ટી-20 વર્લ્ડકપ : આજે ભારત અને પાકિસ્તાનની મૅચ, કેવી રીતે મળશે પૉઇન્ટ?

આઈસીસી 20-20 ક્રિકેટ વર્લ્ડકપમાં 'સુપર 12' વચ્ચેના મુકાબલા 23 ઑક્ટોબર એટલે કે આજથી શરૂ થઈ ગયા છે. ક્વૉલિફાયર મૅચમાં ગ્રૂપ-એ-માં ટોચ પર રહેલું શ્રીલંકા ગ્રૂપ-1માં રહેશે.

આ ઉપરાંત ઇંગ્લૅન્ડ, ઑસ્ટ્રેલિયા, દક્ષિણ આફ્રિકા, વેસ્ટ ઇન્ડીઝ અને બાંગ્લાદેશ આ ગ્રૂપમાં હશે.

જ્યારે ભારત, પાકિસ્તાન, ન્યૂઝીલૅન્ડ, અફઘાનિસ્તાન અને સ્કૉટલૅન્ડ ગ્રૂપ-2માં હશે. નામિબિયાએ પણ ગ્રૂપ-2માં જગ્યા બનાવી છે.

હવે ટી-20 વર્લ્ડકપમાં ટોચની ટીમોની મૅચ શરૂ થશે અને દરેક ગ્રૂપની ટોચની બે ટીમો જ સેમિફાઇનલમાં જગ્યા બનાવી શકશે.

શારજાહમાં ઑસ્ટ્રેલિયા અને દક્ષિણ આફ્રિકા વચ્ચેની મૅચ સાથે જ આ સુપર-12 મુકાબલા શરૂ થઈ રહ્યા છે.

કોણ-કોણ છે ગ્રૂપમાં?

ગ્રૂપ-1

ઇંગ્લૅન્ડ, ઑસ્ટ્રેલિયા, દક્ષિણ આફ્રિકા, વેસ્ટ ઇન્ડીઝ, શ્રીલંકા, બાંગ્લાદેશ

ગ્રૂપ-2

ભારત, પાકિસ્તાન, ન્યૂઝીલૅન્ડ, અફઘાનિસ્તાન, નામિબિયા અને સ્કૉટલૅન્ડ

સૌથી મહત્ત્વપૂર્ણ મૅચ ક્યારે?

23 ઑક્ટોબર

23 ઑક્ટોબરે ગ્રૂપ-1ની બે મહત્ત્વની મૅચ હતી, સવારે અબુ ધાબીમાં ઑસ્ટ્રેલિયા અને દક્ષિણ આફ્રિકા સામસામે રમ્યા હતા અને સાંજે દુબઈમાં ઇંગ્લૅન્ડની સામે વેસ્ટ ઇન્ડીઝની મૅચ રમાઈ હતી.

24 ઑક્ટોબર

ગ્રૂપ-2ની મૅચ રવિવારે શરૂ થઈ રહી છે. આતુરતાથી રાહ જોવાઈ રહેલી ભારત-પાકિસ્તાન વચ્ચેની મૅચ દુબઈના સ્થાનિક સમય અનુસાર સાંજે 6 વાગ્યે શરૂ થશે.

અફઘાનિસ્તાન 25 ઑક્ટોબરે શારજાહમાં સ્કૉટલૅન્ડની સામે રમશે, જ્યારે પાકિસ્તાનનો 26 ઑક્ટોબરે શારજાહમાં ન્યૂઝીલૅન્ડ સામે મુકાબલો થશે.

ગ્રૂપ-1ની મૅચો 6 નવેમ્બરે સમાપ્ત થશે. એ દિવસે અબુ ધાબીમાં ઑસ્ટ્રેલિયા અને વેસ્ટ ઇન્ડીઝનો મુકાબલો થશે જ્યારે શારજાહમાં ઇંગ્લૅન્ડ અને દક્ષિણ આફ્રિકા ટકરાશે.

ગ્રૂપ-2ની મૅચો 8 નવેમ્બરે સમાપ્ત થશે. એ દિવસે ભારતનો સામનો નામિબિયા સાથે થશે.

10-11 નવેમ્બરે સેમિફાઇનલ મૅચ રમાશે

પહેલી સેમિફાઇનલ અબુ ધાબીમાં 10 નવેમ્બરે સાંજે 6 વાગ્યે રમાશે, જ્યારે બીજી સેમિફાઇનલ 11 નવેમ્બરે દુબઈમાં રમાશે.

બંને સેમિફાઇનલ માટે એક વધારાનો દિવસ પણ અનામત રાખવામાં આવ્યો છે.

ટી-20 વર્લ્ડકપની ફાઇનલ મૅચ દુબઈ ઇન્ટરનેશનલ સ્ટેડિયમમાં 14 નવેમ્બરે રમાશે.

કેવી રીતે ગણવામાં આવશે પૉઇન્ટ?

પહેલા રાઉન્ડની જેમ જ સુપર-12 તબક્કાના પૉઇન્ટ ગણવામાં આવશે. જીતનાર ટીમને બે પૉઇન્ટ મળશે.

ટાઈ થાય, મૅચ રદ થાય અથવા કોઈ નિર્ણય ન આવવાના કિસ્સામાં બંને ટીમોને એક-એક અંક મળશે.

હારવા અથવા મૅચ છોડવા પર કોઈ પૉઇન્ટ નહીં મળે.

ટીમો અને તેમની મૅચ

ગ્રૂપ-1ઇંગ્લૅન્ડ

ઑસ્ટ્રેલિયા

દક્ષિણ આફ્રિકા

વેસ્ટ ઇન્ડિઝ

શ્રીલંકા

બાંગ્લાદેશ

ગ્રૂપ-2 ભારત

પાકિસ્તાન

ન્યૂઝીલૅન્ડ

અફઘાનિસ્તાન

સ્કૉટલૅન્ડ

નામિબિયા

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો