ਡਿਜੀਟਲ ਨੌਮੈਡ ਵੀਜ਼ਾ ਪ੍ਰੋਗਰਾਮ ਕੀ ਹੈ, ਜਿਸ ਨੂੰ 25 ਮੁਲਕਾਂ ਨੇ ਸ਼ੁਰੂ ਕੀਤਾ ਹੈ
ਤਸਵੀਰ ਸਰੋਤ, Julien Tremblay
- ਲੇਖਕ, ਮਾਰਕ ਜੌਨਸਨ
- ਰੋਲ, ਬੀਬੀਸੀ ਵਰਕਲਾਈਫ
ਜੇਕਰ ਗੱਲ ਕਰੀਏ ਦੁਬਈ ਦੀ ਤਾਂ ਤੁਸੀਂ ਚਮਕਦਾਰ ਅਸਮਾਨ ਛੂਹਦੀਆਂ ਇਮਾਰਤਾਂ, ਮਨੁੱਖ ਵੱਲੋਂ ਬਣਾਏ ਗਏ ਟਾਪੂ ਅਤੇ ਵੱਡੇ-ਵੱਡੇ ਸ਼ਾਪਿੰਗ ਮਾਲਾਂ ਬਾਰੇ ਸੋਚ ਸਕਦੇ ਹੋ।
ਪਰ ਜੇਕਰ ਸਥਾਨਕ ਸਰਕਾਰ ਨੂੰ ਆਪਣਾ ਰਾਹ ਮਿਲ ਜਾਂਦਾ ਹੈ ਤਾਂ ਅਮੀਰਾਤ ਜਲਦੀ ਹੀ ਯੂਰਪ ਅਤੇ ਏਸ਼ੀਆ ਦੇ ਵਿਚਕਾਰ ਇੱਕ ਕਿਸਮ ਦੇ ਰਣਨੀਤਕ ਕੇਂਦਰ ਵਜੋਂ ਜਾਣਿਆ ਜਾਵੇਗਾ।
ਜਿੱਥੇ ਹਜ਼ਾਰਾਂ ਕਾਮੇ ਦੂਜੇ ਮੁਲਕਾਂ ਤੋਂ ਰਿਮੋਟ ਤਕਨੀਕ ਨਾਲ ਅਸਥਾਈ ਤੌਰ 'ਤੇ ਕੰਮ ਕਰ ਸਕਣਗੇ।
ਮਾਰਚ 2021 ਵਿੱਚ ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਨੇ ਖੇਤਰ ਵਿੱਚ ਨਵੇਂ ਹੁਨਰ ਨੂੰ ਆਕਰਸ਼ਿਤ ਕਰਨ ਦੀ ਕੋਸ਼ਿਸ਼ ਤਹਿਤ ਰਿਮੋਟ ਕਾਮਿਆਂ ਲਈ ਇੱਕ ਸਾਲ ਦਾ ਰਿਹਾਇਸ਼ੀ ਪਰਮਿਟ ਲਿਆਂਦਾ ਸੀ।
ਨੌਮੈਡ ਵੀਜ਼ਾ ਪ੍ਰੋਗਰਾਮ ਕੀ ਹੈ
ਇਹ ਵੀਜ਼ਾ ਵਿਦੇਸ਼ੀ ਪੇਸ਼ੇਵਰਾਂ ਜਿਵੇਂ ਕਿ ਮਾਂਟਰੀਅਲ ਦੇ ਇੱਕ 31 ਸਾਲਾ ਸਾਫਟਵੇਅਰ ਇੰਜੀਨੀਅਰ, ਜੂਲੀਅਨ ਟ੍ਰੈਂਬਲੇ ਨੂੰ ਰਹਿਣ ਦੀ ਇਜਾਜ਼ਤ ਦਿੰਦਾ ਹੈ।
ਜੋ ਕਿ ਵਿਦੇਸ਼ਾਂ ਵਿੱਚ ਰੁਜ਼ਗਾਰਦਾਤਾਵਾਂ ਲਈ ਦੁਬਈ ਵਿੱਚ ਰਹਿ ਕੇ ਵੀ ਕੰਮ ਕਰ ਸਕਦੇ ਹਨ। ਨੌਮੈਡ ਦਾ ਮਤਲਬ ਹੈ ਕਿ ਦੂਜੇ ਦੇਸ਼ ਵਿੱਚ ਬੈਠ ਰਿਮੋਟਲੀ ਕੰਮ ਕਰਨਾ।
ਇਹ ਨਵੇਂ ਆਉਣ ਵਾਲਿਆਂ ਨੂੰ ਇੱਕ ਰੈਂਜੀਡੈਂਸੀ ਆਈਡੀ ਕਾਰਡ ਅਤੇ ਜ਼ਿਆਦਾਤਰ ਜਨਤਕ ਸੇਵਾਵਾਂ ਤੱਕ ਦਾ ਲਾਭਪਾਤਰੀ ਬਣਾਉਣ ਵਿੱਚ ਮਦਦ ਕਰਦਾ ਹੈ।
