ਉੱਤਰ ਭਾਰਤ ਦੇ ਕਈ ਇਲਾਕਿਆਂ 'ਚ ਭੁਚਾਲ ਦੇ ਝਟਕੇ
ਤਸਵੀਰ ਸਰੋਤ, Getty Images
ਰਾਜਧਾਨੀ ਦਿੱਲੀ ਸਣੇ ਹਿਮਾਚਲ ਪ੍ਰਦੇਸ਼, ਉਤਰਾਖੰਡ ਦੇ ਇਲਾਕਿਆਂ 'ਚ ਭੁਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ ਹਨ।
ਇੰਡੀਅਨ ਮੀਟਿਯੋਰੋਲੌਜਿਕਲ ਵਿਭਾਗ ਨੇ ਕਿਹਾ ਕਿ ਭੁਚਾਲ ਦਾ ਕੇਂਦਰ ਉਤਰਾਖੰਡ ਦਾ ਰੂਦਰਪ੍ਰਯਾਗ ਜ਼ਿਲਾ ਸੀ।
ਰਾਤ ਅੱਠ ਵੱਜ ਕੇ 49 ਮਿੰਟ 'ਤੇ 5.5 ਤੀਵਰਤਾ ਵਾਲੇ ਭੁਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ।
ਤਸਵੀਰ ਸਰੋਤ, Twitter
ਅਮਰੀਕਾ ਵਿੱਚ ਭੁਚਾਲ ਤੇ ਨਜ਼ਰ ਰੱਖਣ ਵਾਲੀ ਏਜੰਸੀ ਯੂਐਸਜੀਐਸ ਨੇ ਕਿਹਾ ਕਿ ਉਤਰਾਖੰਡ ਦੇ ਪੀਪਲ ਕੋਟੀ ਪਿੰਡ ਦੇ ਉੱਤਰ ਪੱਛਮ ਤੋਂ 34 ਕਿਲੋਮੀਟਰ ਦੂਰ ਭੁਚਾਲ ਦਾ ਕੇਂਦਰ ਸੀ।
ਅਮਰੀਕੀ ਏਜੰਸੀ ਮੁਤਾਬਕ ਇਸਦੀ ਡੂੰਘਾਈ 10 ਕਿਲੋਮੀਟਰ ਸੀ।
ਤਸਵੀਰ ਸਰੋਤ, Twitter
ਭੁਚਾਲ ਸਬੰਧੀ ਤਫ਼ਸੀਲ ਸਹਿਤ ਜਾਣਕਾਰੀ ਦਾ ਇੰਤਜ਼ਾਰ ਹੈ। ਹਾਲੇ ਤਕ ਨੁਕਸਾਨ ਦੀ ਕੋਈ ਪੁਖ਼ਤਾ ਜਾਣਕਾਰੀ ਨਹੀਂ ਮਿਲੀ।
ਖ਼ਬਰ ਏਜੰਸੀ ਪੀਟੀਆਈ ਮੁਤਾਬਕ ਹਿਮਾਚਲ ਦੀਆਂ ਪਹਾੜੀਆਂ ਨਾਲ ਲੱਗਿਆ ਉਤਰਾਖੰਡ ਭੁਚਾਲ ਦੇ ਲਿਹਾਜ਼ ਤੋਂ ਸੰਵੇਦਨਸ਼ੀਲ ਮੰਨਿਆ ਜਾਂਦਾ ਹੈ।
ਲੋਕ ਸੋਸ਼ਲ ਮੀਡੀਆ 'ਤੇ ਭੁਚਾਲ ਦੇ ਝਟਕੇ ਮਹਿਸੂਸ ਕਰਨ ਦੇ ਤਜਰਬੇ ਸਾਂਝਾ ਕਰ ਰਹੇ ਹਨ।
