Tetesi za soka Ulaya Jumanne: Inter Milan inamtaka tena mlinda lango Andre Onana

Inter Milan wanafuatilia hali ya mlinda lango wa Cameroon Andre Onana, 29, huku uvumi bado ukiongezeka juu ya mustakabali wake Manchester United. (Jua), nje

Chelsea wako tayari kutoa ofa ya mkopo kwa winga wa Uingereza Raheem Sterling, 30, na wanataka kuwauza wachezaji wanane zaidi kabla ya dirisha la usajili kufungwa. (Telegraph - Subscription)

The Blues pia wamekataa ofa ya mkopo kutoka kwa Bayern Munich kwa fowadi Mfaransa Christopher Nkunku, 27 - watakubali tu uhamisho wa kudumu. (Subscription Required )

Newcastle wanatazamia kuzindua dau jipya la pauni milioni 35 kwa mshambuliaji wa DR Congo Yoane Wissa lakini Brentford haitamuuza mchezaji huyo mwenye umri wa miaka 28 kabla ya kusajili mbadala wake. (Sun)

Crystal Palace wanataka kuwabakisha wachezaji wawili wa Uingereza Eberechi Eze, 27, na Marc Guehi, 25 - ambao wanalengwa na Tottenham na Liverpool mtawalia - hadi baada ya kuanza kwa kampeni ya Ligi ya Conference, itakayoanza Alhamisi dhidi ya Fredrikstad. (Mirror)

Hatahivyo, Tottenham wametuma ombi kwa Palace juu ya muundo wa malipo ya dili la Eze, na ofa iliyopendekezwa ya pauni milioni 55 pamoja na nyongeza. (Independent)

Wakati huo huo, Palace wanapanga kumpanga beki wa Rennes mwenye umri wa miaka 20 Mfaransa Jeremy Jacquet kama mbadala wa Guehi. (Independent)

Aston Villa wamemuongeza fowadi wa Chelsea na Senegal Nicolas Jackson, 24, kwenye orodha yao fupi ya washambuliaji lakini wanaweza kukabiliana na ushindani kutoka kwa Bayern Munich. (Florian Plettenberg)

Winga wa Manchester United na England Jadon Sancho, 25, amekataa nafasi ya kujiunga na Roma, ambao walikuwa tayari kulipa ada ya uhamisho ya £20m. (Sportsport)

Mkufunzi wa Arsenal Mikel Arteta anataka kusajili winga wa kushoto lakini lazima auze wachezaji kabla hajaongeza nyongeza kwenye kikosi chake. (Mirror)

Winga wa Aston Villa na Jamaica Leon Bailey, 28, yuko mbioni kujiunga na Roma kwa mkopo, huku klabu hiyo ya Italia ikiwa na chaguo kufanya mkataba huo kuwa wa kudumu msimu ujao. (Corriere dello Sport - In Italy)

Crystal Palace wamewasiliana na Leicester kutafuta uwezekano wa kumsajili kiungo wa kati wa Morocco Bilal El Khannouss, 21. (Athletic - Subscription Required)

Palace pia inazingatia mkataba wa mkopo wa msimu mzima kwa mshambuliaji wa Wolves na Korea Kusini Hwang Hee-chan, 29. (Sun)

Napoli wanajiandaa kuingia kwenye kinyang'anyiro cha kumsajili mshambuliaji wa Manchester United na Denmark Rasmus Hojlund, 22, ambaye yuko kwenye mazungumzo na AC Milan. (Sport Italia - In Italy)

Manchester United watafikiria kumruhusu Hojlund kuondoka Old Trafford kwa mkopo lakini wanasisitiza kwamba hatalazimishwa kuondoka katika klabu hiyo. (Guardian)

Kiungo wa kati wa Brazil Douglas Luiz, 27, amekubali masharti ya kibinafsi na Nottingham Forest lakini anasubiri klabu hiyo ya Ligi ya Premia kukamilisha makubaliano na Juventus. (Corriere dello Sport - In Italy)

Kiungo wa kati wa zamani wa Liverpool na Arsenal Alex Oxlade-Chamberlain analengwa na Birmingham City huku klabu ya sasa ya Mwingereza huyo Besiktas mwenye umri wa miaka 32 ikiwa tayari kumruhusu aondoke kwa bei inayofaa. (Mirror)

Leeds wanakaribia kufikia makubaliano na AC Milan kwa mshambuliaji wa Uswizi Noah Okafor, 25, huku ada ikiwekwa kuwa £17.2m (euro 20m). (Florian Plettenberg)

Mshambulizi Jamie Vardy, 38, ambaye amekuwa bila klabu tangu aondoke Leicester mwishoni mwa msimu uliopita, anataka kuungana na meneja wa zamani wa Foxes Brendan Rodgers katika klabu ya Celtic. (Sun)

Mchezaji wa kimataifa wa Uingereza Vardy pia ameonekana kuwindwa na klabu ya Serie A Napoli. (Mail),

Imetafsiriwa na Seif Abdalla