ਉਦਾਹਰਨ ਲਈ, ਟ੍ਰੈਂਬਲੇ, ਕਾਨੂੰਨੀ ਤੌਰ 'ਤੇ ਰਿਹਾਇਸ਼ ਕਿਰਾਏ 'ਤੇ ਲੈ ਸਕਦੇ ਹਨ ਜਾਂ ਇੱਕ ਬੈਂਕ ਖਾਤਾ ਵੀ ਖੋਲ੍ਹ ਸਕਦੇ ਹਨ। ਇਹ ਸਭ ਕੁਝ ਸਥਾਨਕ ਆਮਦਨੀ ਟੈਕਸ ਦੇ ਭੁਗਤਾਨ ਮੁਕਤ ਹਨ।
ਟ੍ਰੈਂਬਲੇ ਕਹਿੰਦੇ ਹਨ, "ਜਦੋਂ ਮੈਂ ਇੱਕ ਡਿਜ਼ੀਟਲ ਨੌਮੈਡ ਬਣਨਾ ਸ਼ੁਰੂ ਕੀਤਾ (ਪੰਜ ਸਾਲ ਪਹਿਲਾਂ) ਤਾਂ ਬਹੁਤ ਘੱਟ ਵੀਜ਼ਾ ਬਦਲ ਸਨ।"
"ਪਰ ਹੁਣ ਅਜਿਹੀ ਕੋਈ ਦਿੱਕਤ ਨਹੀਂ ਅਤੇ ਤੁਸੀਂ ਆਰਾਮ ਨਾਲ ਉਸ ਥਾਂ 'ਤੇ ਰਹਿ ਸਕਦੇ ਹੋ, ਜੋ ਤੁਹਾਡੇ ਲਈ ਅਨੁਕੂਲ ਹੈ।"
ਤਸਵੀਰ ਸਰੋਤ, Getty Images
ਜੇ ਤੁਸੀਂ ਆਪਣੇ ਦੇਸ਼ ਦੇ ਗੈਰ-ਨਿਵਾਸੀ ਬਣਨ ਦਾ ਇਰਾਦਾ ਰੱਖਦੇ ਹੋ, ਤਾਂ ਇਹ ਸਾਬਤ ਕਰਨਾ ਵੀ ਬਹੁਤ ਸੌਖਾ ਹੈ ਕਿ ਤੁਸੀਂ ਛੱਡ ਕੇ ਇੱਕ ਪਰਵਾਸੀ ਬਣ ਗਏ ਹੋ।"
ਪਹਿਲਾਂ, ਡਿਜੀਟਲ ਨੌਮੈਡ ਵੀਜ਼ਾਧਾਰਕ ਅਕਸਰ ਕਾਨੂੰਨੀ ਪਾਬੰਦੀਆਂ ਵਿੱਚ ਰਹਿੰਦੇ ਸਨ।
ਨੌਮੈਡ ਵੀਜ਼ਾ ਪ੍ਰੋਗਰਾਮ ਦੀ ਲੋੜ ਕਿਉਂ
ਉਨ੍ਹਾਂ ਨੂੰ ਤਕਨੀਕੀ ਤੌਰ 'ਤੇ ਕਿਸੇ ਵਿਦੇਸ਼ ਵਿੱਚ ਕੰਮ ਕਰਨ ਦੀ ਇਜਾਜ਼ਤ ਨਹੀਂ ਸੀ ਪਰ ਉਨ੍ਹਾਂ ਨੂੰ ਸਥਾਨਕ ਤੌਰ 'ਤੇ ਵੀ ਰੁਜ਼ਗਾਰ ਨਹੀਂ ਦਿੱਤਾ ਗਿਆ ਸੀ।
ਨਵੇਂ ਡਿਜ਼ੀਟਲ ਨੌਮੈਡ ਵੀਜ਼ਾ ਇੱਕ ਮਜ਼ਬੂਤ ਬੁਨਿਆਦ ਰੱਖਦੇ ਹਨ, ਇੱਕ ਕਾਨੂੰਨੀ ਢਾਂਚਾ ਤਿਆਰ ਕਰਦੇ ਹਨ। ਜੋ ਰਿਮੋਟ ਕਾਮਿਆਂ ਅਤੇ ਕਾਰੋਬਾਰਾਂ ਦੋਵਾਂ ਨੂੰ ਸਹਾਇਕ ਹਨ।
ਫਿਰ ਵੀ, ਵੀਜ਼ਿਆਂ ਨੂੰ ਟੈਕਸਾਂ ਤੋਂ ਬਚਣ ਲਈ ਕੁਝ ਖਾਮੀਆਂ ਵਜੋਂ ਨਹੀਂ ਦੇਖਿਆ ਜਾਂਦਾ ਹੈ।
ਜ਼ਿਆਦਾਤਰ ਨੌਮੈਡ ਅਜੇ ਵੀ ਨਾਗਰਿਕਤਾ ਬਣਾਈ ਰੱਖਣ ਜਾਂ ਜਨਤਕ ਸਿਹਤ ਲਾਭ ਹਾਸਿਲ ਕਰਨ ਲਈ ਉਨ੍ਹਾਂ ਨੂੰ ਆਪਣੇ ਘਰੇਲੂ ਦੇਸ਼ਾਂ ਵਿੱਚ ਭੁਗਤਾਨ ਕਰਦੇ ਹਨ।
ਇਹ ਵੀ ਪੜ੍ਹੋ:
ਮਾਈਗ੍ਰੇਸ਼ਨ ਪਾਲਿਸੀ ਇੰਸਟੀਚਿਊਟ ਦੀ ਇੱਕ ਨਵੀਂ ਰਿਪੋਰਟ ਮੁਤਾਬਕ, 25 ਤੋਂ ਵੱਧ ਦੇਸ਼ਾਂ ਅਤੇ ਖੇਤਰਾਂ ਨੇ ਹੁਣ ਡਿਜੀਟਲ ਨੌਮੈਡ ਵੀਜ਼ਾ ਲਾਂਚ ਕੀਤਾ ਹੈ।
