Emma Crane Enw: Emma Crane Oed: 32 Statws teuluol: Priod, dim plant Ardal: Sir Fôn Gwaith: Swyddog Bioamrywiaeth Wedi colli: 45 pwys - mi oeddwn in 13.4, nawr yn 10.1 (maint 18-20 i lawr i 10-12) Cyngor gorau: Ymarferwch - mae'n cyflymu'r colled, gwneud i chi deimlo'n dda, ac yn tynhau'ch cyhyrau'n gyflymach.

Bu rhaid i mi wylio fy mhwysau erioed, ond yn ddiweddar dw i wedi pentyrru'r pwysau, a hynny oherwydd i mi fwyta llawer gormod o'r bwydydd anghywir. Mi oeddwn in teimlo'n anhapus ynglŷn â'r ffordd roeddwn i'n edrych, ond doeddwn i ddim yn gallu ysbrydoli fy hun i wneud rhywbeth amdano. Pan ddaru ni archebu gwyliau, mi oedd meddwl am siorts a bicini'n ddigon i'm sbarduno!

Ddaru mi ymuno â Weight Watchers a ddaru mi golli 45 pwys drwy ddilyn cynllun bwyta'n iach, ac, yn bwysicach byth, drwy ymarfer. Ddaru mi ddechrau mynd i'r gym, ac ar ôl colli ychydig bach o bwysau, ddaru mi ddechrau rhedeg. Mi oedd hi'n waith anodd iawn, ond rŵan dwi'n medru rhedeg (yn araf!) am fwy nag awr - dim ond munud a hanner medrwn i wneud pan ddaru mi ddechrau.

Rŵan dwi wedi cyrraedd fy mhwysau delfrydol a dwi'n edrych ymlaen at wyliau'r ha' 'ma heb orfod poeni am guddio fy mraster, dwi'n teimlo'n wych!