Tiraampii fi Maask: Guyyoota 10 hariiroo isaan jidduu balleesse

Daataa qusachuuf barreeffama qofa dubbisi
Ibsa waa'ee viidiyoo, Dowwadhaa: Elon Maask seera gibiraa Tiraampiin 'baayyee aaruu' isaa dubbatan af-gaaffii Dilbata ganama CBS waliin taasisaniin

Walitti dhufeenyi Doonaald Tiraamp fi Elon Maamaask, hogganaa biyya dureettii addunyaa fi nama dureessa addunyaa, walitti michoomunsaanii waahilummaa wal-gitu gaarii fakkaatee ture.

Haata'u malee, guyyoota 10n darban lamaan isaaniitu dhabiisan waliigaltee salphaa irraa gara aarii guddaa ta'etti ce'aniiru. Guyyoonni kunneenis yeroo hariiroon isaanii adda cituun isaa ifa itti baheedha.

Mee guyyoota kudhan darban keessa taateewwan aanga'oota kanneen jidduutti mudatan ijoo haa ilaallu.

Roobii Caamsaa 28

Maask af-gaaffii CBS News waliin taasisaniin, karoora wixinee haaraa gibiraa fi baasii Tiraamp komate. Innis, seerri karoorfame kun akka isa ''mufachiise'' hime.

Boodarra ammoo Tiraamp mataasaanii, ''gama ta'een'' wixinee kanatti akka hin gammanne gaazexessitoota duratti kan amanan yoo ta'u, yeroo walfakkaatutti ammoo gama tokkoon, gibira hir'isuu isaa irratti ''gammadeera,'' jedhanii ture.

Haa ta'u malee, kallatiidhaan dubbii Maask sana irratti yaada hin kennine ture.

Ibsa waa'ee viidiyoo, Tiraamp aarii Maask gibiraa fi wixinee baasii irratti kaasaniif deebii kennanii ture

Kamisa Caamsaa 29

Guyyaa Kamisaa Maask sababii yeroon yeroo hojjataan mootummaa addaa isaaf qabame xumura irra ga'een booda, bulchiinsa Tiraamp gadhiisuu isaa beeksise.

Inis ergama baasii hir'isuu kan Kutaa Gahumsa Mootummaa (Doge) jedhamuun beekamu hoogganaa ture.

Skip Baay'ee kan dubbifame and continue reading
Baay'ee kan dubbifame

End of Baay'ee kan dubbifame

Maask barreeffama toora X irratti qoodeen, ''Yeroon kiyya akka hojjataa mootummaa addaa qabamee sababii xumurameef, Pirezidanti @realDonaldTrump carraa baasii qisaasamu akkan hir'isuuf naaf kennanniif galateefachuun barbaada. Ergamni DOGE hanga guutummaa mootummaa keessatti daandii jireenyaa ta'utti yeroodhaa gara yerootti cimaa adeema,'' jedhan. Asiin gadiitti ammoo, ittaansuun Tiraamp barreeffama ittaanu miidiyaa hawaasaa isaaniirratti qoodan.

Jimaataa Caamsaa 30

Tiraamp Maaskiin guyyaa dhumaasaa Waayit Haawusitti ibsa gaazexeessitootaaf kennaniin isa faarsaa turan.

Maask ''dhugumatti hin bahu'' jedhu pirezidaantichi, gara Waayit Haawusitti ''ni deddeebi'uu'' itti fufa jedhan.

Wiixata Waxabajjii 2

Gaafa Wiixata Waxabajjii 2, 2025tti ammoo, Tiraamp barreeffama miidiyaa hawaasaa Truth Social irratti barreesseen, ''wixinee guddaa fi bareedaa kan ibsi sobaa baayyeen irratti kennamaa jiru'' imaammata dinagdee isaa isa olaanaadha jechuun falmaniiru.

Kibxata Waxabajjii 3, 2025

Maask irra deebiin, wixinee seeraa Tiraamp karoorfate irratti fulleeffachuun barreeffama toora X irratti barreesseen, ''guddaa, aarii guddaa, foon booyyeetiin kan guutamee'' fi '' jibbisiisoodha'' jechuun waaman.

Siyaasa Ameerikaa keessatti "booyyee" jechuun baasii pirojektoota naannoo filannoo miseensoota mana maree baasan agarsiisa.

Yaadonni kunis yaada Maaskii miidiyaa hawaasaa irratti kennaman hammachuu jalqabuu agarsiisa.

elon Maask bareeffama X irratti qoodaniin, "Dhiifama garuu kana booda obsuu hin danda'u. Labsiin baasii Kongireesii guddaan, kan nama aarsuu, booyyeen guutame kun jibbisiisaadha. Warra sagalee kennaniif salphina: dogoggora akka hojjettan beektu. Ni beektu."

Roobii Waxabajjii 4 akka biyyaatti sa'aatii 13:57tti

Maask labsiin baasii haaraa "kan hanqina [baajata mootummaa Ameerikaa] baay'inaan hin guddifnee fi daangaa liqaa hin daballe" akka bahuuf waamicha dhiyeesse.

