Akure kidnapping: Ajínigbé jí ọmọ ìyá méjì gbè nínú ọkọ̀ ìyá wọn nílùú Akure
Oríṣun àwòrán, ndtv
Awọn ajinigbe ti ji awọn ọmọdebinrin meji kan gbe lọ lakata iya wọn niluu Akure.
Iṣẹlẹ naa waye ni nnkan bi aago mẹjọ aṣalẹ lagbegbe Leo lọjọ Ẹti.
Awọn ajinigbe ọhun kọlu iya awọn ọmọ naa lẹnu ọna ọgba ile wọn lasiko ti obinrin naa n ṣilẹkun abawọle, ko le wa ọkọ rẹ wọ inu ọgba ile ọhun.
- Kìí ṣe nǹkan ìtìjú pé èmi ni mò ń gbọ́ bùkátà ẹbí mi - Nkechi Blessing
- "Àrùn onígbáméjì ti pa èèyan 500 láàrín oṣù mẹ́rin"
- Ta ni yóò jẹ Ọba dá ìjà sílẹ̀, òjò làásìgbò ń sú ni Iralepo Isinkan nílùú Akure
- Nítorí owó, ọlọ́pàá obìnrin kan pa mọ̀lẹ́bí rẹ̀ márùn-ún àti ọ̀rẹ́kùnrin rẹ̀
- Àwọn agbébọn ya wọ ọgbà ẹ̀wọ̀n ní Oyo, wọ́n tú àwọn ẹlẹ́wọ̀n sílẹ̀
- Ṣé ẹ ti gbọ́ nípa bí "Flubot Malware" ṣe lè kọlu fóònù yín lójijì? - NCC
- Àwàdà kẹrí-kẹrì ni ẹ̀sùn ìgbésùnmọ̀mí tí Malami fi kan Sunday Igboho - Ilana omo Oodua
- Báwo ni orísun omi ilẹ̀ Adúlawọ̀ lọ́jọ́ ọ̀la ṣe péye tó ní ìlú àti orílẹ̀èdè rẹ-
- Ọ́ọ́físà tó lu Clement awakọ̀ Uber níbi EndSARS gba ìwé máa lọ ilé ná
- Ṣé lóòtọ́ ni Sunday Igboho ń gbowó ìgbésùnmọ̀mí lọ́wọ́ agbódegbà Boko Haram kan gẹ́gẹ́ bí Malami ṣe sọ?
Iroyin ni awọn ajinigbe naa gbe ọkọ ti wọn wa, ṣugbọn wọn gba kọkọrọ ọkọ iya awọn ọmọ naa, wọn si gbe ọkọ ọhun lọ lẹyin ti wọn fi ọkọ ti wọn gbe wa silẹ.
Alukoro ileeṣẹ ọlọpaa ipinlẹ Ondo, DSP Funmilayo Odunlami ti fidi iṣẹlẹ mulẹ fun awọn akọroyin niluu Akure.
Odunlami sọ pe wọn ti fi iṣẹlẹ naa to ileeṣẹ awọn leti, awọn akọṣẹmọṣẹ ẹka to n ri si ọrọ ijinigbe nileeṣẹ ọlọpaa si ti bẹrẹ si n wa awọn ọmọdebinrin ọhun atawọn to ji wọn gbe lọ.
Ẹwẹ, ijinigbe tii n wọnpọ ni iha Iwọ Oorun Naijiria lẹnu ọjọ mẹta yii, bo tilẹ jẹ pe ikọ ẹṣọ alaabo Amọtẹkun ṣiṣẹ takun-takun lori eto abo.
Loṣu to kọja, eeyan mejila to n rinrinajo ko sọwọ awọn ajinigbe lopopona Ifira-Akoko si Idoani.
Bẹẹ naa ni wọn tun ji alukọ fasiti Adekunle Ajasin kan gbe lọ ninu oṣu ti a wa yii loju ọna marosẹ Akure si Ado Ekiti.
Bakan naa ni awọn ajinigbe tun kọlu eeyan mẹrin ninu ẹbi kan naa.
Lara awọn eeyan naa ni baba, awọn ọmọ rẹ meji ati ẹnikan ninu mọlẹbi wọn wa lagbegbe Iju-Itaogbolu, ni ipinlẹ Ondo yii kan naa.
