ਸੋਸ਼ਲ: 'ਬ੍ਰਿਟੇਨ ਵਿਜੇ ਮਾਲਿਆ ਨੂੰ ਲੈ ਸਕਦਾ ਹੈ, ਵਿਦਿਆਰਥੀਆਂ ਨੂੰ ਨਹੀਂ'
ਤਸਵੀਰ ਸਰੋਤ, Dan Kitwood/Getty Images
ਬਰਤਾਨੀਆ ਦੀ ਸਰਕਾਰ ਨੇ ਭਾਰਤ ਨੂੰ ਸਟੂਡੈਂਟ ਵੀਜ਼ਾਂ ਨਿਯਮਾਂ ਵਿੱਚ ਢਿੱਲ ਦੇਣ ਵਾਲੇ ਦੇਸਾਂ ਦੀ ਸੂਚੀ ਤੋਂ ਬਾਹਰ ਰੱਖਿਆ ਹੈ। ਸਰਕਾਰ ਦੇ ਇਸ ਕਦਮ ਨੂੰ ਲੈ ਕੇ ਨਾਰਾਜ਼ਗੀ ਜਤਾਈ ਜਾ ਰਹੀ ਹੈ।
ਸੋਸ਼ਲ ਮੀਡੀਆ 'ਤੇ ਲੋਕ ਮੋਦੀ ਸਰਕਾਰ ਦੀਆਂ ਪਾਲਿਸੀਆਂ ਦੀ ਅਤੇ ਯੂਕੇ ਸਰਕਾਰ ਦੀ ਬੇਰੁਖੀ ਦੀ ਨਿੰਦਾ ਕਰ ਰਹੇ ਹਨ।
ਇਲਜ਼ਾਮ ਲਗਾਏ ਜਾ ਰਹੇ ਹਨ ਕਿ ਭਾਰਤ ਨੂੰ ਸੂਚੀ ਵਿੱਚੋਂ ਬਾਹਰ ਰੱਖ ਕੇ ਯੂਕੇ ਦੀ ਸਰਕਾਰ ਨੇ ਭਾਰਤ ਦੀ ਬੇਇੱਜ਼ਤੀ ਕੀਤੀ ਹੈ।
ਸੋਸ਼ਲ ਮੀਡੀਆ ਉੱਤੇ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਇਹ ਕਦਮ ਦੋਹਾਂ ਦੇਸ਼ਾਂ ਦੇ ਰਿਸ਼ਤਿਆਂ 'ਤੇ ਅਸਰ ਕਰੇਗਾ।
ਯੂਕੇ ਕਾਉਂਸਲ ਦੇ ਕੌਮਾਂਤਰੀ ਸਟੂਡੈਂਟ ਅਫੇਅਰਜ਼ ਦੇ ਮੁਖੀ ਭਾਰਤੀ ਮੂਲ ਦੇ ਲੌਰਡ ਕਰਨ ਬਿਲਿਮੋਰੀਆ ਨੇ ਟਵੀਟ ਕੀਤਾ, ''ਟੀਅਰ-4 ਵੀਜ਼ਾ ਦੇ ਸੰਦਰਭ ਵਿੱਚ ਯੂਕੇ ਦੀ ਸਰਕਾਰ ਭਾਰਤ ਨੂੰ ਗਲਤ ਸੁਨੇਹਾ ਭੇਜ ਰਹੀ ਹੈ। ਭਾਰਤ ਨਾਲ ਫ੍ਰੀ ਟਰੇਡ ਅਗਰੀਮੈਂਟ ਇਸ ਤਰ੍ਹਾਂ ਨਹੀਂ ਮਿਲੇਗਾ ਬਰਤਾਨੀਆ ਦੀ ਸਰਕਾਰ ਨੂੰ।''
ਤਸਵੀਰ ਸਰੋਤ, TWITTER
ਟਵਿੱਟਰ ਯੂਜ਼ਰ ਸਤੀਸ਼ ਨੇ ਭਾਰਤ ਤੋਂ ਭੱਜੇ ਹੋਏ ਕਾਰੋਬਾਰੀਆਂ ਦਾ ਜ਼ਿਕਰ ਕੀਤਾ। ਉਨ੍ਹਾਂ ਲਿਖਿਆ, ''ਸਿਰਫ ਭੱਜੇ ਹੋਏ ਭਾਰਤੀ ਕਾਰੋਬਾਰੀਆਂ ਨੂੰ ਹੀ ਬ੍ਰਿਟੇਨ ਵਿੱਚ ਐਂਟ੍ਰੀ ਹੈ।''
