ਕੌਮੀ ਐਵਾਰਡ ਜੇਤੂ ਫਿਲਮਕਾਰ ਗੁਰਵਿੰਦਰ ਨਾਲ ਕੁਝ ਖਾਸ ਗੱਲਾਂ
ਤਸਵੀਰ ਸਰੋਤ, FACEBOOK/GURVINDER
ਕੌਮੀ ਐਵਾਰਡ ਜਿੱਤਣ ਵਾਲੀਆਂ ਫ਼ਿਲਮਾਂ 'ਚੌਥੀ ਕੂਟ' ਅਤੇ 'ਅੰਨ੍ਹੇ ਘੋੜੇ ਦਾ ਦਾਨ' ਦੇ ਨਿਰਦੇਸ਼ਕ ਗੁਰਵਿੰਦਰ ਸਿੰਘ ਖ਼ੁਦ ਨੂੰ ਇਤਿਹਾਸਕਾਰ ਮੰਨਦੇ ਹਨ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਤਿਹਾਸ ਨੂੰ ਸੰਭਾਲ ਕੇ ਰੱਖਣਾ ਵੀ ਸਿਨੇਮਾ ਦਾ ਹੀ ਕੰਮ ਹੁੰਦਾ ਹੈ।
ਉਨ੍ਹਾਂ ਕਿਹਾ, ਪੰਜਾਬ ਵਿੱਚ ਜੋ ਦਹਿਸ਼ਤ ਦਾ ਦੌਰ ਸੀ, ਉਸ ਬਾਰੇ ਕਈ ਥਾਵਾਂ ਲਿਖਿਆ ਗਿਆ, ਉਸੇ ਤਰ੍ਹਾਂ ਮੇਰੀ ਫ਼ਿਲਮ ਵੀ ਇਤਿਹਾਸ ਨੂੰ ਸਾਂਭਣ ਦੀ ਇੱਕ ਕੋਸ਼ਿਸ਼ ਹੈ।
ਪੰਜਾਬੀ ਸਿਨੇਮਾ ਵਿੱਚ ਬਣ ਰਹੇ ਬੰਦੂਕਾਂ ਅਤੇ ਬੁਲਟਾਂ ਵਾਲੇ ਸਿਨੇਮਾ ਨਾਲ ਗੁਰਵਿੰਦਰ ਕੋਈ ਰਾਬਤਾ ਨਹੀਂ ਰੱਖਦੇ।
ਉਨ੍ਹਾਂ ਕਿਹਾ, ਬੰਦੂਕਾਂ ਅਤੇ ਬੁਲਟਾਂ ਤਾਂ ਮੇਰੀ ਫ਼ਿਲਮ ਵਿੱਚ ਵੀ ਸਨ ਪਰ ਮੈਂ ਕੋਈ ਹਿੰਸਾ ਨਹੀਂ ਵਿਖਾਈ।
ਤਸਵੀਰ ਸਰੋਤ, FACEBOOK/GURVINDER
ਹੋਰ ਪੰਜਾਬੀ ਫ਼ਿਲਮਾਂ ਵਿੱਚ ਕੀ ਹੋ ਰਿਹਾ ਹੈ, ਮੈਂ ਨਹੀਂ ਜਾਣਦਾ। ਮੈਂ ਉਹੀ ਕਰਦਾ ਹਾਂ ਜੋ ਮੈਨੂੰ ਸਹੀ ਲੱਗਦਾ ਹੈ।
ਫ਼ਿਲਮ ਕੋਈ ਵੇਚਣ ਵਾਲੀ ਵਸਤੂ ਨਹੀ
ਗੁਰਵਿੰਦਰ ਦੀਆਂ ਫ਼ਿਲਮਾਂ ਨੂੰ ਭਾਵੇਂ ਹੀ ਫ਼ਿਲਮ ਮੇਲਿਆਂ ਵਿੱਚ ਖ਼ੂਬ ਪ੍ਰਸ਼ੰਸਾ ਮਿਲੀ ਹੋਵੇ ਪਰ ਸਿਨੇਮਾਘਰਾਂ ਵਿੱਚ ਇਸ ਲਈ ਗਿਣਤੀ ਦੇ ਦਰਸ਼ਕ ਸਨ।
ਗੁਰਵਿੰਦਰ ਨੂੰ ਇਹ ਵੇਖ ਨਿਰਾਸ਼ਾ ਵੀ ਹੁੰਦੀ ਹੈ ਪਰ ਉਹ ਸਿਨੇਮਾ ਨੂੰ ਵਸਤੂ ਨਹੀਂ ਸਮਝਦੇ।
ਗੁਰਵਿੰਦਰ ਨੇ ਕਿਹਾ, ਜੇ ਤੁਸੀਂ ਸਿਨੇਮਾ ਨੂੰ ਕੋਈ ਵੇਚਣ ਵਾਲੀ ਵਸਤੂ ਮੰਨਦੇ ਹੋ ਤਾਂ ਮੈਨੂੰ ਦੁੱਖ ਹੁੰਦਾ ਹੈ ਪਰ ਮੈਂ ਇਸ ਨੂੰ ਇੱਕ ਦਸਤਾਵੇਜ਼ ਮੰਨਦਾ ਹਾਂ।
