KALLATTIIN, Misaa'elaafi diroonii Iraan itti dhukaafte Turkii, Kataar fi UAE'n qolatan

Haguuggii Tamsaasa Kallattii

1. Sa'aatii 2 duraTaphataan Maan Siitii, Rodriin birrii miliyoona 16 adabame

   

   Madda suuraa, Getty Images

   Utubaan Maanchistar Siitii Rodriin tapha Siitiin Totanhaam waliin qixa baheerratti waa'ee murteessaa taphichaa yaada kenneef birrii Itoophiyaa miliyoona 16 (£80,000) adabame.

   Taphataan garee biyyaalessaa Ispeen kuni murteessaa taphaa Roobart Joonis ''walaba'' miti jedheeeti himate.

   Waldaan Kubbaa Miilaa akka beeksisetti Rodriin tapha booda miidiyaatti yoo dubbatu dubbii ''loogii akeeku'' dubbachuu isaa amaneera jedhe.

   Kaardii diimaa 23: Tapha kubbaa miilaamoo lola jechisiise

2. Sa'aatii 2 duraKaardii diimaa 23: Tapha kubbaa miilaamoo lola jechisiise

   

   Madda suuraa, Getty Images

   Kubbaa miilaa keessa kaardiin diimaa tokkoon isaayyuu xiqqoo miti - haala taphaa, miiraafi morkiitti ibiddas, bishaanis naquu mala.

   Taphataan tokko dirree keessaa yoo bahe garee isaa miidha, morkataa isaaf akka carraatti ilaalamuus malu.

   Garuu taphattoonni 23 dirree keessaa kaardii diimaan yeroo ari'aman dhageessanii beektuu?

   Taphni taphattoonni 23 kaardii diimaan dirree keessaan bahan kan akkamiiti?

3. Sa'aatii 2 duraIraan misaa'ela jajjabaa gara Israa'elitti furguggisuu itti fufte

   

   Madda suuraa, AP

   Iraan misaa'elota hedduu gara Israa'elitti furguggisaa jiraachuu humni Ittisa Israa'el (IDF) beeksise.

   IDF Ibsa baaseen, misaa’eloota hedduu Iraan irraa gara dachee Israa’elitti dhukaafaman qolachuuf yaalaa jiraachuu eere.

   Magaalota Israa'el heddu keessatti sagaleen yeroo balaa dhageessifamaa kan jiran yoo ta'u haleellaa qilleensaa bakka hedduutti dhaga'ameera.

   Angawoonni jiraattonni gara dawoo ykn iddoo eegumsa qabuutti akka dhokatan akeekkachiisaniiru.

   Waraanni Israa’el akka jedhetti sirni ittisa qilleensaa isaa misaa’elota dhufan kana addaan kutuuf hojiirra oole.

   Erga waraanni eegalee kaasee misaa'eloonni fi dirooniin dhibbaan lakkaa'aman gara Israa'elitti dhukaafamaniiru.

   Garuu Israa'el misaa'eloota hunda qolachuu hin dandeenye.

4. Sa'aatii 2 duraUS Musliim Biraazarhuud Sudaan keessaa tarree shororokeessaa jala keesse

   

   Madda suuraa, Anadolu via Getty Images

   Ministeerri Dhimma Alaa Ameerikaa gaafa Wiixataa akka beeksiseetti garee Muslim Biraazarhud Sudaan keessaa tarree shororkeessaa jala kaa'e.

   Akkasumas, garee Shororkeessaa Biyya Alaa jedhee farrajuuf akeeke.

   Gareen kuni Sudaan keessa nagaan akka hin buunee danqaa uumuufi ilaalcha Islaamaa fiixeetti baheefi hookkara uumu hordofu jedhe galmaan gahuuf lammiilee nagaarratti hookkara hamaa uumuun himate.

   Loltoonni garee kanaa garee Eegdoota Warraaqsaa Islaamummaa Iraanirraa leenjiifi deeggarsa garagaraa argataniin lammiilee nagaa baay'ee ajjeesan jedheera ibsi bahe.

   Waraanni US - Israa'el fi Iraan waliin adeemsisaa jiran ammallee itti fufeera.

