Arewa ní ó yẹ́ kí ìjọba Amẹ́ríkà fi ọ̀rọ̀ Abba Kyari tó aláṣẹ Nàíjíríà létí kó tó lọ sílé ẹjọ́
Oríṣun àwòrán, others
Agbarijọpọ ẹgbẹ bii mejilelaadọta to jẹ ẹgbẹ ọmọ bibi ẹkun ariwa Naijiria to wa labẹ aburada ẹgbẹ Arewa ti kọwe si ijọba ilẹ Amẹrika lori ẹsun to fi kan Abba Kyari.
Bẹẹ ba gbagbe, gbajumọ afurasi gbajuẹ, Ramoni Abass, ti wọn tun n pe ni Hushpuppi lo ka orukọ ọga ọlọpaa, Abba Kyari, gẹgẹ bi ara awọn eeyan to na ninu owo jibiti miliọnu kan ati ẹgbẹrun lọna ọgọrun dọla to lu ẹnikan ni Dubai.
Ẹ́gbẹ Arẹwa naa wa n kesi ijọba ilẹ Amẹrika lati ri daju pe ko segbe rara ninu iwadi tileesẹ ọlọpaa rẹ, FBI n se lori Abba Kyari.
- Hushpuppi ló fi àwọn 'messages' orí fóònù rẹ̀ hàn FBI tí wọ́n fi rí àrídájú lórí ìwà gbígba àbẹ̀tẹ́lẹ̀ tí Abba Kyari hù
- Orí kó ọmọ ọdún mẹ́ta tí wọ́n gbé sọnù sínú gọ́ọ́tà ní Ondo yọ lọ́wọ́ ikú
- Ọwọ́ FBI yóò tẹ Abba Kyari, òǹyẹ̀ kankan kò lè yẹ̀ ẹ́ - Femi Falana
- Ta ni Tunji Disu ti wọ́n kéde láti rọ́pò Abba Kyari?
- Wo àmí ẹ̀yẹ tí Abba Kyari tí gba gẹ́gẹ́ bí ògbóǹtagìrì ọlọ́pàá kí wọ́n tó fi ẹ̀sùn ìwà àjẹbánu kàn án
Bi o tilẹ jẹ pe ẹgbẹ naa ni oun ko di FBI lọwọ lati se iwadii rẹ amọ awọn ilana to mu wọnu iwadiii naa, lo n kọ oun lominu.
Arewa kọ akọtun iwe ẹbẹ yii si olu ileesẹ asoju ilẹ Amẹrika to wa ni Naijiria nilu Abuja eyi ti agbẹnusọ rẹ, Abdulazeez Suleiman fọwọsi.
O ni "awọn asise wa ninu ilana ti FBI gba se iwadii naa, eyi to n dunkooko mọ ominira Naijiria bii orilẹede ati ẹtọ awọn eeyan rẹ.
Bakan naa lo ni awọn asise yii tun lewu fun aamulo ilana ofin, iran ọmọniyan ati ọlaju tawn eeyan ilẹ amẹrika n duro le lori.
Awọn asoju ẹgbẹ ajafẹtọẹni marun si lo tun buwọlu iwe ẹsun naa.
Arewa ni FBI ti tasẹ agẹrẹ nipa ajọsepọ orilẹede kan si omiran pẹlu bi ko se kọkọ fi ọrọ naa to ileesẹ asoju ilẹ Naijiria to wa ni Amẹrika leti.
Bakan naa lo ni ko ba tiẹ dara ko tun kan si ijọba Naijiria pẹlu ko to di pe o n gbe ọrọ naa lọ sile ẹjọ, to si di ariwo.