ਤਸਵੀਰ ਸਰੋਤ, Twitter/Satish Shenoy
ਇਸ ਤੋਂ ਅੱਗੇ ਜਾਂਦੇ ਹੋਏ ਅਭਿਸ਼ੇਕ ਸ਼ਾਂਸਤ੍ਰੀ ਨੇ ਸਿੱਧਾ ਵਿਜੇ ਮਾਲਿਆ ਦਾ ਨਾਂ ਲੈਂਦੇ ਹੋਏ ਲਿਖਿਆ, ''ਯੂਕੇ ਵਿਜੇ ਮਾਲਿਆ ਨੂੰ ਲੈ ਸਕਦਾ ਹੈ ਪਰ ਵਿਦਿਆਰਥੀਆਂ ਨੂੰ ਨਹੀਂ।''
ਤਸਵੀਰ ਸਰੋਤ, Twitter
ਕੁਝ ਯੂਜ਼ਰਸ ਨੇ ਲਿਖਿਆ ਕਿ ਬ੍ਰਿਟੇਨ ਵਿੱਚ ਹੁਣ ਕੋਈ ਖਾਸ ਗੱਲ ਰਹੀ ਵੀ ਨਹੀਂ ਅਤੇ ਭਾਰਤੀਆਂ ਨੂੰ ਆਪਣੇ ਹੀ ਦੇਸ ਵਿੱਚ ਵਧੀਆ ਸੰਸਥਾਵਾਂ ਬਣਾਉਣੀਆਂ ਚਾਹੀਦੀਆਂ ਹਨ।
ਏਬੀਐਸ ਨਾਂ ਦੇ ਇੱਕ ਟਵਿੱਟਰ ਯੂਜ਼ਰ ਨੇ ਲਿਖਿਆ, ''ਇਨ੍ਹਾਂ ਦੀ ਪਰਵਾਹ ਹੀ ਕੌਣ ਕਰਦਾ ਹੈ, ਬਰਤਾਨੀਆ ਹੁਣ ਪਹਿਲਾਂ ਜਿਹਾ ਰਿਹਾ ਵੀ ਨਹੀਂ। ਲੰਡਨ ਯੁਰਪ ਦੀ ਕ੍ਰਾਈਮ ਰਾਜਧਾਨੀ ਬਣ ਗਿਆ ਹੈ।''
ਤਸਵੀਰ ਸਰੋਤ, Twitter/Abs
ਟੇਮਿੰਗ ਕੇਔਸ ਨੇ ਟਵੀਟ ਕੀਤਾ, ''ਕਿਸੇ ਹੋਰ ਦੇਸ ਦੇ ਵੀਜ਼ਾ ਲਈ ਕਿਉਂ ਰੋਣਾ? ਸਾਨੂੰ ਭਿਖਾਰੀਆਂ ਵਾਂਗ ਨਹੀਂ ਰਹਿਣਾ ਚਾਹੀਦਾ ਹੈ।''
ਤਸਵੀਰ ਸਰੋਤ, Twitter
ਟਰੁ ਟੂ ਪੀਪਲ ਨਾਂ ਦੇ ਹੈਂਡਲ ਤੋਂ ਟਵੀਟ ਹੋਇਆ, ''ਭਾਰਤ ਨੂੰ ਵੀ ਇਨ੍ਹਾਂ ਦੇਸਾਂ ਬਾਰੇ ਨਹੀਂ ਸੋਚਣਾ ਚਾਹੀਦਾ, ਇਨ੍ਹਾਂ ਤੋਂ ਦਰਾਮਦ ਬੰਦ ਕੀਤੀ ਜਾਣੀ ਚਾਹੀਦੀ ਹੈ।''
ਤਸਵੀਰ ਸਰੋਤ, Twitter
ਕਈ ਲੋਕਾਂ ਨੇ ਬਰਤਾਨੀਆ ਸਰਕਾਰ ਦੇ ਇਸ ਫੈਸਲੇ ਲਈ ਮੋਦੀ ਸਰਕਾਰ ਨੂੰ ਵੀ ਜ਼ਿੰਮੇਵਾਰ ਠਹਿਰਾਇਆ।
