Anambra Floods : Idemmiri a akarịala aka anyị - SEMA Anambra steeti

Ide mmiri

Ebe foto si, Getty Images

Dịka udu mmiri na akwado ụla, ụfọdụ ndị na-eme njikere maka ide mmiri na-awakpo ha.

Nke a na-abịa dịka ndị Mba Kamerun mepere ọdọ mmiri dam ha nke Lagdo were mee ka mmiri sọfee karịa.

Dika onyeisi ndị ngalaba gbatagbata bụ 'National Emergency Management Agency' ( NEMA) nke mpaghara ọwụwa anyanwụ bụ Fred Anusiem gwara BBC na ndị mba Kamerụm agwaghị Naijirịa na ha emepela ọdọmmiri dam ha.

Aha onyonyo, Idemmiri achụpụla ndị Ogbarụ, Anambra Steeti n'ụlọ ha.

Ọ bụ Adamawa, Taraba, Benue,Kogi, Anambra, Bayelsa,Rivas, Edo na Delta Steeti ka idemmiri a ga-emetụta maka na ha nọ na ikpere mmiri Benue.

Ọ mere ka anyị ghọta na idemmiri a ga-esite Taraba steeti, banye Benue were si Benue gbabanye Lokoja ma gafee Delta, Anambra, Rivers na Bayelsa tụpụ ọ banye oshimiri Atlantik.

'Mmiri gbagburu ụmụakwụkwọ abụọ na Mahadum anyị'

O kwukwara na ọ bụ ndị 'State Emergency Management Agency' (SEMA) ka ọ dịrị ikpọpụ ndị obodo ide mmiri a metụtara.

Dịka ọ sị kọwa na ọ bụ ọrụ ha inyere ndị idemmiri a metutara aka ime ka ihe oriri na ihe ndị ọzọ ruo ha aka.

Skip Akachasị Gụọ and continue reading
Akachasị Gụọ

End of Akachasị Gụọ

Ihe ndị gbatagbata (SEMA) Anambra steeti nwere ikwu

Onye na-ekwuchitere ndị SEMA Anambra steeti bụ Chukwudi Onyejekwe gwara BBC na Idemiri a erutela 'Anambra East' na 'Anambra west'.

Onyejekwe kwuru na idemmiri a awakpola ebe niile dị na Anambra west.

Aha onyonyo, Erosion: 'Ndị ụka gbutuchara ukwu osisi mere ka idemmiri bakwute anyị'

Dịka o si kwuo, " Ihe a bụ ugboro abụọ idemmiri a na-awakpo mpaghara ndị n'afo a, mana nke abụọ a sitere Kamerun ma na-abịa n'ike n'ike."

O kwuru na ha na-edu ndị idemmiri a metutara agbaga ebe nchekwa.

E be nchekwa ndị a gunyere -

  • Ulọakwụịkwọ Fada Josef
  • Ulọakwụkwọ Premịa
  • Ulọakwụkwọ Saint Augustine
  • Ulọ akwụkwọ Unity Prịmarị, Ọgbaru
  • Sent James Anglịkan Chụch, Ọgbaru

Na ebe ndị ọzọ.

Onyejekwe gwara BBC na nke a akarịala nke gọomenti steeti ga-ebunwu.

Okwuru na ha agwala ngalaba gọọmenti etiti bụ NEMA ka ha gbatara ha ọsọ enyemaka.

Kedu ihe ndị SEMA ga-eme?

Mazi Fred Anusiem kwukwara na ha enwetala ozi ndị SEMA maka Ide mmiri na-awakpo ha n'Anambra steeti.

O kwukwara na ha ezigarala ndi isiọrụ ha ozi ma na-eche ka ha zaghachi ha n'ime abalị ole na-abianụ.

Akụkọ ga-amasị gị