   Gareen Eegdota Warraaqsa Islaamummaa Iraan gartuu meeshaa jajjabaa hidhateef bulchiinsa aangoorra jiru tiksuuf hundaa'edha.

   Biyyoonni baay'ees tarree shororkeessaa jala ka'aniiru. Gareen kuni biyyoota garagaraatti michuu tolfateefi tumsu qaba.

   Eegdoonni Warraaqsa Islaamummaa Iraan abdattu eenyu, hangam cimaadha?

5. Sa'aatii 3 duraAmeerikaa xiyyaarota boombii gurguddaa darbatan gara Iraanitti butaa jirti

   

   Xiyyaaronni Ameerikaa boombii gurguddaan haleellaa raawwatan buufata humna qilleensaa kibba lixa Ingilaanditti argamu 'RAF Fairford' qubataa jiru.

   Sochiin xiyyaarota kanneenii Ameerikaarraa ka'uun UK qubachuu sa’aatii 72 darban keessatti dabaleera.

   Wixata kana xiyyaaronni boombii B-52 jedhaman sadii buufata UK kana qubataniiru.

   Yeroo waraanni Iraan cimaa jiru kanatti xiyyaaronni B-52 UK keessatti yeroo jalqabaaf mul’atan.

   B-52 xiyyaarota boombii gurguddaa humni qilleensaa Ameerikaa itti fayyadamudha. Jalqaba bara 1950moota keessa tajaajila kana kan eegale yoo ta'u, waraana Veetnaam fi Afgaanistaan ​​dabalatee waraana hedduu keessatti itti fayyadamamaa tureera .

   Xiyyaaronni B-52 meeshaa niwukilaraa dabalatee boombii ciccimaa lafa keessa seenun haleellaa geessisu qabatanii kan socho'an yoo ta'u, Jimaata irraa eegalee xiyyaaronni boombii Rookwel B-1 Laansar afur buufata kana gahaniiru.

   Xiyyaaronni kunneen fageenya baayyee dheeraa balali'uu kan danda'an yoo ta'u, hanga misaa'ela fageenaya dheeraa 24 fe'uus danda'u.

   US xiyyaara waraanaa haaraa raadaariin ala balali'uu fi boombii nikularaa darbatu omishte

6. Sa'aatii 4 duraKumaatamni dirreetti bahuun hogganaa olaanaa Iraan filaman deeggaran

   

   Madda suuraa, EPA

   Iraan keessatti deeggartoonni bulchiinsa biyyattii daandiitti bahuun Mojtaabaa Kaameniin hogganaa olaanaa Iraan ta'un filamuu isaaniin gammachuu ibsan.

   Suuraalee namoonni qabatanii bahanii keessaa tokko Alii Kaameniin yeroo ilma isaaniitti alaabaa Iraan dabarsanii kennan fakkaatu ni jira

   Hiogganaan olaanaa duraanii Iraan haleellaa US - Israa'eliin kan ajjeefaman yoo ta'u hanga yoonaa owwaalchi isaanii hin raawwatamne.

   AFP'n akka gabaasetti, namoonni kumaatamaan lakkaa'aman addabaabayii magaalaa guddoo biyyattii, Tehiraanitti bahuun hogganaa haaraa biyyattiif deeggarsa qaban ibsataniiru.

   Faallaa kanaan namoonni Iraan keessaa BBC'n dubbise ''abbbaarra hamaadha'' akkasumas hireen isaa kan abbaarra adda hin ta'u kan jedhan jiru.

   Yaadachiisa: Miidiyaaleen idil-addunyaa yeroo baay'ee Iraan seenaniii akka gabaasan eeyyama hin argatan, kunis odeeffannoo lafa jiru argachuu irratti qormaata ta'eera.

   Gaggeessaan Olaanaa haaraa Iraan, Mojtaabaa Kameenii, eenyu?

7. Sa'aatii 4 dura'Abbarra hamaadha' - Lammiileen Iraan waa'ee hoogganaa haaraa filame maal jedhu?

   

   Madda suuraa, Reuters

   BBC Afaan Pershiyaan namoota Iraan keessa jiranirraa hogganaa olaanaa haaraa Iraan filatameerratti yaada isaanii iyyaafachaa ture.

   Iraan hogganaa olaanaa biyyattii gochuun ilma Ayaatolaa Ali Kaamenii, Mojtabaa Kaamenii, filteetti.