Roobii Waxabajjii 4 sa'aatii 14:50tti

Maask hordoftoonni isaa akka bakka bu'oonni isaanii wixinee Tiraamp mormaniif waamicha akka taasisaniif gaafatan.

Barreeffama X irratti qoodee irratti Elon Maask akkas jechuun barreessa: "Senetera keef bilbili, Miseensa Kongiresii keetiif bilbili, Ameerikaan kiisaaraa keessa galchuu sirrii MITI! Labsii kana ajjeesi."

Kamisa Waxabajjii 5, sa'aa 11:20tti

Maask walitti aansuun barreeffamoota durii Tiraamp X irratti barreessan, kan bara 2012 fi 2013, kan Tiraamp ittiin baasii mootummaa qeeqan waabeeffachuun qoode.

Suuraan maxxansa toora X lamaan akka agarsiisaniitti, jalqabarratti Elon Maask barreeffama bara 2013 Doonaald Tiraamp barreesse irra deebii, "jechoota ogummaa" barreesse kan "Rippabilikaanonni daangaa liqaa ol kaasuunaanii amanuu hin danda'u - ani Rippabilikaana, ani qaana'eera" jedhu qoodan. Isa lammafaatiin ammoo, Elon Maask maxxansa bara 2012tti Doonaald Tiraamp X irratti maxxansanii kan ''Yoo bajjanni biyya keenyaa madaalwaa hin taane, miseensi mana maree kamuu irra deebiin filatamuuf gahumsa hin qabaatu'' kan jedhu ani ''caalaa waliigaluu hin danda'u'' jedhan.

Kamisa Waxabajjii 5, sa'aa 12:00tti

Tiraamp wayita Chaansailarii Jarman Firedriik Meerzii waliin Waajjira Ovaalii keessatti haasa'aniitti, innii fi Maask ''hariiroo cimaa'' qabu akka turan garuu ''kanaan booda yoo kan itti fufnu ta'u hin beeku'' jedhan.

Akkasumas Maaskiin sababii deeggarsi konkolaattota elektirikiidhaaf kennamu karoora kaffaltii isaa keessatti hir'atuuf, kun ammoo daldala Teslaa fi SpaceX biliyeenaraa kanaa irratti dhiibbaa waan geessisuuf ''mufate'' jedhan.

Ibsa waa'ee viidiyoo, Tiraamp, ''Eloniitti baayyeen aaree'' jedhan.

Kamiisa Waxabajjii 5, sa'aatii 12:19tti

Maask tamsaasa Waajjira Ovaal irraatii batalumaan deebii kenneen, dubbii Tiraamp kuffiseera.

In a post on X, Elon Musk writes: "Whatever. Keep the EV/solar incentive cuts in the bill, even though no oil & gas subsidies are touched (very unfair!!), but ditch the MOUNTAIN of DISGUSTING PORK in the bill. In the entire history of civilisation, there has never been legislation that both big and beautiful. Everyone knows this! Either you get a big and ugly bill or a slim and beautiful bill. Slim and beautiful is the way."

Kamisa Waxabajjii 5 sa'aatii 12:24tti

Tiraamp gara Waayit Hawuusitti deebii'uun, Maask ''kallattii seerichaa huna beeka'' jechuun gaazexessitootaatti kan himan yoo ta'u, ''Eloniitti baayyee aareera'' jedhan.

Kamiisa Waxabajjii 5 sa'aatii 12:25tti

Maask kun ''sobadha'' jechuun X irratti deebii kunne. ''Wixineen kun gonkumaa yeroo tokkoyyu natti hin argsiifamne. Osoo miseensi kongirasii tokkoyyuu hin dubbisiin saffiisaan halkan dukkanaatiin ragaasifame!'' jechuun barreesse.

Kamisa Waxabajjii 5 sa'aatii 12:44tti

Maask maxxansa Tiraamp durii X irratti barreesse, yeroowwan pirezidaantichi hanqina baajata Ameerikaa qeeqan kan calaqqisiisu, irra deebi'eeqoode. "Gurbaan kun har'a eessa jira??" jechuun gaafate.

Kamisa Waxabajjii 5 sa'aatii 12:46tti

Fayyadamaa X biraatiif deebii kenneen, Maask akkas jechuun barreesse: "Osoo ana hin jiraatiin Tiraamp silaa filannoo kana ni mo'ama ture." Itti fufees akkas jedha: "galata dhabuu akkasii."

Kamisa Waxabajjii 5 sa'aatii 13:44tti

Maask X irratti ammas deemaa jira jechuun, "Labsii Guddaa Fokkisaan hanqina gara doolaara tiriliyoona 2.5tti DABALA" jechuun himate.

Barreeffama Maask X irratti barreesse

Kamisa Waxabajjii 5 sa'aa 13:49tti

Maask itti fufuudhaan, barreeffamoota durii Tiraamp X irratti waa'ee baasii mootummaa barressan eere.

