BBC News, Afaan Oromoo
Qabiyyeetti darbi

Kan argaa jirtan oduu barreeffamaan qofa marsaritii keenya daataa xiqqaan hojjetudha. Fuula isa guutuu suuraaleefi viidiyoowwan qabate banadhaa.

Gara fuula marsariitii guutuutti na geessi

Filannoo daataa qusatu fayyadamu kanarratti hubannoo dabalataaf

Al-Sisiin xalayaa Tiraamp erganiif jajan, simatanis

Pirezidantiin Masrii Albulfattaa al-Siisii xalayaa Pirezidantiin Ameerikaa qooda nageenya Gaazaa akkasumas dhimma Hidha Abbayyaa ibsuun katabaniif akka simataniifi sochii Tiraampillee akka jajan ibsan.

Guduunfaa

Haguuggii Tamsaasa Kallattii

  1. 'Badhaasni Noobeelii fi Looreetiin adda hin bahan' - Koree Badhaasa Noobelii

    Badhaasni Noobelii Looreeticha (badhaafamaa) irraa adda hin bahu jedha koreen badhaasa Noobelii.

    Badhaafamaan Noobelii waan ijoo lama, medaaliyaa warqee fi dippiloomaa harkatti namaa kennamu, fudhata. Dabalata maallaqnis ni kennamaaf.

    Keessumaa meedaaliyaa fi dippiloomaan mallattoo namni ykn dhaabbannni tokko Badhaasa Noobelii Nagaa badhaafamuu mirkaneessanii dha jedha Koreen Badhaasa Noobeelii ibsa baaseen.

    "Badhaasichi mataan isaa - ulfinaa fi beekkamtii qaama sanaaf kennamu yoo ta'u, nama ykn jaarmiyaa Koreen Noobelii Norweey Looreetii jechuun moggaasun badhaase sanarraa adda hin bahu."

    Meedaaliyaa, dippiloomaa fi maallaqni kenameef haala kamiinuu yoo harka isaatii bahellee Looreetiin yoomillee qaamuma badhaafame sana dha jedha koreen kun.

    "Loreetiin badhaasa Noobelii argate takkaa erga beekkamtiin kennameefii badhaasicha namaaf qooduu ykn dabarsuu hin danda'u, Badhaasni Noobeelii Nagaas namarraa hi fudhatamu. Murteen Koree Noobelii murtee isa dhumaa fi keessa deebii hin qabne dha" jedha.

    Badhaasa Noobelii Nagaa bara 2025 kan gonfatte hoggantuun Paartii mormituu Venezuweelaa Maariyaa Kuuriyaa Machaadoo tibbana badhaasa ishee Preezdaant Tiraampif kennuu ishee ibsitee turte.

  2. Ameerikaan Sooriyaa keessatti nama loltoota US ajjeese waliin hidhata qabu jette ajjeesuu himte

    Humnoonni Ameerikaa haleellaa Sooriyaa keessatti raawwataniin ajajaa gartuu al - Qaayidaa gartuu Islaamik Isteet (IS) loltoota Ameerikaa sadii galaafate waliin ''kallattiin hidhata qabu'' ajjeesan.

    Ajajaan Giddugalaa Ameerikaa ibsa baasen Bilaal Hasan al-Jasim namni jedhamu haleellaa gaafa Jimaataa taasifameen ajjeefame.

    Kana dura haleellaan waraana Ameerikaarratti yeroo raawwate haaloo akka bahan Tiraamp dhaadatanii turan.

    Ibsi bahe namni kuni waraana Ameerikaa ajjjeefamaniifi waraana Ameerikaafi Sooriyaa miidhe waliin ''kallattiin hidhata'' qaba.

    Himannaa kana BBC'n addatti waan mirkaneeffate hin qabu.

    Buufataaleen waraanaa US eessatti argamu?

  3. Sirni owwaalcha Artist jaalatamaa Natsaannat Warqinaa raawwatame

    Sirni owwaalchaa Artist Natsaannat Warqinaa guyyaa har'aa Bataskaana Qulqulluu Sillaasee Magaalaa Finfinnee argamutti raawwatame.

    Sirna gaggeessaa reeffaa ganamaa eegalee adeemsifamaa tureera.

    Sagantaa kanarattis maatiin isaa Ameerikaatii dhufan, hiriyyaa, waahila, dinqisifattoonniifi kaan argamaniiru.

    Gadda isaaniis ibsaniiru.

    Artist Natsaannat artistii jaalatamaa yoo ta'u beeksisa, filmiifi tiyaatiraan beekama.

    Artist Natsaannat eenyudha?

    Artist Natsaannat magaalaa Finfinnee naannoo Uraa'el jedhamutti dhalatee guddate.

    Yeroo mana barnoota sadarkaa 2ffaarra jiru hojiiwwan filmiifi tiyaatiraa kan ittiin sadarkaa kanarra gahe eegale.

    Kanaanis taatoo fiilmii, hojii Komeedii, qopheessaa fi dhiyeessaa sagantaa televijiinii seenaa fiilmii fi sagantaa dhiyeessuun artistii dandeettii qoosaa isaan beekamti guddaa argateedha.

    Filmiiwwan Afaan Amaaraan dalage keessaa Siitii Booyiz, Saalnagiraat, Yaanchiw Leebaa 2, FBI, Mister X, Chombee, fi kaanis jiru.

    Tiyaatirri Fresh Man filmii ummata waliin isa wal barsiisedha jedha gabaasi miidiyaa biyya keessaa FBC.