ਇਹ ਰੁਝਾਨ, ਮਹਾਂਮਾਰੀ ਵੱਲੋਂ ਫੈਲਿਆ, ਛੋਟੇ, ਸੈਰ-ਸਪਾਟਾ-ਨਿਰਭਰ ਯੂਰਪੀਅਨ ਅਤੇ ਕੈਰੇਬੀਅਨ ਦੇਸ਼ਾਂ ਨਾਲ ਸ਼ੁਰੂ ਹੋਇਆ।
ਹੁਣ, ਯੂਏਈ, ਬ੍ਰਾਜ਼ੀਲ ਅਤੇ ਇਟਲੀ ਵਰਗੀਆਂ ਵੱਡੀਆਂ ਅਰਥਵਿਵਸਥਾਵਾਂ ਵੀ ਪਹਿਲਕਦਮੀਆਂ ਸ਼ੁਰੂ ਕਰ ਰਹੀਆਂ ਹਨ।
ਇਹਨਾਂ ਦੇਸ਼ਾਂ ਲਈ, ਡਿਜੀਟਲ ਨੌਮੈਡ ਵੀਜ਼ਾ ਨਵੇਂ ਵਿਚਾਰਾਂ ਅਤੇ ਹੁਨਰ ਨੂੰ ਆਪਣੇ ਵੱਲ ਆਕਰਸ਼ਿਤ ਕਰਨ ਦੇ ਨਾਲ-ਨਾਲ ਸਥਾਨਕ ਅਰਥਚਾਰਿਆਂ ਵਿੱਚ ਵਿਦੇਸ਼ੀ ਪੂੰਜੀ ਨੂੰ ਭਰਨ ਲਈ ਦੂਰ-ਦੁਰਾਡੇ ਦੇ ਕੰਮ ਦੇ ਵਿਕਾਸ 'ਤੇ ਪੂੰਜੀ ਲਗਾਉਣ ਦਾ ਇੱਕ ਤਰੀਕਾ ਹੈ।
ਇਸ ਦੌਰਾਨ, ਟ੍ਰੈਂਬਲੇ ਵਰਗੇ ਲੋਕਾਂ ਲਈ ਲੰਬੇ ਸਮੇਂ ਤੱਕ ਰਹਿਣ ਵਾਲੇ ਖਾਨਾਬਦੋਸ਼ ਜੋ "ਮੇਜ਼ਬਾਨ ਦੇਸ਼ਾਂ ਨੂੰ ਅਸਥਾਈ ਭਟਕਣਾ ਦੇ ਰੂਪ ਵਿੱਚ ਮੰਨਣ ਦੀ ਬਜਾਏ" ਸਥਾਨਕ ਸੱਭਿਆਚਾਰ ਬਾਰੇ ਸਿੱਖਣ ਵਿੱਚ ਵਧੇਰੇ ਸਮਾਂ ਬਿਤਾਉਂਦੇ ਹਨ।
ਵੀਡੀਓ- ਦੁਬਈ ਵਿੱਚ ਕੰਮ ਭਾਰਤੀ ਕਾਮੇ
ਡਿਜ਼ੀਟਸ ਨੌਮੈਡ ਵੀਜ਼ਾ ਅਪਲਾਈ ਕਰਨ ਦੀ ਫੀਸ
ਡਿਜ਼ੀਟਲ ਨੌਮੈਡ ਵੀਜ਼ਿਆਂ ਲਈ ਲੋੜਾਂ ਹਰ ਦੇਸ਼ ਦੀਆਂ ਵੱਖਰੀਆਂ-ਵੱਖਰੀਆਂ ਹੁੰਦੀਆਂ ਹਨ।
ਪਰ ਇਸ ਵਿੱਚ ਆਮ ਤੌਰ 'ਤੇ ਦੂਰ-ਦੁਰਾਡੇ ਦੇ ਰੁਜ਼ਗਾਰ, ਯਾਤਰਾ ਬੀਮਾ ਅਤੇ ਘੱਟੋ-ਘੱਟ ਮਹੀਨਾਵਾਰ ਕਮਾਈ ਦਾ ਸਬੂਤ ਸ਼ਾਮਲ ਹੁੰਦਾ ਹੈ।
ਇਸ ਨਾਲ ਇਹ ਯਕੀਨੀ ਬਣਇਆ ਜਾਂਦਾ ਹੈ ਕਿ ਵੀਜ਼ਾ ਧਾਰਕ ਸਥਾਨਕ ਨੌਕਰੀਆਂ ਲਏ ਬਿਨਾਂ ਆਪਣੀ ਰਿਹਾਇਸ਼ ਕਰ ਸਕਦੇ ਹਨ।
ਜਿਵੇਂ ਕਿ ਯੂਏਈ ਵਿੱਚ 5,000 ਡਾਲਰ ਪ੍ਰਤੀ ਮਹੀਨਾ, ਮਾਲਟਾ ਵਿੱਚ 2,770 ਡਾਲਰ ਜਾਂ ਬ੍ਰਾਜ਼ੀਲ ਵਿੱਚ 1,500 ਡਾਲਰ ਤੱਕ ਦਾ ਫ਼ਰਕ ਹੋ ਸਕਦਾ ਹੈ।
