Ọkụ gbara n'ahịa Eke-Ukwu dị n'Afikpo agbawala ndị mmadụ aka

14 Julaị 2022

Ngwongwo ndị mmadụ lara n'iyi dịka ọkụ gbara ahịa Eke-Ukwu dị n'okpuruọchịchị Afikpo, Ebonyi steeti.

Ya bụ ọkụ gbara n'abalị Tuzde, 12 nke ọnwa Julaị afọ 2022, repịara ụfọdụ akụkụ ahịa ahụ ma maebie ngwongwo ndị mmadụ.

Enweghi onye nwụrụ maọbụ merụọ ahụ na ya bụ ọkụ ọgbụgba, dịka ndị hụrụ ka ihe mere si kwuo.

Etu ọkụ si gbapịa ihe ndị mmadụ n'Enugwu steeti6 Febụwarị 2022
Ọkụ ọ na-agba n’ụlọụka St Anthony Catholic Church Amansea nke Anambra steeti?10 Julaị 2022
Ọkụ agbaala n'ahịa Balogun dị na Lagos16 Disemba 2021

Amabeghi ihe kpatara ya bụ ọkụ gbapịara ngwaahịa ndị mmadụ.

Mbọ ụfọdụ ndị gbara ịzọpụta ụfọdụ ngwaahịa ndị mmadụ lara n'efu dịka ya bụ ọkụ ji ike na-agba.

Oby Oko Enyim bụ onyeisi okpuruọchịchị ahụ, tiri ndị ọkụ a metụtara aka n'obi mgbe ọ garuru ebe ahụ, ma kwe ha nkwa na gọọmentị ga-agba mbọ ịgbatara ha ọsọ enyemaka.

Omezue Johnson Inya Oka bụ onyeisi otu jikọrọ ndị ahịa Afikpo, Afikpo Market Traders Association (AMATA), kpọkuru gọọmenti ka ha gbaa mbọ hụ na ụdịrị ọdachi a emeghi ọzọ, site n'itinye ihe ndị e ji alụso ọkụ ọgụ.