Adebimpe Oyebade and Lateef Adedimeji: Ẹlẹ́tàn ni ọkùnrin, wọn kò ṣe é gbáralé

Ggbajugbaja oṣere Nollywood, Adebimpe Oyebade, ti kegbare sita pe ẹlẹtan ni awọn ọkunrin.

Nibu ọrọ kan to kọ soju opo ayelujara Instagram rẹ lo ti n beere lọwọ awọn ololufẹ rẹ pe, ki lo maa n mu ki awọn ọkunrin yi iwa wọn pada si obinrin ti wọn n fẹ, lẹyin ti ibalopọ ba ti waye laarin awọn mejeeji.

O ṣalaye pe kii ṣe obinrin nikan lo ma n ṣe oju meji tabi jẹ ọdalẹ ninu irinajo ifẹ, o ni ati ọkunrin ati obinrin lo ni iwa yii lọwọ.

O tọka si bi oriṣiriṣi ọkunrin ṣe ma n yi iwa pada si obinrin, ti obinrin naa ko si ni ri oju wọn nilẹ mọ, lẹyin ti ọwọ ọkunrin bẹẹ ba ti tẹ nkan to n wa ninu irinajo ifẹ naa.

Ọrọ naa waye lori fidio kan to fi sita, ninu eyi ti oun ati akẹẹgbẹ rẹ, Adedimeji Lateef, ti ṣe ere kekere kan, ninu eyi ti awọn mejeeji ti jẹ ololufẹ.

Ninu fidio naa, to jẹ apa kẹrin eto kan ti Adebimpe ma n ṣe, lo pe akori rẹ ni 'DiaryOfAnAfricanWoman EP 4 - MEN ARE SCUM'.

Ninu fidio naa, awọn mejeeji fẹran ara wọn pupọ, ṣugbọn lẹyin asiko diẹ, Lateef ko gbe ipe Adebimpe mọ lori foonu.

Àwọn iròyin tì ẹ leè ní ìfẹ̀ síí:

Ibalopọ to ti waye laarin wọn di oyun, amọ niṣe ni Lateef kọ lati gba oyun, to si sọ fun Adebimpe pe, awọn obi oun ko faramọ ki awọn fẹra gẹgẹ bi ọkọ ati iyawo.

Adebimpe beere pe ,ki lo de ti awọn ọkunrin kan ma n tan obinrin, nigba ti wọn mọ pe awọn ko ni erongba lati fẹ ẹ sile?

O ni ti ọkunrin ba ṣẹṣẹ n fẹ obinrin, o ma n fi aaye silẹ lati wa pẹlu rẹ, ṣugbọn to ba ti kọja lara rẹ tan, aye lati rira ko ni i si mọ.

O wa sọ fun awọn ọkunrin pe, ki wọn yi iwa pada, ki wọn o ṣe obinrin bi wọn ba ṣe fẹ ki ọkunrin mii ṣe si ọmọ wọn obinrin.