ਅਪਲਾਈ ਕਰਨ ਲਈ ਇੱਕ ਫੀਸ ਵੀ ਹੈ (200 ਡਾਲਰ ਤੋਂ 2,000 ਡਾਲਰ ਤੱਕ) ਜਦੋਂ ਕਿ ਵੀਜ਼ੇ ਦੇ ਆਧਾਰ 'ਤੇ, ਠਹਿਰਨ ਦੀ ਮਿਆਦ ਛੇ ਮਹੀਨਿਆਂ ਤੋਂ ਦੋ ਸਾਲ ਤੱਕ ਬਦਲਦੀ ਰਹਿੰਦੀ ਹੈ।
ਕੁਝ ਬਿਨੈਕਾਰ ਫ਼ਾਇਦਿਆਂ ਰਾਹੀਂ ਉਸ ਪੈਸੇ ਨੂੰ ਵਾਪਸ ਕਮਾ ਹਾਸਿਲ ਕਰ ਸਕਦੇ ਹਨ।
ਉਦਾਹਰਨ ਵਜੋਂ ਅਰਜਨਟੀਨਾ। ਐਰੋਲੀਨੇਸ, ਅਰਜਨਟੀਨਾ ਦੇ ਨਾਲ ਰਿਹਾਇਸ਼, ਸਹਿ-ਕਾਰਜਸ਼ੀਲ ਥਾਵਾਂ ਅਤੇ ਅੰਦਰੂਨੀ ਉਡਾਣਾਂ 'ਤੇ ਆਪਣੇ ਨਵੇਂ ਵੀਜ਼ਾ ਅੰਤਰ ਦਰਾਂ 'ਤੇ ਡਿਜ਼ੀਟਲ ਨੌਮੈਡ ਨੂੰ ਪੇਸ਼ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ।
ਵੀਡੀਓ-ਕਿਵੇਂ ਮੁਨਾਫ਼ਾ ਕਮਾਉਂਦੇ ਹਨ ਦੁਬਈ 'ਚ ਭਾਰਤੀ?
ਰਾਜਨੀਤਿਕ ਪਾਰਟੀ ਫਾਈਵ ਸਟਾਰ ਮੂਵਮੈਂਟ ਦੇ ਇੱਕ ਇਤਾਲਵੀ ਸੰਸਦ ਮੈਂਬਰ, ਲੂਕਾ ਕਾਰਬੇਟਾ ਦਾ ਕਹਿਣਾ ਹੈ ਕਿ ਇਟਲੀ ਆਪਣੇ ਖ਼ੁਦ ਦੇ ਨਾਲ ਆਉਣ ਲਈ ਹੋਰ ਡਿਜੀਟਲ ਨੌਮੈਡ ਵੀਜ਼ਿਆਂ ਦੇ ਸਭ ਤੋਂ ਵਧੀਆ ਤੱਤਾਂ ਨੂੰ ਜੋੜ ਰਿਹਾ ਹੈ, ਜੋ ਕਿ ਸਤੰਬਰ ਤੱਕ ਕੀਤੇ ਜਾਣਗੇ।
ਨੌਮੈਡ ਵੀਜ਼ਾ ਪ੍ਰੋਗਰਾਮ ਦਾ ਦਾਇਰਾ ਕਿੰਨਾ ਵੱਡਾ
ਉਸ ਨੂੰ ਆਸ ਹੈ ਕਿ ਉਹ ਆਪਣੇ ਪਹਿਲੇ ਸਾਲ ਵਿੱਚ ਗਲੋਬਲ ਨਾਮੀ ਬਾਜ਼ਾਰ ਦੇ 5% ਨੂੰ ਆਕਰਸ਼ਿਤ ਕਰੇਗਾ, ਉਸ ਦੇ ਅੰਦਾਜ਼ੇ ਮੁਤਾਬਕ ਇਹ ਲਗਭਗ 40 ਮਿਲੀਅਨ ਲੋਕ ਹੋਣਗੇ।
ਕਾਰਬੇਟਾ ਦੱਸਦੇ ਹਨ, "ਇੱਕ ਡਿਜ਼ੀਟਲ ਨੌਮੈਡ ਸਾਡੇ ਲਈ ਆਰਕੀਟੈਕਚਰ ਤੋਂ ਲੈ ਕੇ ਇੰਜੀਨੀਅਰਿੰਗ ਤੱਕ ਹਰ ਚੀਜ਼ ਵਿੱਚ ਹੁਨਰ ਲਿਆ ਸਕਦਾ ਹੈ, ਇਹ ਵਿਦੇਸ਼ੀ ਹੁਨਰ ਲਈ ਆਪਣੇ ਦੇਸ਼ ਦੇ ਦਰਵਾਜ਼ੇ ਖੋਲ੍ਹਣ ਦਾ ਵਧੀਆ ਮੌਕਾ ਹੈ।"
ਯੂਰਪ ਵਿੱਚ ਸਭ ਤੋਂ ਪੁਰਾਣੀ ਆਬਾਦੀ ਦੇ ਨਾਲ ਅਸਥਾਈ ਵੀਜ਼ੇ ਨੂੰ ਨੌਜਵਾਨ ਨਿਵਾਸੀਆਂ ਨੂੰ ਆਕਰਸ਼ਿਤ ਕਰਨ ਦੇ ਇੱਕ ਚੰਗੇ ਢੰਗ ਵਜੋਂ ਵੀ ਦੇਖਦਾ ਹੈ।
