Ṣé ẹ̀ṣẹ̀ ni láti pa òwe bú ààrẹ̀ báyìí? Wo òwe tí akọ̀ròyìn kan pa tí wọ́n fí sọ ọ́ sí gbaga

Ileẹjọ kan lorileede Turkey ti ni ki wọn fi gbajugbaja akọroyin Sedef Kabas si ahamọ lori ẹsun pe o bu aarẹ ilẹ naa.

Lọjọ Abamẹta ni wọn mu ni Istanbul ti adajọ si paṣẹ pe ki wọn fi si ahamọ ṣaaju igbẹjọ rẹ.

Wọn fẹsunkan pe o fi owe tabuku aarẹ lori eto kan lori afẹfẹ nileeṣẹ amounmaworan ti o niṣe pẹlu ẹgbẹ alatako.

Arabinrin yi sọ pe oun ko jẹbi ẹsunti wọn fi kan an.

Ẹwọn ọdun kan si mẹrin lo le ṣe ti ileẹjọ ba da lẹbi ẹsun yi.

Ki ni owe to pa yi gaan an

Gbogbo wa naa la mọ pe owe lẹṣin ọrọ, ọrọ si ni ẹṣin owe.Ọpọ igba lawọn sọrọsọrọ a maa fi owe kin ọrọ lẹyin.

Bo ṣe ri ni liki bẹẹ naa lo ri i gbanja lorileede Turkey.

Owe ti wọn sọ pe o pa ati ọrọ to fi gbe lẹyin ni pe''Nilẹ wa Turkey, owe kan wa to sọ pe ori ade a maa gbọn si ni.Ṣugbọn a ri pe ọrọ yi ko ri bẹ''

''Bi maalu ba wọ inu aafin eyi ko ni ko di ọba.Kaka bẹẹ, aafin a maa di ile ta ti n sin ẹran ni''

O pada tun fi ọrọ yi soju opo rẹ ni Twitter.

Agbẹnusọ aarẹ Erdogan, Fahrettin Altun ṣapejuwe ọrọ rẹ gẹgẹ bi eleyi ti ko bojumu.

Loju opo rẹ ni Twitter o sọ pe ''Niṣe ni akọroyin kan n bu aarẹ wa loju opo tẹlifisan ti wọn ko ni iṣẹ mii ju ki wọn maa se itankalẹ ọrọ inunibini''

Ninu ọrọ rẹ to kọ ni ile ẹjọ, arabinrin Kabas sọ pe kii se erongba oun lati tabuku aarẹ.

Ki lawọn akọroyin ilẹ naa sọ nipa iṣẹlẹ yi

Olootu ileeṣẹ iroyin Tele1 channelMerdan Yanardag ti bẹnu atẹ lu bi wọn ṣe mu arabinrin Kabas

''Bi wọn ṣe sọ si ahamọ ni ago meji ooru nitori owe ko ba oju mu rara.Ọna ati fi gaga di akọrọyin ati awujọ lẹnu leleyi jẹ''

Ọdun mọkanla ni Ogbẹni Erdogan lo nipo olootu ijọba ko to di aarẹ lọdun 2014

Iṣọwọ bo ṣe n pa awọn alatako lẹnu mọ n kọ awọn eeyan lagbaye lominu eleyi to mi ki ọrọ ma gunrege laarin Turkey ati ajọ EU.

Ọkẹ aimọye eeyan ni wọn ti fẹsun kan pe wọn bu aarẹ lati igba to ti de ori alefaa.

Lọdun 2020 iwadii to le ni ẹgbẹrun mọkanlelọgbọn to ni ṣe pẹlu ẹsun yi ni wọn dawọ le gẹgẹ bi ileeṣẹ iroyin Reuters ṣe jabọ.