   Dubartiin ganna 40 Teehiraan jiraatan Mojtaabaatiin ''abbaarra hamaa'' jedhan.

   ''Yoo lubbuun jiraate US fi Israa'el isa adamsu jedheen yaada. Hanga eda galgala filamutti namuu isa hadheessaa ture.

   ''Warra deeggartoota mootummaa malee namni isa simatu hin jiru,'' jedhan.

   Dubartiin biroo ganna 20 keessa jirtu ammoo ''abbaa caalaa abbaa irreedha,'' jette.

   ''Lola kana keessa lubbuun isaanii [aangawoota] darba jedheen abdadha, kanaan achi bulchiinsa isaa jalatti hundi keenya dhumuu keenya,'' jette.

   Nami biraa ganna 20 keessa jirummoo ''kana dura maqaa isaatuu dhagahee hin beeku'' jedhe.

   ''Tiraamp isaan waliin walii galtee raawwatemoo hin raawwanne kan jedhu amma ifa ta'a,'' jedhees dubbate.

   Gaggeessaan Olaanaa haaraa Iraan, Mojtaabaa Kameenii, eenyu?

8. Sa'aatii 5 duraTurkiin haleella misaa'ela itti dhukaafame booda tarkaanfii 'murteessaa' akka fudhattu akeekkachiiste

   

   Madda suuraa, AFP

   Ministeerri Raayyaa Ittisa Biyyaa Turkii erga misaa’elli balistikii Iraan irraa itti dhukaafame naannoo qilleensaa Turkii seenee qolattee booda naannoo biyyattii eeguuf “tarkaanfiiwwan barbaachisoo ta’an hunda” akka fudhatu ibsan.

   Ibsa ministeerichi baaseen Turkiin hariiroo gaarii biyyoota ollaa waliin qabaachuuf iddoo guddaa akka kennituu fi tasgabbii naannoo akka deeggartu eera.

   Haa ta'u malee, balaan naannoo biyyattii ykn naannoo qilleensaa biyyattii mudatu kamiifuu tarkaanfii murteessaa akka fudhatu cimsee ibseera.

   “Turkiin hariiroo ollaa gaarii fi tasgabbii naannoof iddoo guddaa kenniti,” jedha ibsichi.

   “Haa ta’u malee, balaa naannoo fi qilleensa biyyatti irratti ta'u kamiyyuu irratti tarkaanfiiwwan barbaachisoo ta’an hunda shakkii tokko malee akka fudhatan ibsa.

   Haleellaa Iraaniin Turrkiin yoo haleelamte maaltu ta'a?

9. Sa'aatii 6 duraManni wellistuu beekamtuu Rihaanaa qawweedhan haleelame - Poolisii

   

   Madda suuraa, AP

   Poolisiin akka jedhutti manni urjii muuziqaa Rihaanaa Beverly Hills Dilbata darbe dhukaasa qawweetiin rukutame.

   Qondaaltonni Kutaa Poolisii Los Angeles gabaasa dhukaasa kanaa hordofee shakkamaa tokko to'annaa jala oolchaniiru

   Qondaalli poolisii tokko CBS News' tti akka himetti, manni irratti xiyyeeffatame kan Rihaanaati. Bakka haleellaan kun itti dhaqqabeettis kan rasasi qawween keessa dhuka'e argataniiru .

   Poolisiin akka jedhutti dhukaasa kanaan namni miidhame hin jiru . Rihaanaa yeroo sanatti mana sana keessa akka turte maddi nageenyaa tokko gaazexaa Los Angeles Times'tti himeera.

   Qorattoonni akka jedhanitti shakkamtuun kun dubartii ganna 30 keessa jirtu , konkolaataa manaa i dhaabdee dhukaasa torba gara manaatti dhukaastee deemte.

   Boodarra poolisiin konkolaataa ishee hordofuun to'annoo jala oolche. Angawoonni hanga ammaatti eenyummaa ishee fi maalif haleellaa kana raawwachuu akka barbaadde hin ibsine.

   Rihaanaa dhiheenya kana bara darbe Fulbaana keessa mucaa ishee sadaffaa , intala, raapper A$AP Rockii waliin godhataniiru. Isaan dura ijoollee dhiira lamas qabu.