ਉਨ੍ਹਾਂ ਮੁਤਾਬਕ, "ਸਾਡਾ ਅੰਤਮ ਟੀਚਾ ਉਨ੍ਹਾਂ ਨੂੰ, ਹਾਂ, ਇਟਲੀ ਵਿੱਚ ਮਹਿਮਾਨਾਂ ਵਜੋਂ ਰੱਖਣਾ ਹੈ, ਪਰ ਸੰਭਾਵਤ ਤੌਰ 'ਤੇ ਆਪਣੇ ਆਪ ਨੂੰ ਇੱਥੇ ਸਥਾਪਤ ਕਰਨਾ ਵੀ ਹੋ ਸਕਦਾ ਹੈ।"
ਨਵੇਂ ਵੀਜ਼ੇ ਦੀ ਤਿਆਰੀ ਵਿੱਚ, ਕਾਰਬੇਟਾ ਦਾ ਕਹਿਣਾ ਹੈ ਕਿ ਇਟਲੀ ਨੇ ਆਈਟੀ ਨੈੱਟਵਰਕਾਂ ਨੂੰ ਵਧਾਉਣ, ਆਵਾਜਾਈ ਵਿੱਚ ਸੁਧਾਰ ਕਰਨ ਅਤੇ ਪੇਂਡੂ ਭਾਈਚਾਰਿਆਂ ਵਿੱਚ ਬੁਨਿਆਦੀ ਢਾਂਚੇ ਨੂੰ ਆਧੁਨਿਕ ਬਣਾਉਣ ਲਈ ਇੱਕ ਮਿਲੀਅਨ ਯੂਰੋ ਤੋਂ ਵੱਧ ਖਰਚ ਕੀਤੇ ਹਨ।
ਤਸਵੀਰ ਸਰੋਤ, Julien Tremblay
ਇਹ ਸਭ ਇਸ ਆਸ ਵਿੱਚ ਹਨ ਕਿ ਇਟਲੀ ਦੇ ਹੋਰ ਪੇਸਟੋਰਲ ਕੋਨਿਆਂ ਵੱਲ ਆਉਣ ਵਾਲੇ ਡਿਜੀਟਲ ਨੌਮੈਡ ਉਨ੍ਹਾਂ ਦੀ ਆਰਥਿਕ ਵਿਕਾਸ ਵਿੱਚ ਯੋਗਦਾਨ ਪਾ ਸਕਦੇ ਹਨ।
ਇਸ ਦੌਰਾਨ, ਵੇਨਿਸ ਅਤੇ ਫਲੋਰੈਂਸ ਵਰਗੇ ਸ਼ਹਿਰਾਂ ਨੇ ਪਹਿਲਾਂ ਹੀ ਡਿਜ਼ੀਟਲ ਨੌਮੈਡਾਂ ਦੇ ਪਹੁੰਚਣ 'ਤੇ ਉਨ੍ਹਾਂ ਦੀ ਨਰਮ ਲੈਂਡਿੰਗ ਵਿੱਚ ਮਦਦ ਕਰਨ ਲਈ ਪ੍ਰੋਗਰਾਮ ਤਿਆਰ ਕੀਤੇ ਹਨ।
ਚਿਲੀ ਪ੍ਰੋਗਰਾਮ
ਪ੍ਰਿਥਵੀਰਾਜ ਚੌਧਰੀ ਖੋਜ ਕਾਰਜ ਹਾਰਵਰਡ ਬਿਜ਼ਨਸ ਸਕੂਲ ਵਿੱਚ ਕੰਮ ਦੇ ਬਦਲਦੇ ਭੂਗੋਲ 'ਤੇ ਕੇਂਦ੍ਰਿਤ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਟਲੀ ਵਰਗੇ ਦੇਸ਼ਾਂ ਲਈ ਵਧੇਰੇ ਲਾਭ ਹੈ।
ਉਹ ਕਹਿੰਦੇ ਹਨ, "ਸਭ ਤੋਂ ਪਹਿਲਾਂ, ਰਿਮੋਟ ਵਰਕਰ ਸਥਾਨਕ ਆਰਥਿਕਤਾ ਵਿੱਚ ਡਾਲਰ ਖਰਚ ਕਰ ਰਿਹਾ ਹੈ। ਇਸ ਤੋਂ ਵੱਧ ਉਹ ਸਥਾਨਕ ਉੱਦਮੀਆਂ ਨਾਲ ਵੀ ਸੰਪਰਕ ਬਣਾ ਰਹੇ ਹਨ।"
ਚੌਧਰੀ ਨੂੰ ਲੱਗਦਾ ਹੈ ਕਿ ਹੁਨਰ ਸਾਂਝਾ ਕਰਨਾ ਦੇਸ਼ਾਂ ਲਈ ਸਭ ਤੋਂ ਵੱਡੇ ਮੌਕਿਆਂ ਵਿੱਚੋਂ ਇੱਕ ਹੈ, ਉਨ੍ਹਾਂ ਮੁਤਾਬਕ ਸਹੀ ਕਿਸਮ ਦੇ ਨੌਮੈਡਾਂ ਨੂੰ ਆਕਰਸ਼ਿਤ ਕਰਨ ਦੀ ਕੋਸ਼ਿਸ਼ ਕਰਨਾ ਮਹੱਤਵਪੂਰਨ ਹੋਵੇਗਾ ਜੋ ਸਥਾਨਕ ਭਾਈਚਾਰੇ ਦੀਆਂ ਕਦਰਾਂ ਕੀਮਤਾਂ ਵਧਾ ਸਕਦੇ ਹਨ।