Innis akkana jedhee gaafate: "Namni jechoota kana barreesse eessa jira? Qaama dachaatiin bakka bu'ee!?"

Kamisa Waxabajjii 5 sa'aatii 13:57tti

"Ameerikaa keessatti paartii siyaasaa haaraa qabatamaadhaan gidduutti %80 bakka bu'u uumuun yeroon isaa amma?" Maask X irratti sagalee akka kennan hordooftoota gaafate.

Kamiisa Waxabajjii 5 sa'aatii 14:37tti

Tiraamp waltajjii miidiyaa saa Truth Social irratti maxxansuu kan jalqaban, Maask ''obsa waan dhabeef'' Waayit Haawus keessaa bahuuf akka isa gaafate himuu, Maask ''MARAATEERA'' jechuun himatan.

Maask kana "soba ifa ta'edha" jedhee waaman.

Tiraamp barreeffama biraatiin ammoo, "Malli salphaan ittiin Baajanni keenya ittiin qusatamu keessaa tokko, Kontiraata deeggarsa Mootummaa Eloniif taasisu addaan kutuudha" jedhan.

Barreefama Donald Trump Tiruth irratti barreessan

Kamisa Waxabajjii 5 sa'aatii 15:10tti

Maask ragaa osoo hin dhiheessiin, Tiraamp "faayilota Epstiin" keessatti akka mul'atan himate. Sanadoota mana murtii fi ragaa qorattoonni yakkamaa saalqunnamtii daa'imanii kan ta'e Jeefrii Epstiin wal hidhata akka qaban eeruun.

Ergawwaan barreefamaa ergaman

Kamisa Waxabajjii 5 sa'aatii 16:06tti

Tiraamp miidiyaa hawaasaa isaa Truth Social irratti maxxansuun, "Elon natti garagaluun" akka isaan hin yaaddeesine ibsuudhaan, wixinee seeraa isaanii ittisuu itti fufaniiru.

In a post on Truth Social, Donald Trump writes: "I don't mind Elon turning against me, but he should have done so months ago. This is one of the Greatest Bills ever presented to Congress. It's a record cut in expenses, $1.6 trillion dollars, and the biggest tax cut ever given. If this Bill doesn't pass there will be a 68% tax increase, and things far worse than that. I didn't create this mess, I'm just here to fix it. This puts our country on a path of greatness. Make american great again!"

Kamisa Waxabajjii 5 sa'aatii 16:09tti

Yaada Tiraamp kontiraata mootummaan dhaabbilee Maaskii waliin qabu addaan kutuu danda'a jedhuun yaada kennaniif deebii kennaniin, Maaskiin xiyyaara hawaa Draagoon, xiyyaara gara Buufata Hawaa Idil-addunyaatti imaluuttu ''battalumatti'' hojiirraa akka dhaabu dubbatan.

Ergawwaan barreeffamaa

Kamisa Waxabajjii 5 sa'aa 16:11tti

Maaskiin ogeessa shiraa caqasuudhaan waa'ee pirezidantichaa faayiloota Epstiin irratti himannaa isaa yoo qoodu, Tiraamp aangoo irraa kaafamuu kan deeggeru fakkaata.

Kamisa Waxabajjii 5 sa'aa 16:26tti

Maask imaammata Tiraamp mallatteessan kan biraa, taarifa daldalaa isaa, X irratti maxxansuudhaan kunniin ''walakkaa bara kanaa lammaffaa keessatti kufaatii diingadee fidu'' jechuun qeeqan.

Kamisa Waxabajjii 5 sa'aa 21:27tti

Maaskiin amma deebii kannanii waan of qabaa dhufan fakkaata. Akkasi jechuun toora X irratti "hin dogoggorre" jechuun deebii kennan. Deeggaraa biliyeenaraa Tiraamp kan biraa, Biil Akmaan, kan lamaan isaanii "faayidaa biyya keenya guddittiitiif jecha nagaa buusaa" jechuun gaafate.

Ergawwaan barreeffammaa

Jimaata Waxabajjii 6, sa'aatii 08:05tti

Tiraamp gaaffii fi deebii ABC News waliin taasisaniin, Maaskiin ''nama sammuu isaa dhabedha'' jechuun ibsuun, isa waliin haasa'uuf fedhii ''akka hin qabne''himan.

Waayit Haawus BBC'tti akka himutti, erga booda bilbilaan akka mari'atan gabaafamee booda, Tiraamp har'a biliyeenara teeknooloojii kana waliin haasa'uuf akka hin yaadne himan.

Akkasumas, Michuu BBC Ameerikaa kan ta'e CBS, Tiraamp konkolaataa isaa Teeslaa, kan yeroo Maaskiin dhaabbata isaa beeksisuuf gargaaruuf yaalaa ture bitate gurguruuf yaadaa akka jiru gabaaseera.