Lammiin Keeniyaa Badhaasa BBC Komlaa Dumor bara 2018 irra-aane

Gaazexessaan lammii Keeniyaa badhaasa Komlaa Dumor kan 'BBC World News' qophaa'ee kan bara kanaa irra-aane.

Gaazexessaa Waayihigaa Muwaawuraa televijinii 'Citizen' irratti oduu dhiheessa.

Badhaasa kanaanis ji'a sadiif gara magaalaa Landan imaluun turtii kan taasisu yoo ta'u, achii deebi'eemmoo Afrikaadhaaf gabaasa.

Badhaasi kuni gaazexessaa BBC Komlaa Dumor bara 2014tti tasa umurii waggaa 41'tti lubbuunsaa darbee yaadachuuf kan qophaa'edha.

Gaazexessaan kuni Keeniyaa keessatti beekamaadha.

Isa dura gaazexeessaan tokko biyyaa Yugaandaarraa, lama immoo biyya Naayijeriyaa irraa badhaasa kanaan filatamaniiru.

''Isa Komlaan hojjete keessaa dhibbantaa 10 ykn 20 osoon hojjedhee, gaazexessummaaf gumaacha koo akkan godheettiin fudhadha,'' jedheera.

Gareen isa qorate akka ibsetti ga'umsa oduu himuu fi gaazexessummaa qorannoo irratti hundaa'e irratti fulleeffachuun isaa kaan caalaa akka dursi kennamuf taasiseera.

Skip Baay'ee kan dubbifame and continue reading
Baay'ee kan dubbifame

End of Baay'ee kan dubbifame

Isinoo? BBC'f hojjechuu feetuu? Asin yaaluu dandeessu.