ਉਹ ਇੱਕ ਇਤਿਹਾਸਕ ਉਦਾਹਰਣ ਵਜੋਂ, ਸਟਾਰਟ-ਅੱਪ ਚਿਲੀ ਪ੍ਰੋਗਰਾਮ ਵੱਲ ਇਸ਼ਾਰਾ ਕਰਦਾ ਹੈ।
ਵੀਡੀਓ-ਪਰਵਾਸੀ ਆਖ਼ਰ ਕਿਵੇਂ ਜਾਂਦੇ ਹਨ ਗ਼ੈਰ-ਕਾਨੂੰਨੀ ਪਰਵਾਸ ਲਈ
ਇਹ 2010 ਵਿੱਚ ਲਾਂਚ ਕੀਤਾ ਗਿਆ ਸੀ, ਇਸ ਨੇ ਵਿਦੇਸ਼ੀ ਉੱਦਮੀਆਂ ਨੂੰ ਚਿਲੀ ਵਿੱਚ ਇੱਕ ਸਾਲ ਬਿਤਾਉਣ ਲਈ ਵੀਜ਼ਾ ਅਤੇ ਨਕਦ ਪ੍ਰੋਤਸਾਹਨ ਪ੍ਰਦਾਨ ਕੀਤੇ ਤਾਂ ਜੋ ਉਹ ਆਪਣੇ ਖ਼ੁਦ ਦੇ ਸਟਾਰਟ-ਅੱਪ ਵਿਕਸਤ ਕਰਨ ਅਤੇ ਸਥਾਨਕ ਹੁਨਰ ਨੂੰ ਸਲਾਹ ਦੇ ਸਕਣ।
ਉਸ ਵੇਲੇ ਚਿਲੀ ਕੋਲ ਸਿਰਫ਼ ਇੱਕ ਨਵੀਨਤਮ ਸ਼ੁਰੂਆਤੀ ਦ੍ਰਿਸ਼ ਸੀ।
ਇੱਕ ਦਹਾਕੇ ਬਾਅਦ ਵਿਚਾਰਾਂ ਦੇ ਆਦਾਨ-ਪ੍ਰਦਾਨ ਕਾਰਨ ਚਿਲੀ ਦੇ ਉੱਦਮੀਆਂ ਨੇ ਹੁਣ ਇੱਕ ਬਿਲੀਅਨ ਡਾਲਰ ਤੋਂ ਵੱਧ ਮੁੱਲ ਦੇ ਯੂਨੀਕੋਰਨ ਲਾਂਚ ਕੀਤੇ ਹਨ, ਜਿਸ ਵਿੱਚ ਸ਼ਾਕਾਹਾਰੀ ਫੂਡ ਟੈਕ ਕੰਪਨੀ ਨੌਟਕੋ (NotCo) ਅਤੇ ਆਨ-ਡਿਮਾਂਡ ਕਰਿਆਨੇ ਦੀ ਡਿਲੀਵਰੀ ਐਪ ਕਾਰਨਰਸ਼ੌਪ ਸ਼ਾਮਲ ਹੈ।"
ਜੌਧਰੀ ਆਖਦੇ ਹਨ, "ਇਹ ਇੱਕ ਵਧੀਆ ਉਦਾਹਰਣ ਹੈ ਕਿ ਜੇ ਤੁਸੀਂ ਇੱਕ ਸਾਲ ਵਿਦੇਸ਼ੀਆਂ ਨੂੰ ਆਪਣੇ ਦੇਸ਼ ਬੁਲਾਉਂਦੇ ਹੋ ਤਾਂ ਕਿਵੇਂ ਇੱਕ ਈਕੋਸਿਸਟਮ ਬਣਾਇਆ ਜਾ ਸਕਦਾ।"
ਜਿਹੜੇ ਡਿਜ਼ੀਟਲ ਨੌਮੈਡ ਵੀਜ਼ਿਆਂ ਤੋਂ ਸਭ ਤੋਂ ਵੱਧ ਲਾਭ ਚੁੱਕਣ ਲਈ ਤਿਆਰ ਹਨ, ਉਹ ਉਭਰਦੀਆਂ ਅਰਥਵਿਵਸਥਾਵਾਂ ਜਾਂ ਛੋਟੇ ਦੇਸ਼ ਹਨ ਜਿਨ੍ਹਾਂ ਨੇ ਰਵਾਇਤੀ ਤੌਰ 'ਤੇ ਵੱਡੇ ਦੇਸ਼ਾਂ ਵਿਚਾਲੇ ਆਪਣੇ ਹੁਨਰ ਨੂੰ ਗੁਆ ਲਿਆ ਹੈ।
ਉਹ ਕਹਿੰਦੇ ਹਨ, "ਪਹਿਲਾਂ, ਕੰਪਨੀਆਂ ਹੁਨਰ ਲਈ ਲੜਦੀਆਂ ਸਨ। ਹੁਣ, ਦੇਸ਼ ਅਤੇ ਖੇਤਰ ਵੀ ਹੁਨਰ ਲਈ ਲੜ ਰਹੇ ਹਨ।"