   Rihaanaan muuziqaa malees,agarsiisa miidhaginaa fi uffata beeksisuu keessaa maqaa gaarii horatteerti. Akka Forbes jedhamutti urjiin muuziqaa ganna 37 kun qabeenya doolaara biiliyoona 1 ol qabdi.

10. Sa'aatii 6 duraMisaa'elonni Iraan Ameerikaa ni qaqqabuu?

    

    Madda suuraa, Getty Images

    Ministirri Dhimma Alaa Iraan Abbaas Araaghchi, misaa'eloonni biyyattii Ameerikaa akka hin qaqqabne ibsuun dubbii dhimma kanarratti Pirezidaanti Tiraamp dubbatan qeeqaniiru

    Pirezidaanti Tiraamp sababni Iraan waliin waraana keessa galaniif keessa tokko biyyattiin yeroo dhiyootti misaa’ela Ameerikaa ga’uu danda’u hidhachuu isheeti jedhan.

    Abbaas Araaghchi garuu gaaffiifi deebii buufata televijiinii Ameerikaa 'NBC News' waliin taasisaniin himannaa Tiraamp ''oduu sobaa'' jechuun kuffissian.

    “Dandeettii misaa’ela fageenya dheeraa oomishuu qabna, garuu itti yaadnee fageenya kiiloo meetira 2,000 hin caalle qofa irratti of daangeessine,” jechuun ibsan.

    Kan kana godjhaniifis “ dhaabbataa addunyaa kamiinuu akka balaatti ilaalamuu waan hin barbaanneefi'' jedhan.

    ''Amma fageenya misaa'eloota keenyaa guddisuuf karoora hin qabnu,'' jechuun cimsanii dubbataniiru.

    Ministirri Dhimma Alaa gaaffii fi deebii taasisaniinis yaada dhukaasa dhaabuu kuffisaniiru.

    Ameerikaa fi Israa’el “nama ajjeesaa jiru, barattoota dubartoota ajjeesaa jiru, hospitaala irratti haleellaa raawwataa jiru” kan jedhan Araagchi, “ummata keenyaa baraaruf jecha qabsaa’uu itti fufuu qabna” jedhan.

    Seenaa Iraan biyya Shi'aa: Bara Peershiyaa jedhamtu irraa hanga har'aatti

11. Sa'aatii 7 duraPutiin hogganaa olaanaa haaraa Iraaniin deeggarsi Tehraaniif ''qabnu hin raafamu'' jedhe

    

    Madda suuraa, Sputnik

    Pireezidantiin Raashiyaa Vilaadmiir Putiin hogganaa Olaanaa Iraan Mojtabaa Hameniif ergaa baga gammaddee dhaame. Achumaanis deeggarsi Mooskoon Tehraaniif gootu akka itti fufu mirkaneesse.

    ''Hogganaa Olaanaa Rippaablika Islaamaa Iraan ta'uun muudamuu keef hawwii gammachuu ani siif qabu hadaraakee simadhu'' jedha ergaan Putiin marsariitii mootummaa Raashiyaarratti maxxanfame.

    Hogganaan Raashiyaa kun Tehraaniif deeggarsi qabnu kan hin raafamneedha'' jedheera. Dabaluunis michoota keenya warra Iraan waliin ni dhaabbanne, hiriyyoota amanamoo keessan ta'uu mirkaneessina'' jedhe.

    Iraan wayita weerara hidhannoo ofirraa qolachaa jirtu kanatti, murtoon aangoo olaanaa kanarratti raawwattu gootummaafi murannoo guddaa kan gaafatu ta'uun shakkii hin qabu. Hojii abbaakee kabajaa olaanaan akka itti fuftu amantaan qaba. Balaa hamaa kana keessatti uummata Iraan tokkomsuufis akkasuma'' jedhe.

12. Sa'aatii 7 duraIraan Abudaabii misaayelaan rukutte, Teehraanitti dhoyinsi dhagaahame

    

    Madda suuraa, Reuters

    Magaalaa guddoo Iraan Tehraanitti dhoyinsi guddaan dhagaahame. AFPn akka gabaasetti xiyyaafannoon haleellaa kanaa maal akka ta'e ammatti adda bahuu baatus, sagaleen dhuka'aa guddaan dhagaahamuu gabaaseera.

