో ఉండేవాళ్లు వాటిని ఖాళీ చేసి సురక్షిత ప్రాంతాలకు వెళ్లాలని చెప్పారు.

కుంగే స్వభావం ఉన్న నేల, ప్రదేశంలో ఆవాసాలు ఉన్నవారు.. కొండచరియలు విరిగిపడే ప్రమాదం ఉన్న ప్రాంతాలలో నివసించేవారు కూడా అక్కడి నుంచి వెళ్లిపోవాలని సూచించారు.

తుపాన్లు వచ్చే సమయంలో మత్స్యకారులు సముద్రంలో వేటకు వెళ్లరాదని చెప్పారు. వాతావరణ శాఖ హెచ్చరికలు ఫాలో కావడం వల్ల చాలావరకు ప్రమాదాలు తప్పుతాయని అన్నారు.

(ఆధారం: నేషనల్ డిజాస్టర్ మేనేజ్‌మెంట్ అథారిటీ, భారత వాతావరణ శాఖ, ఏపీ స్టేట్ డిజాస్టర్ మేనేజ్‌మెంట్ అథారిటీ)

( బీబీసీ కోసం కలెక్టివ్ న్యూస్‌రూమ్ ప్రచురణ)

(బీబీసీ తెలుగును వాట్సాప్‌,ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)