ਚੌਧਰੀ ਭਵਿੱਖਬਾਣੀ ਕਰਦੇ ਹਨ ਕਿ ਹੋਰ ਵੀ ਵੱਡੀਆਂ ਅਰਥਵਿਵਸਥਾਵਾਂ ਵੀ ਪ੍ਰਤੀਯੋਗੀ ਬਣੇ ਰਹਿਣ ਲਈ ਜਲਦੀ ਹੀ ਡਿਜੀਟਲ ਨੌਮੈਡ ਵੀਜ਼ਾ ਦੀ ਪੇਸ਼ਕਸ਼ ਕਰ ਸਕਦੀਆਂ ਹਨ ਅਤੇ ਉਹ ਸੋਚਦੇ ਹਨ ਕਿ ਜਿਹੜੇ ਲੋਕ ਰਿਮੋਟ ਕਾਮਿਆਂ ਲਈ ਸਭ ਤੋਂ ਵਧੀਆ ਈਕੋਸਿਸਟਮ ਬਣਾਉਂਦੇ ਹਨ ਉਹ ਸਭ ਤੋਂ ਵੱਧ ਲਾਭ ਚੁੱਕ ਸਕਦੇ ਹਨ।
ਉਹ ਕਹਿੰਦੇ ਹਨ, "ਤੁਹਾਨੂੰ ਉਨ੍ਹਾਂ ਦੇ ਠਹਿਰਨ ਵੇਲੇ ਦੌਰਾਨ ਉਨ੍ਹਾਂ ਨੂੰ ਸਮਾਨ ਸੋਚ ਵਾਲੇ ਲੋਕਾਂ ਅਤੇ ਸਮਾਨ ਸੋਚ ਵਾਲੇ ਉੱਦਮੀਆਂ ਨਾਲ ਜੋੜ ਕੇ ਉਨ੍ਹਾਂ ਦੀ ਮਦਦ ਕਰਨ ਦੀ ਲੋੜ ਹੈ।"
"ਇੱਕ ਵਾਰ ਜਦੋਂ ਉਹ ਚਲੇ ਜਾਂਦੇ ਹਨ, ਤੁਹਾਨੂੰ ਇੱਕ ਸਾਬਕਾ ਵਿਦਿਆਰਥੀ ਪ੍ਰੋਗਰਾਮ ਸਥਾਪਤ ਕਰਨ ਦੀ ਜ਼ਰੂਰਤ ਹੁੰਦੀ ਹੈ ਤਾਂ ਜੋ ਇਹ ਲੋਕ ਜੁੜੇ ਰਹਿਣ, ਭਾਈਚਾਰੇ ਵਿੱਚ ਯੋਗਦਾਨ ਪਾਉਂਦੇ ਰਹਿਣ ਅਤੇ ਵਾਪਸ ਆਉਂਦੇ ਰਹਿਣ।"
ਚੁਣੌਤੀਆਂ
ਡਿਜੀਟਲ ਨੋਮੈਡ ਵੀਜ਼ਾ ਬਹੁਤ ਸਾਰੇ ਵਧੀਆ ਮੌਕੇ ਪ੍ਰਦਾਨ ਕਰ ਸਕਦੇ ਹਨ ਪਰ ਇਹ ਨਵੀਆਂ ਚੁਣੌਤੀਆਂ ਵੀ ਪੈਦਾ ਕਰ ਸਕਦੇ ਹਨ।
ਮਾਈਗ੍ਰੇਸ਼ਨ ਪਾਲਿਸੀ ਇੰਸਟੀਚਿਊਟ ਦੀ ਰਿਪੋਰਟ ਦੇ ਲੇਖਕ ਕੇਟ ਹੂਪਰ ਅਤੇ ਮੇਘਨ ਬੈਂਟਨ ਦੇ ਮੁਤਾਬਕ, ਉਦਾਹਰਣ ਵਜੋਂ, ਸਥਾਨਕ ਰਹਿਣ-ਸਹਿਣ ਦੀਆਂ ਲਾਗਤਾਂ ਵਿੱਚ ਵਾਧਾ ਕਰ ਸਕਦੇ ਹਨ, ਸਰੋਤਾਂ ਲਈ ਮੁਕਾਬਲਾ ਵਧਾ ਸਕਦੇ ਹਨ।
ਖੋਜਕਾਰਾਂ ਨੇ ਬਾਲੀ, ਇੰਡੋਨੇਸ਼ੀਆ ਅਤੇ ਗੋਆ, ਭਾਰਤ ਨੂੰ ਮੌਜੂਦਾ ਡਿਜ਼ੀਟਲ ਨੌਮੈਡ ਹੌਟਸਪੌਟਸ ਦੀਆਂ ਉਦਾਹਰਣਾਂ ਵਜੋਂ ਦਰਸਾਇਆ ਹੈ ਜੋ ਹਾਲ ਹੀ ਦੇ ਸਾਲਾਂ ਵਿੱਚ ਇਹਨਾਂ ਮੁੱਦਿਆਂ ਨਾਲ ਸੰਘਰਸ਼ ਕਰ ਰਹੇ ਹਨ।
ਸਥਾਨਕ ਬੁਨਿਆਦੀ ਢਾਂਚੇ ਅਤੇ ਸੇਵਾਵਾਂ ਦੀ ਵਰਤੋਂ ਕਰਨ ਵਾਲੇ ਪਰ ਉਨ੍ਹਾਂ ਲਈ ਕੋਈ ਟੈਕਸ ਅਦਾ ਨਾ ਕਰਨ ਵਾਲੇ, ਸਥਾਨਕ ਟੈਕਸ ਅਦਾ ਕਰਨ ਵਾਲੇ ਨਿਵਾਸੀਆਂ ਵਿੱਚ ਵੀ ਨਾਰਾਜ਼ਗੀ ਪੈਦਾ ਕਰ ਸਕਦੇ ਹਨ।