    Gama kaaniin haleellaan misaayelaa Iraan gara UAE raawwatte qilleensarratti qolatamuu booda caccabaansaa namoota lama miidhuun gabafameera. Misaayelli qolatame bakka adda addaa lamatti lafa dhaye.

    Sirni ittisa qilleensaa biyyatti haleellaa raawwate qolachuu dameen miidiyaa biyyattii ibseera. Ministirri Ittisaa UAE haleellaawwan dirooniifi misaayelaa Iraaniif deebii akka kennu ibseera.

13. Sa'aatii 8 duraGiddu-galeessa Israa'elitti namni tokko misaayelaan ajjeefame

    

    Madda suuraa, Reuters

    Giddu-galeessa Israa'elitti namni tokko misaayelaan ajjeefame.

    Haleellaa misaayelaa Iraan iddoo ijaarsaa Giddu-galeessa Israa'el keessatti namni tokko yoo ajjeefamu tokko immoo akka malee madaawuu ittisni balaa Israa'el beeksise.

    Namni tokko immoo bakka biraatti haleellaa caccabaa misaayelaan raawwatamee hospitaala seene.

14. Sa'aatii 8 duraIsraa'el akkuma dhaadatte hogganaa haaraa Iraan Mojtabaa Kaameenii irratti tarkaanfii fudhachuu dandeessii?

    Maxxansa YouTube irra dabri

    Qabiyyee Google YouTube hayyamtaa?

    Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Google YouTubeimaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.

    Accept and continue

    Hubachiisa: Qabiyyee marsariitiiwwan alaatiif BBCn itti gaafatamummaa hin fudhatu. YouTube beeksisa qabaachuu danda'a.

    Xumura maxxansa YouTube

    Amma hoogganaan biyyattii Ayaatollaa Mojtabaa Kaameenii ta’eera.

    Namni kun osoo doorsisi Ameerikaa fi Israa’el hammaatee jiruu filatame.

    Ameerikaa fi Israa’el ammallee walin ta’uun Iraan irratti warana cimsaniiru.

    Iraanis gamasheen humnoota kunneen ofirraa qolachuuf misaa’elootaa fi diroonii dhukaasaa jirti.

    Filatamuun Ayaatollaa Mojtabaa Kaameenii Ameerikaa fi Israa’eliif ergaa dabarsu qaba.

    Inumaa Pirezidant Tiraamp adeemsa filannoo kana keessatti qooda fudachuu akka qabu himeera.

    Erga filatamuun Ayaatollaa Mujtabaa dhagahamee ammoo mufachuun yaada kenneera.

    Filannoo kana booda yaadonni gamaa gamanaa kennamaniiru.

15. Sa'aatii 8 duraGuyyaa 10ffaa waraanaatti taatewwan ijoo Baha Giddugaleessaa

    

    Madda suuraa, Reuters

    • Gatiin bob'aa jikitaa barmeela tokkoo bara 2022 as yeroo jalqabaatiif dolaara 100 caale. Donaald Tiraamp immoo nagaa addunyaatiif "gatiin kun xiqqoodha" jedhe.
    • Chaansilariin UK Raachel Riivs marii ministiroota Garee Biyyoota Badhaadhan 7 (G7) har'a waaree booda daballii gatii boba'aa dabalatee dhimmoota dhiibbaa waraanaa irratti mari'aturratti ni hirmaatu jedhame.

    • Kooriyaan Kibbaa waggoota 30 keessatti yeroo duraatiif gatii peetroliyemii daangessite.
    • Gumii hayyoota amantaa Iraan Mojtaabaa Khaameenii abbaa isaa bakka buusuun hoggana olaanaa biyyattii godhee filate.

    • Biyyoota Galoo Galaanaa keessatti dho'iinsi itti fufe. Baahireen keessatti yoo haleellaa dirooniitiin namoonni 32 madaawuu miidiyaan mootummaa biyyattii hime.
    • Humni waraanaa Israa'el haleellaa halkan edaa Iraan keessatti fudhachaa buluu beeksise. Haleellaan kun buufataalee misaayelaa fi bu'uuraalee kaaan irrratti xiyyeeffachuu beeksise. Humni waraanaa Israa'el torban darbe haleellaawwan 3,400 ta'an Iraan keessatti raawwachuu hime.
    • Haleellaa eda Iraaniin raawwatameen Israa'el dubartiin takka caccabaa misaayelaan madoofte jedhe Ittisni balaa Israa'el beeksise.
    • Loltuun Ameerikaa torbaffaan du'uu barame. Loltuun kun Sa'ud Arabiyaatti rukutame jedhame.