ਫ਼ਿਲਮ ਸਿਰਫ਼ ਥੋੜੇ ਸਮੇਂ ਲਈ ਨਹੀਂ ਹੁੰਦੀ, ਜੋ ਅੱਜ ਪੈਦਾ ਹੋਇਆ ਹੈ ਉਹ ਵੀ 20 ਸਾਲਾਂ ਬਾਅਦ ਇਸ ਨੂੰ ਵੇਖ ਸਕਦਾ ਹੈ।
ਵੰਡ ਨੇ ਕੀਤਾ ਨੁਕਸਾਨ
ਗੁਰਵਿੰਦਰ ਸਿੰਘ ਨੇ ਦੱਸਿਆ ਕਿ ਵੰਡ ਤੋਂ ਬਾਅਦ ਪੰਜਾਬੀ ਹਤਾਸ਼ ਹੋ ਗਏ। ਜਿਸ ਦਾ ਸਿਨੇਮਾ 'ਤੇ ਬਹੁਤ ਮਾੜਾ ਅਸਰ ਪਿਆ।
ਤਸਵੀਰ ਸਰੋਤ, FACEBOOK/GURVINDER
ਉਨ੍ਹਾਂ ਕਿਹਾ, ਹੋਰ ਥਾਵਾਂ 'ਤੇ ਵੀ ਬਦਲਾਅ ਜ਼ਰੂਰ ਆਏਗਾ ਪਰ ਹੌਲੀ ਹੌਲੀ ਮੈਨੂੰ ਕਈ ਨਵੇਂ ਫਿਲਮਕਾਰ ਆਪਣੀਆਂ ਫ਼ਿਲਮਾਂ ਬਣਾ ਕੇ ਭੇਜਦੇ ਹਨ,
ਜਿਨਾਂ ਨੂੰ ਵੇਖ ਕੇ ਵਧੀਆ ਲੱਗਦਾ ਹੈ।
ਇੱਕ ਪੀੜੀ ਆਏਗੀ ਜੋ ਇਸ ਤਰ੍ਹਾਂ ਦੇ ਸਿਨੇਮਾ ਨੂੰ ਅੱਗੇ ਲੈ ਕੇ ਜਾਏਗੀ ਅਤੇ ਦਰਸ਼ਕ ਵੀ ਵਧਣਗੇ।
ਅੰਮ੍ਰਿਤਾ ਸ਼ੇਰਗਿੱਲ ਤੇ ਫ਼ਿਲਮ
ਗੁਰਵਿੰਦਰ ਜਲਦ ਆਪਣੀ ਤੀਜੀ ਪੰਜਾਬੀ ਫ਼ਿਲਮ 'ਤੇ ਵੀ ਕੰਮ ਸ਼ੁਰੂ ਕਰਨਗੇ। ਇਸ ਦੇ ਨਾਲ ਹੀ ਉਹ ਪੰਜਾਬ ਦੀ ਮਸ਼ਹੂਰ ਕਵਿਤਰੀ ਅੰਮ੍ਰਿਤਾ ਸ਼ੇਰਗਿੱਲ 'ਤੇ ਵੀ ਫ਼ਿਲਮ ਬਣਾ ਰਹੇ ਹਨ।
ਤਸਵੀਰ ਸਰੋਤ, FACEBOOK/GURVINDER
ਪਰ ਫ਼ਿਲਹਾਲ ਉਹ ਇਸ ਬਾਰੇ ਹੋਰ ਜਾਣਕਾਰੀ ਨਹੀਂ ਦੇ ਸਕਦੇ ਕਿਉਂਕਿ ਉਨ੍ਹਾਂ ਨੂੰ ਅਜੇ ਫੰਡਿੰਗ ਦਾ ਇੰਤਜ਼ਾਮ ਕਰਨਾ ਹੈ।
ਨਵੇਂ ਫ਼ਿਲਮਕਾਰਾਂ ਲਈ ਕੀ ਹੈ ਸਾਧਨ ?
ਗੁਰਵਿੰਦਰ ਮੁਤਾਬਕ ਅਜਿਹੀ ਫ਼ਿਲਮਾਂ ਨੂੰ ਦਰਸ਼ਕ ਸਿਨੇਮਾਘਰ ਵਿੱਚ ਵੇਖਣ ਨਹੀਂ ਆਉਂਦੇ।
ਇਸ ਲਈ ਬਿਹਤਰ ਹੈ ਕਿ ਇੰਟਰਨੈੱਟ ਰਾਹੀਂ ਇਨ੍ਹਾਂ ਨੂੰ ਦਰਸ਼ਕਾਂ ਤੱਕ ਪਹੁੰਚਾਇਆ ਜਾਏ। ਇਸੇ ਤਰ੍ਹਾਂ ਇਹ ਫ਼ਿਲਮਾਂ ਆਪਣੇ ਦਰਸ਼ਕਾਂ ਤੱਕ ਪਹੁੰਚਣਗੀਆਂ।