ਕੁਝ ਮਾਹਰ ਇਹ ਵੀ ਸਵਾਲ ਕਰਦੇ ਹਨ ਕਿ ਕੀ ਡਿਜੀਟਲ ਨੋਮੈਡ ਵੀਜ਼ਾ ਪਹਿਲਾਂ ਤਾਂ ਬਹੁਤ ਜ਼ਿਆਦਾ ਖਿੱਚ ਹਾਸਿਲ ਕਰੇਗਾ।
'ਸਾਡੇ ਪੰਜਾਬੀਆਂ ਦਾ ਅਰਬੀ ਬਣਨ ਦਾ ਸ਼ੌਕ ਅਜੇ ਪੂਰਾ ਨਹੀਂ ਹੋਇਆ'- ਵੀਡੀਓ
ਗਲੋਬਲ ਮੋਬਿਲਿਟੀ ਡੇਟਾਬੇਸ visadb.io ਦੇ ਸੰਸਥਾਪਕ ਅਤੇ ਸੀਈਓ ਦਾਨਿਸ਼ ਸੋਮਰੋ ਦਾ ਕਹਿਣਾ ਹੈ, "ਨੌਮੈਡਾਂ ਦੇ ਵੱਡਾ ਹਿੱਸਾ ਅਜੇ ਵੀ ਵੱਖ-ਵੱਖ ਕਾਰਨਾਂ ਕਰਕੇ ਤਿੰਨ ਤੋਂ ਛੇ ਮਹੀਨਿਆਂ ਦੇ ਟੂਰਿਸਟ ਵੀਜ਼ਾ ਬਦਲ ਦੀ ਵਰਤੋਂ ਕਰਦੇ ਹਨ, ਕਿਉਂਕਿ ਕਿ ਡਿਜ਼ੀਟਲ ਨੌਮੈਡ ਵੀਜ਼ਾ ਲਈ ਅਰਜ਼ੀ ਦੇਣ ਵਿੱਚ ਪੇਚੀਦਗੀਆਂ।"
ਸੋਮਰੋ ਦਾ ਕਹਿਣਾ ਹੈ ਕਿ ਵੱਡੀ ਕਾਗਜ਼ੀ ਕਾਰਵਾਈ, ਮਹਿੰਗੇ ਡਾਕਟਰੀ ਟੈਸਟਾਂ ਅਤੇ ਮਹੀਨਾਵਾਰ ਆਮਦਨੀ ਦਾ ਸਬੂਤ (ਖ਼ਾਸ ਤੌਰ 'ਤੇ ਫ੍ਰੀਲਾਂਸਰਾਂ ਲਈ) ਵੱਡੀਆਂ ਚੁਣੌਤੀਆਂ ਬਹੁਤ ਸਾਰੇ ਨੌਮੈਡਾਂ ਨੂੰ ਸਿਰਫ਼ ਇੱਕ ਸੈਲਾਨੀ ਵਜੋਂ ਦਾਖ਼ਲ ਹੋਣ ਅਤੇ ਲੋੜ ਪੈਣ 'ਤੇ ਸਰਹੱਦ ਦੇ ਪਾਰ "ਵੀਜ਼ਾ ਰੰਨ" ਲਈ ਵਧੇਰੇ ਪ੍ਰੇਰਿਤ ਕਰ ਸਕਦੀਆਂ ਹਨ।
ਆਖ਼ਰਕਾਰ ਉਹ ਸੁਭਾਅ ਤੋਂ ਤਾਂ ਘੁਮੱਕੜ ਹੀ ਹੁੰਦੇ ਹਨ।
ਹਾਲਾਂਕਿ, ਪੰਜ ਸਾਲਾਂ ਤੱਕ ਅਜਿਹਾ ਕਰਨ ਤੋਂ ਬਾਅਦ ਟ੍ਰੈਂਬਲੇ ਦਾ ਕਹਿਣਾ ਹੈ ਕਿ ਉਹ ਖੁਸ਼ ਹਨ ਕਿ ਉਨ੍ਹਾਂ ਨੇ ਦੁਬਈ ਵਿੱਚ ਡਿਜੀਟਲ ਨੌਮੈਡ ਵੀਜ਼ਾ ਲਈ ਅਰਜ਼ੀ ਦਿੱਤੀ ਹੈ।
ਉਹ ਕਹਿੰਦੇ ਹਨ, "ਇੱਥੋਂ ਲਈ ਕੰਮ ਨਾ ਕਰਨ ਅਤੇ ਕੋਈ ਨਿਵੇਸ਼ ਨਾਲ ਕਰਨ ਦੇ ਬਾਵਜੂਦ ਰੁਜ਼ਗਾਰ ਇੱਕ ਨਿਵਾਸੀ ਵਜੋਂ ਰਹਿਣਾ ਵਧੀਆ ਲੱਗ ਰਿਹਾ ਹੈ।"
ਲੰਬੇ ਸਮੇਂ ਤੋਂ ਘੁੰਮਣ ਵਾਲੇ ਟ੍ਰੈਂਬਲੇ ਨੇ ਆਪਣਾ ਅਗਲਾ ਘਰ ਲੱਭਣ ਤੱਕ ਭਵਿੱਖ ਲਈ ਦੁਬਈ ਨੂੰ ਇੱਕ ਅਧਾਰ ਵਜੋਂ ਵਰਤਣ ਦੀ ਯੋਜਨਾ ਬਣਾਈ ਹੈ।
ਇਹ ਵੀ ਪੜ੍ਹੋ-
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post