16. Sa'aatii 9 duraDaawwadhaa: Haleellaa irratti raawwatameen kuusaan boba'aa Baahireen gubate

17. Sa'aatii 9 duraSa'uudii fi Paakistaan akkaataa humna waloo qaban fayyadamuun ''haleellaa Iraan'' ittisanirratti mari'atan

    

    Madda suuraa, SAUDI DEFENSE MINISTER/X

    Ministirri dhimma alaa Sa'uudii Arabiyaa hoogganaa waliigalaa humna waraanaa Paakistaan waliin ''haleellaa Iraan'' isaanirratti raawwataa jirtuu fi humna waloo qaban fayyadamuun akkamiin ofirraa ittisuu akka danda'an irratti dubbachuu ibseera.

    Akkaataa waliigalaa humna waraanaa biyyoonni lameen qaban kanaan ''haleellaan biyya tokkorratti raawwatamu akka haleellaa biyya lameenirratti raawwatameetti,'' fudhatama.

    Miidiyaaleen Sa'uudii gariin mariin aanga'oota biyyoota lameenii kun ''humna waloo kana hojiitti galchuuf qophaa'uusaanii agarsiisa'' jechuun gabaasaniiru.

    Hoogganaan waliigalaa humna waraanaa Paakistaan Leftenaant Jeneraal Asim Munir gara magaalaa guddoo Sa'uudii Arabiyaa, Riyaad, imaluun ture kan Ministira ittisaa Sa'uudii Arabiyaa Ilma Mootii Kalild bin Salmaan waliin mari'atan.

    Biyyoonni lameen Fulbaana 2025 ture waliigaltee humna waraanaa waloo kan mallatteessan.

    ''Haleellaan biyya tokkoo akka haleellaa biyyoota lameenirratti raawwateetti ilaalama'' kan jedhu waliigaltee kana keessa jira.

    Waliigalteen Sa'uudii fi Paakistaan kun erga Israa'el maqaa hooggantoota Hamaas adamsuu jedhuun Qataar, Dohaa keessatti haleellaa raawwattee mallattaa'e.

    Kaaliid bin Salmaan qondaala Paakistaan waliin humna waloo kana fayyadamuun ''haleellaa Iraan'' Sa'uudii Arabiyaa irratti raawwataa jirtu dhaabsisuun akka barbaachisu mari'achuu ibse.

    ''Gochi Iraan kun nageenya naannawa kanaa tuffachiisa,'' kan jedhe qondaalli waraanaa Sa'uudii kun, ''warri Iraan dogoggora akkanaarraa of qusacchuu qabu,'' jedhe.

    Iraan haleellaa haaloo ba'uu wiirtuuwwan waraanaa US biyyoota Baha Giddugaleessaa keessa jiranitti raawwattuun miidhaa biyyoota kunneen irra ga'eef dhiifama gaafatteetti.

    Dhiifama Pirezidantiin Iraan Masuud Pezeshkiyaan gaafate boodas biyyattiin haleellaa raawwachuun bu'uuraalee misoomaa biyyoota Arabaa mancaasuu itti fufteetti.

18. 9 Bitooteessa 2026Kaampaaniin boba'aa Baahireen haleellaa booda waliigaltee adda kute

    

    Madda suuraa, Reuters

    Kaampaaniin boba'aa abbummaan isaa kan mootummaa Baahireen ta'e Bapco jedhamu sababa waraana Baha Jiddu-galeessaatiin hojiin oomisha boba'aa danqamuun waliigaltee adda kutuuf (force majeure) dirqamuu beeksise.

    Dhiyoo kaampaanicharratti haleellaan raawatamee ture.

    Waliigaltee adda kutuun (force majeure) kaampaanii kan jedhamu kaampaaniin tokko sababa humnasaatii ol ta'een oomisha dhaabuuf yoo dirqame tarkaanfii fudhachuu danda'u dha.

