በርካታ የናይጄሪያ ታጣቂዎች ጥቃት ሲሸሹ ሰጥመው ሞቱ

በሰሜን ምስራቅ ናይጄሪያ ቦርኖ ግዛት በርካታ ታጣቂዎች በመሬት እና በአየር ላይ የነበረውን ጥቃት ለመሸሽ ሲሞክሩ በወንዝ ውስጥ ገብተው ሰጥመው እንደሞቱ የደህንነት ምንጮች ገለጹ።

የቦኮሃራም ተዋጊዎች መደበቂያ በሆነው የሳምቢሳ ጫካ አካባቢ በሚገኙ መንደሮች ላይ ወታደሮች ጥቃት ሰንዝረዋል።

ታጣቂዎቹ የጦር ሰፈራቸውን ትተው ሲሸሹም ወንዝም ውስጥ የገቡ ሲሆን በወቅቱም ከፍተኛ ዝናብ ነበር ተብሏል።

ከመንግሥት ወታደሮች ጋር ወግነው የሚዋጉ የአካባቢው ሚሊሻዎች ከ100 በላይ የታጣቂ አስከሬኖችን ከወንዙ አውጥተው በአቅራቢያው እንደቀበሩ ተናግረዋል።

በአውሮፓውያኑ 2009 በጀመረው አመፅ በአስር ሺዎች የሚቆጠሩ ተገድለዋል እናም ወደ ሁለት ሚሊዮን የሚጠጉ ተፈናቅለዋል።