Babcock University: Nwoke kwuru okwu asị megide Ndigbo abụghị onye ọrụ anyị
Ebe foto si, Getty Images
Ọnụ na-ekwuru mahadum Babcock bụ Joshua Suleman, depụtara nke a n'akwụkwọ ozi o wepụtara n'aha mahadum sị na nwoke ahụ abụghị onye ọrụ mahadum ha.
Alaba Ajibola, onye kpọrọ onwe ya onye ọrụ Babcock n'igwe okwu Facebook, bidoro iwu na soshal midia ka ọ depụtachara okwu asị megide Ndigbo abalị ole na ole gara aga.
N'ihe Ajibola dere na Facebook n'otu a kpọrọ 'Space for Change', o kwuru na ọ gaara aka mma ma ọ bụrụ na e gbuchara Ndigbo niile n'agha Biafra; na ọ bụrụ na ọ dị etu a, Naijiria gaara aga n'ihu karịa.
Ọ sị na nsogbu agaghị n'ihu Naijiria si n'aka Ndigbo.
N'okwu ya, "Ekwuola m ọtụtụ mgbe na Ndigbo bụ nsogbu ala anyị.
"Ọ bụrụ na e kpochapụrụ ha n'oge agha Biafra, Naịjiria gaara aga n'ihu. Mana oge agabeghị. Ha bụ agbụrụ a kpọrọ asị karịcha n'ụwa niile."
Ebe foto si, Space for Change
Ebe foto si, Space for Change
Ebe foto si, Space for Change
Iwe pụrụ ụmụafọ Igbo
Ahụrụ a Ajibola nyụrụ mere ka obi ọtụtụ ụmụ Igbo na-asụ ka mmiri ọkụ.
Ụfọdụ ha kpọrọ oku ka Mahadum Babcock taa Ajibola ahụhụ maọbụ ha kpọpụcha ụmụakwụkwọ ndị Igbo na-agụ akwụkwọ na mahadum ahụ.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 1
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 2
Ụfọdụ dịka @Tonydazzling kwuru na mahadum ahụ na-akwado ịkpa oke agbụrụ nke mere na ha were onye na-akpa oke agbụrụ dịka Ajibola n'ọrụ.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 3
Babcock sị na aka ha adịghị ya
Mana Mahadum Babcock agọrọla aka na ụkwụ ha, sị na Ajibola abụghị onyeọrụ ha, nke ha na-akwado okwu ya.
"Nke a bụ iji gwa ọhanaeze na Ajibola a na-ekwu maka ya abụghị onye ọrụ mahadum anyị, nke o ji anọchite anya mahadum a n'ụzọ ọbụla.
"Ajibola bụbu onyeọrụ anyị mana o teela aka anyị na ya anọghịzị.
"O nweghị ihe jikọrọ mahadụm anyị na Ajibola na ihe o kwuru."
Ozi ahụ gara n'ihu kwuo na,"Babcock bụ mahadum mbaụwa maka mmadụ niile, n'agbanyeghị nkwenye, agbụrụ, ofufe na ndọrọndọrọ ọchịchị onye na-akwado."
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 4