    Erga gara sagantaa televijiinii dhiyeessutti makamee boodas sagantaa ''Yabetasab Chewata" jedhu Televijiinii EBS irratti hojjechuun jalaatamummaa guddaa horate.

    Kana malees beeksisaa adda addaa hojjachuun artistii hedduu dinqisifannaa argate yoo ta'u hanga guyyaa du'a isaa kanatti ogummaa isaa guddisuu nama dhama'aa ture akka ta'e seenaa jireenya isaa midiyaan EBS baase kan ibsu.

    Artist Natsaannat Warqinaa du'aan addunyaarraa boqote, maaltu jedhame?

  4. Ayaatolaan mormii tibbanaa irratti kumaatamni ajjeefamuu amanan

    Hogganaa olaanaan Iraan kumaatamoonni mormii tibbana Iraan keessa turerratti ajjeefamuu yeroo jalqabaatiif ifatti bahuun amanan.

    Ajjeechaa kanaafis Ameerikaa himatan.

    Gabaasa guutuu:Ayaatoolaan maal jedhan?

  5. Miniyaapoolis keessatti loltoonni 1,500 bobbaafamuuf qophiitti jiru

    Miniyaapolis keessatti loltoota haaraa bobbaasuf qophiirra akka jiramu qondaaltonni waraana US beeksisuu US'tti michuun BBC, CBS News gabaase.

    Qondaaltonni, loltoonni 1,500 ammaan tana Alaaskaa jiran, mormii sanbatarraa itti fufee jiruuf akka filmaata loltoota bobbaafamanii [yoo pireezdaantii US ajajuuf murteessanitti] qabannee jirra jedhan.

    Mormiin Miniyaapoolis ajaja immigireeshinii fi gumrukaa haaraa baherratti kan xiyyeeffatu dha.

    Loltoota Alaaskaa jiran kanneen bobbaasuuf garuu hanga amma murtiin darbe hin jiru jedhan qondaaltonni.

    Qondaaltonni Minisootaa mormitoonni karaa sirnaa fi nagaan akka socho'an hubachiisee ture.

    Daanyaan federaalaa US Kaatiriin Meneendez Jimaata darbe humnoonni federaalaa hiriirtota qabuu fi waan isaan imimmaanessu fayyadamuun dhorkaadha jechuun ajajan.

  6. Dureewwan Awurooppaa Tiraamp balaaleeffatan

    Pirezidant Tiraamp biyyoota Awuroppaa saddeet michoota Ameerikaa ta'an taarifa haaraa akka irra buusan dhaadachuun mormii kaase.

    Kunis, karoora Tiraamp Odola Giriinlaand qaama Denmaark taate fudhachuuf jedhan erga morman boodadha.

    Dureewwan Awurooppaa immoo sochii Tiraamp kana cimsanii balaaleeffataniiru.

    Gabaasa guutuu: Doorsisa booda dureewwan Awurooppaa Tiraamp balaaleeffatan

  7. Pirezidantiin Masrii ergaa Tiraamp akka simatan beeksisan

    Pirezidantiin Masrii Abdel-Fattaah El-Sisii xalayaafi ergaa Tiraamp katabaniif akka simatan beeksisan.

    Xalayaa Piirezidantiin Ameerikaa erganiifin akka galateeffataniifi xalayaa galataallee akka barreessaniif himan.

    Sisiin ergaa miidiyaa hawaasummaa isaanirratti dhaamaniin bishaan Naayil [Abbayyaa] Masriif maal akka ta'e Tiraamp beekamtii kennuu isaaniinis nan galateeffadha jedhan.

    Tiraamp dhimmi bishaan Laga Abbayyaa waliif qooduufi Hidhaan Haaromsaa Itoophiyaa Guddichi Laga Abbayyaa gara "walitti bu'iinsa humna waraanaa guddaa ta'etti' akka hin geessine yaaddoo qaban ibsani.

    Dabaluunis, Ameerikaan irra deebiin gahee gidduu seenuun gara waliin mariyachuutti fidu akka jalqabdu xalayaa agarsiisu pirezidantii Masirii Abdul Fattaah Al-Siisiif ergan.

    "Ameerikaan bishaan Laga Abbayyaa qaalii ta'e biyyi kamiyyu dhuunfatee to'achuun biyyoota olla miidhaaf saaxiluu akka hin qabne cimsitee amanti," jedhan.

    Xalayaan Tiraamp Siisiif ergan maal hima?

    Muddama Hidha Haaaromsaa Abbayaa irratti jiru furuun ajandaa koo isa angafaati jechuun Tiraamp irra deebiin ibsaniiru.

    Masriin kana dura irra deddeebiin Tiraamp gidduu seenanii akka furan gaafataa turte.

    Itoophiyaa, Masriifi Sudaan waggoota 10 oliif dhimma Hidha Abbayyaaratti mari'atanis waliigaluu hin dandeenye.

    Kanaafis, tokko isa kaan komata. Tiraamp kana durallee dhimma Abbayyaa kana jaarsummaan furuuf sosso'anii turan.

    Ta'us, Itoophiyaan gidduuseentummaan isaan himatte.

    Xalayaa isaani tibbanaarratti Tiraamp garagalcha Pirezidantii Itoophiyaa Taayyee Atsiqa Sillaasee eeraniiru.

    Dhimma kana irrrattii gama Itoophiyaa wanti jedhame hin jiru.

  8. Ashamaa!

    Tamsaasni kallattii BBC Afaan Oromoo eegale.

    Odeessa biyya keessaafi alaa jala jalaan isin biraan geenya.

    Lafa nagaa oolaa!