UEFA Champions League: Ó di gbéré! Messi ṣekú pa Man United pẹ̀lu 3-0
Oríṣun àwòrán, Getty Images
Ajẹtun iya ni ikọ Manchester United jẹ lọwọ Barcelona ninu idije UEFA Champions League.
Elegee ara Lionel Messi lo fimu Man U danrin lẹyin to gba goolu meji sawọn labala akọkọkọ ifẹsẹwọnsẹ ọhun ni papa isẹre Nou Camp.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post
Adilemu fun Man U Ashley Young lo gba bọọlu lẹsẹ rẹ lẹyin naa lo tun ge agbabọọlu Man U meji mii ko to gbayo naa sawọn.
Messi yẹyẹ aṣọle Man U fun goolu ẹlẹẹkeji to gba wọ le lẹyin ti David De Gea mu amubọ.
Phillipe Coutinho fi ọba le fun Barcelona lẹyin to gba goolu aramọnda wọ le eleyi to jẹ goolu kẹta ti Barca gba sawọn.
Oríṣun àwòrán, Getty Images
Ni bayii ẹgbẹ agbabọọlu Barcelona yoo koju Liverpool tabi FC Porto ni ipele to kangun si aṣekagba idije Champions League
Oríṣun àwòrán, Getty Images
Ninu ifẹsẹwọnsẹ keji to tun wa lalẹ oni bakan naa, Cristiano Ronaldo gba goolu wọ le fun ikọ Juventus.
Ọmi ni wọn ta ni ipele akọkọ ere bọọlu ọhun nitori ẹgbẹ agbabọọlu Ajax dayo ti Ronaldo gba wọ le pada.
Ronaldo ati Juventus fidi rẹmi nitori Ajax lo jawe olubori pẹlu ami ayo si ẹyọkan ni papa iṣere Juve.
