Rosemary Ndlovu: Nítorí owó, ọlọ́pàá obìnrin kan pa mọ̀lẹ́bí rẹ̀ márùn-ún àti ọ̀rẹ́kùnrin rẹ̀

Titi ti igbẹjọ rẹ fi pari, ni Rosemary Ndlovu sọ pe awọn ẹlẹri n parọ mọ oun ni

Oríṣun àwòrán, AFP

Àkọlé àwòrán, Titi ti igbẹjọ rẹ fi pari, ni Rosemary Ndlovu sọ pe awọn ẹlẹri n parọ mọ oun ni

Ile ẹjọ ti sọ pe obinrin kan to jẹ ọlọpaa tẹlẹ, Nomia Rosemary Ndlovu jẹbi ẹsun pipa mọlẹbi rẹ marun-un ati ọrẹkunrin rẹ.

Laarin ọdun 2012 si 2018 lo pa awọn mẹfẹẹfa pẹlu iranlọwọ agbanipa.

Idi to si fi pa wọn ni pe ko le gba owó ti ileeṣẹ adojutofo ẹmi yoo san fun ẹbi ẹni to ba ku.

Nomia Ndlovu ti fi igba kan jẹ ọlọpaa orilẹ-ede South Africa.

Ọwọ pada tẹ ẹni ọdun mẹrindinlaadọta ọhun lẹyin to tun gbe agbanipa miran lati ba a pa aburo rẹ obinrin, lọ si ileeṣẹ ọlọpaa.

Àkọlé fídíò, Ogogo wá sí iléèwé wa, mo kéwì fún un ló sọ mi di èèyàn ńlá lórí ayélujára - Akinwumi Akewi

Bakan naa ni ile ẹjọ sọ pe Ndlovu tun jẹbi igbiyanju lati pa iya rẹ, Maria Mushwana, to si tun ṣe mago-mago owo lati ileeṣẹ adojutofo, lẹyin to ti ko 1.4m Rand ($95,000) owo orilẹ-ede South Africa sapo.

Lasiko igbẹjọ rẹ to waye fun oṣu mẹta, agbẹjọro ijọba ṣalaye pe niṣe ni Arabinrin Ndlovu ṣeto adojutofo fun awọn ẹbi rẹ ko to pa wọn.

Ibatan rẹ, Madala Homu, lo kọkọ pa ninu oṣu Kẹta, ọdun 2012.

Skip Èyítí A Ń Kà Jùlọ and continue reading
Èyítí A Ń Kà Jùlọ

End of Èyítí A Ń Kà Jùlọ

Lẹyin naa lo pa aburo rẹ, ko to pa ọrẹkunrin rẹ, ati ọmọ aburo rẹ mẹta.

Oṣu Kinni, ọdun 2018, lo pa ẹni to pa kẹhin, Brilliant Mashego.

O ma n gba agbanipa ni fun awọn to ba fẹ pa, ṣugbọn lọdun 2013, fun'ra rẹ lo fun aburo rẹ Audrey Somisa Ndlovu, ni majele jẹ ko to fun un lọrun pa.

Ṣé ẹ ti gbọ́ nípa bí "Flubot Malware" ṣe lè kọlu fóònù yín lójijì? - NCC

Àwọn agbébọn ya wọ ọgbà ẹ̀wọ̀n ní Oyo, wọ́n tú àwọn ẹlẹ́wọ̀n sílẹ̀

Ọ́ọ́físà tó lu Clement awakọ̀ Uber níbi EndSARS gba ìwé máa lọ ilé ná

Àwàdà kẹrí-kẹrì ni ẹ̀sùn ìgbésùnmọ̀mí tí Malami fi kan Sunday Igboho - Ilana omo Oodua

Àkọlé fídíò, 'Mi ò yàtọ sí Krìstẹni tàbí Mùsùlùmí tóun náà da ẹsìn rẹ pọ mọ jíjẹ Dokita, Babaláwo Dókítà l'èmi'

Opin de ba ipaniyan rẹ lẹyin to gbe iṣẹ fun ẹnikan lati tun ba a pa aburo rẹ miran ati ọmọ rẹ marun-un, ni oṣu Kẹta, ọdun 2018.

Ṣugbọn ọkunrin to gbe iṣẹ naa fun un sọ fun awọn ọlọpaa. Eyi si lo mu ki wọn o dẹ pakute fun, ti wọn fi ni akọsilẹ ohun rẹ bo ṣe n gbeero lati pa awọn ibatan rẹ naa.

Ninu fọnran ohùn naa ni wọn ti gbọ ti Ndlove n sọ bo ṣe fẹ ki wọn o dana sun awọn mẹfẹẹfa laaye ninu ile wọn, to si tun sọ pe "oun nilo owo ti oun yoo gba lori wọn".

O ti kọkọ sọ nile ẹjọ pe oun ko jẹbi, to si ni irọ ni awọn aadọta ẹlẹri ijọba n pa mọ ọ.

Ṣugbọn agbẹjọro ijọba, Riana Williams, ṣafihan awọn ẹri to fi ibaṣepọ rẹ han pẹlu ọpọlọpọ awọn to pa ṣaaju iku wọn, ati anfaani to jẹ lẹyin rẹ.

Ẹri fihan pe Ndlovu lo ṣaba ma n ri wọn kẹhin ki wọn o to ku, tabi ko jẹ ẹni akọkọ to ṣakiyesi pe wọn di awati.

"Orukọ ara rẹ lo fi silẹ ninu iwe adojutofo gẹgẹ bi ẹni ti yoo jogun, ko le ba ri owo lori owo adojutofo ẹni to ku, ati owo isinku."

Oṣu to n bọ ni wọn o ṣe idajọ rẹ nile ẹjọ.