ਜੋਮੋਨ ਬਥੇਰੀ ਨੇ ਟਵੀਟ ਕੀਤਾ, ''ਸਾਡੇ ਵਿਦੇਸ਼ ਯਾਤਰੀ ਪੀਐੱਮ ਦੀ ਵੱਡੀ ਕਾਮਯਾਬੀ ਜੋ ਕਹਿੰਦੇ ਹਨ ਕਿ ਭਾਰਤ ਦੀਆਂ ਸਾਰੀ ਫੌਰਨ ਪਾਲਿਸੀਆਂ ਪਿਛਲੇ ਚਾਰ ਸਾਲਾਂ ਵਿੱਚ ਹੀ ਬਣੀਆਂ ਹਨ।''
ਤਸਵੀਰ ਸਰੋਤ, Twitter
ਹਾਲਾਂਕਿ ਕੁਝ ਲੋਕਾਂ ਨੇ ਭਾਰਤੀ ਵਿਦਿਆਰਥੀਆਂ ਨੂੰ ਹੀ ਇਸ ਲਈ ਜ਼ਿੰਮੇਵਾਰ ਠਰਾਇਆ।
ਚੰਦਰਾ ਨੇ ਟਵੀਟ ਕਰ ਕੇ ਲਿਖਿਆ, ''ਭਾਰਤੀ ਵਿਦਿਆਰਥੀ ਸਿਸਟਮ ਦਾ ਸੋਸ਼ਣ ਕਰਦੇ ਹਨ। ਇੱਥੇ ਨਕਲੀ ਤਜਰਬਾ ਵਿਖਾ ਕੇ ਨੌਕਰੀਆਂ ਲੈਂਦੇ ਹਨ।''
ਤਸਵੀਰ ਸਰੋਤ, Twitter
ਭਾਰਤ ਕਿਉਂ ਨਹੀਂ ਸੂਚੀ ਵਿੱਚ ਸ਼ਾਮਲ?
ਅੰਕੜਿਆਂ ਮੁਤਾਬਕ ਯੂਕੇ ਜਾਣ ਵਾਲੇ ਵਿਦਿਆਰਥੀਆਂ ਵਿੱਚ ਭਾਰਤ ਟੌਪ ਤਿੰਨ ਦੇਸਾਂ 'ਚੋਂ ਹੈ। ਪਿੱਛਲੇ ਸਾਲ 30 ਫੀਸਦ ਵਾਧਾ ਕਰਕੇ ਭਾਰਤੀਅ ਵਿਦਿਆਰਥੀਆਂ ਨੇ 15,171 ਟੀਅਰ 4 ਵੀਜ਼ਾ ਲਏ ਸਨ।
ਇਸ ਦੇ ਬਾਵਜੂਦ ਭਾਰਤ ਨੂੰ 'ਹਾਈ ਰਿਸਕ' ਕੈਟੇਗਰੀ ਵਿੱਚ ਰੱਖਿਆ ਗਿਆ।
ਯੂਕੇ ਦੇ ਗ੍ਰਹਿ ਮੰਤਰਾਲੇ ਨੇ ਇਹ ਤਰਕ ਦਿੱਤਾ ਕਿ ਹੋਰ ਦੇਸਾਂ ਦੇ ਵਿਦਿਆਰੀਆਂ ਲਈ ਯੂਕੇ ਆਕੇ ਪੜ੍ਹਣਾ ਸੌਖਾ ਹੋਵੇ, ਇਸਲਈ ਇਹ ਬਦਲਾਅ ਕੀਤੇ ਗਏ ਹਨ। ਉਨ੍ਹਾਂ ਕਿਹਾ ਕਿ 90 ਫੀਸਦ ਭਾਰਤੀ ਵਿਦਿਆਰਥੀਆਂ ਨੂੰ ਵੀਜ਼ਾ ਮਿਲਦਾ ਹੈ।
ਬਰਤਾਨੀਆ ਸਰਕਾਰ ਦੀ ਇਹ ਨਵੀਂ ਪਾਲਿਸੀ 6 ਜੁਲਾਈ ਤੋਂ ਲਾਗੂ ਹੋਵੇਗੀ। ਇਸ ਦੇ ਤਹਿਤ ਵਿਦਿਆਰਥੀਆਂ ਨੂੰ ਅਕਾਦਮਿਕ, ਆਰਥਿਕ ਅਤੇ ਅੰਗਰੇਜ਼ੀ ਭਾਸ਼ਾ ਦੇ ਮਾਮਲੇ ਵਿੱਚ ਢਿੱਲ ਮਿਲੇਗੀ।