    Gatiin ka'umsaa boba'aa guyyaa har'aa dolaara 100 ol ta'eera. Kun erga bara 2022 as aballii olaanaa oomisha boba'aarratti ta'e dha.

    Sababnisaas waraanni Baha Jiddu-galeessaatti dhalate dhiyeessii boba'aa danquun geejjiba oomisha kanaa haala rakkisaa keessa galcheera, gatiisaas qaalesseera.

19. 9 Bitooteessa 2026Gareen G7 boba'aa yeroo rakkoof olkaa'ame fayyadamuurratti mari'achuuf

    

    Madda suuraa, Anadolu via Getty Images

    Biyyoonni G7 sababa waraana Iraaniin hanqinni boba'aa mudachuu fi gatiin akkaan dabaluu booda boba'aa yeroo rakkoof olkaa'an fayyadamuurratti mari'achuuf jedhu.

    Gareen kun boba'aa olkaawwatan keessaa muraasa gadhiisuun itti fayyadamuurratti mari'achuuf walga'ii ariifachiisaa waameera.

    Hooggansa kuusaa boba'aa kana olaantummaan kan qindeessu Ejensii Inarjii Idiladdunyaat (IEA) jedhamuudha.

    Miseensonni ejensichaa 32 yoo gatiin boba'aa akkaan dabalee rakkoon mudateef jedhanii ''kuusaa boba'aa yeroo balaa'' jechuun kan olkaawwatan qabu.

    Ameerikaa dabalatee biyyoonni G7 sadi kuusaa boba'aa waliin qaban baasanii fayyadamuuf akka waliigalan namoonni dhimma kanatti dhihoo jiran dubbachuu Gaazexaan Ameerikaa Financial Times jedhamu gabaaseera.

    Akka gabaasa kanaatti kuusaan boba'aa jiru walumaagalatti baarmeelii biiliyoona 1.2 ta'a.

    Aanga'oonni Ameerikaa kuufama kana keessaa boba'aan baarmeelii miiliyoona 300 hanga miiliyoona 400 ta'u akka gadhiifamu yaada dhiheessuun gabaafameera.

    Gareen G7 kora ariifachiisaa kana kan waaman wayita sababa waraana Iraan gatii boba'aa akka malee dabaleen Pirezidanti Tiraamp irratti dhiibbaa cimetti.

    Erga bara 2022 gatiin boba'aa akkaan dabaluun baarmeeliin tokko doolaara 110 ga'eera.

    Waraana US fi Israa'el irratti banan booda Iraan ulaa boba'aa addunyaa daddabarsuuf akkaan murteessaa ta'e- Ulaa Hormuz cufteetti.

    Akkasumas haleellaa raawwachaa jirtuun buufataalee oomishaa fi kuusaa boba'aa hedduu mancaasteetti

20. 9 Bitooteessa 2026Tiraamp filatamuu hoogganaa olaanaa haaraa Iraanitti hin gammadne- Fox News

    

    Madda suuraa, gett

    Pirezidantiin US Doonaald Tiraamp Iraan ilma Ayaatollaa duraanii Alii Kaameenii kan ta'e Mojtabaa Kaameenii hoogganaa olaanaa gochuu filachuu isheetti gammachuu akka hin qabne Fox News gabaaseera.

    Sagantaa Fox News irratti oduu kan dhiheessu Birayaan Kilmeed erga Iraan hogganaa olaanaa filachuu ibsitee booda Tiraampitti dubbachuu fi pirezidantichis ''itti hin gammadne'' jechuun akka deebiseef gabaase.

    Kilmeed waan Pirezidant Tiraamp waliin dubbatan bal'inaan hin ibsine, Tiraampis hanga ammaatti as ba'ee dhimma kanarratti ibsa hin kennine.

    Ayaatollaa Mojtabaa Kaameenii hoogganaa olaanaa Iraan ta'ee filatamuu irratti yoo gaafatamu ''Wanta ta'u hin ilaalla'' deebii jedhu qofa kenne Tiraamp.

    Kanaan dura Tiraamp Mojtabaa Kaameenii akka hin feenu ibsuun adeemsa filannoo Iraan keessatti qooda fudhachuu akka qabu ibsee ture.