2023 Presidency: Pásítọ̀ Tunde Bakare ní òun ṣetán láti díje du ipò Ààrẹ
Oríṣun àwòrán, Pastor Tunde Bakare
Alufaa agba ijọ Citadel Global Community Church, Tunde Bakare ti sọ pe oun yoo kede erongba oun lati dije du ipo Aarẹ ninu eto idibo ọdun 2023 lọṣẹ to n bọ.
Ninu ifọrọwerọ pẹlu BBC Yoruba, Bakare sọ pe ọjọ Aje to n bọ, iyẹn ọjọ kẹsan an, oṣu Karun un yii, ni oun yoo fi ikede naa si gbangba walia.
O ni "Lootọ ni ko tii si lawọn oju opo ikansiraẹni Instagram, Facebook ati Twitter wa, ṣugbọn pẹlu ogo Ọlọrun, eku ile yoo gbọ yoo sọ fun t'oko nitori o n bọ o n bọ, o ti wa de bayii."
- Tí mo bá di ààrẹ, ìwúrí ni màá jẹ́ fọ́mọ Nàíjíríà - Tunde Bakare
- Wo àwọn ọ̀tá tó ń da orílẹ̀èdè Nàìjíríà láàmú
- Ọ̀rọ̀ ètò ìlera Nàìjíríà ń bẹ nínú ewu, Buhari ń fọwọ́ ra àwọn agbésùnmọ̀mí lórí - Bakare, Kukah
- Mo yòǹbó Tinubu fún àṣeyọrí rẹ̀ nínú òṣèlú àmọ́ ń kò fara mọ́ ìgbé ayé rẹ̀ - Tunde Bakare
- Inú máa ń bí mí láti gbọ́ pé ẹ̀yà kan kò leè darí Nàíjíríà -Tunde Bakare
"Lagbara Ọlọrun, ni ọjọ Aje ni a oo kede erongba wa lati dije du ipo Aarẹ, gbangba yoo dẹkun, kedere yoo si bẹ wo."
Irọrun ni ijọba mi yoo ba de fun araalu - Bakare
Ni ti ohun to yẹ ki awọn araalu maa reti ninu ijọba Bakare to ba jawe olubori ninu eto idibio naa, Bakara sọ pe igba ọtun ni ijọba oun yoo jẹ faraalu.
O ni "Logo Ọlọrun, ogo Naijiria yoo pada wa, ilu yoo toro, a ko si ni ri gbogbo awọn wahala ti a n dojukọ yii mọ."
"Ara yoo rọ awọn araalu nitori Ọlọrun ọga ogo yoo tẹdo si Naijiria, yoo si fọwọ si gbogbo ohun ti a ba n ṣe."
"Ẹ jẹ ki awọn araalu lọ fọkan balẹ pe ireti to ti sọnu yoo pada wa."
- Ikú àwọn Sójà tọkọ-taya tí wọ́n gé lórí kò yẹ àwùjọ ọmọ ènìyàn rárá - Ààrẹ́ Buhari
- Ọmọ orílẹ̀èdè Lebanon tó gba 'One way' l'Eko fi ọkọ̀ fọ́ ẹsẹ̀ obìrin kan
- Ilésẹẹ́ Ọlọ́pàá ti sọ ìgbésẹ̀ tuntun tí wọ́n fẹ́ gbé nípa ẹ̀sùn àwọn tó ń ní ìbálòpọ̀ pẹ̀lú ajá
- Wo ǹkan 21 tó yẹ kí obìnrin mọ̀ nípa ojú abẹ́ rẹ̀, Vagina
- Ọlọ́run mi ló ní kí n bèèrè fún N310,000 lọ́wọ́ àwọn ọmọ ìjọ mi láti kó wọn lọ sí ọ̀run - Pásítọ̀ Noah Abraham
- Gueterres, Ìrìn asán ni ìrìn rẹ, tó o bá bẹ àwọn ibi tí Fulani ti n ṣe ọṣẹ́ ní Nàìjíríà- Akintoye
- Fayemi ní òun ṣetán láti gbéná wojú àwọn alágbára tí kò jẹ́ kí Nàìjíríà tẹ̀síwájú
- Àwọn òníṣòwọ àti ìjọba yóò má a san owó kí wọn ó tó le lo Twitter - Elon Musk
- Leke Adeboye àti ọ̀pọ̀ ọmọ ìjọ RCCG ń ṣèrántí ikú Dare Adeboye lẹ́yìn ọdún kan
Ta ni Tunde Bakare?
Wọn bi alufaa naa ni ọjọ kọkanla, oṣu Kọkanla, ọdun 1954, ọmọ ilu Abeokuta si ni.
Oun ni pasitọ agba ijọ Citadel Global Community Church.
Kii ṣe igba akọkọ ti Bakarea yoo gbiyanju lati dije du ipo Aarẹ Naijiria ree, amọ awọn igbiyanju naa lo fori ṣopan ṣaaju.
Lọdun 2011, Bakare ni oludijde sipo igbakeji Aarẹ Naijiria, ti Aarẹ Muhhamadu Buhari si du ipo Aarẹ lọdun naa lọhun, amọ wọn ko jaweolubori.
