Olusegun Obasanjo: Ààrẹ àná orílẹ́èdè Nàìjíríà ní òun ò lè padà sí ẹgbẹ́ òṣèlú PDP mọ́ láyé
Oríṣun àwòrán, @Ayu
Aarẹ orilẹede Naijiria tẹlẹ ri, Oloye Olusegun Obasanjo ti ṣalaye fawọn eekan ẹgbẹ oṣelu PDP ti wọn ṣepade pọ pẹlu rẹ pe oun ko le pada sinu ẹgbẹ naa mọ laye.
Obasanjo sọrọ yii nigba ti alaga gbogbogbo PDP, Iyorchia Ayu ati awọn gomina tẹlẹ ri mẹrin to fi mọ awọn ọmọ ẹgbẹ igbimọ amuṣẹya PDP kan si i nile rẹ niluu Abeokuta lọjọ Abamẹta.
Peter Obi, gomina Anambra tẹlẹ ri, Sule Lamido, Jigawa, Olusegun Mimiko Ondo, Liyel Imoke Cross River ati Donald Duke ti ipinlẹ Cross River bakan naa lo kan si Obasanjo nile rẹ.
- Ẹ̀tànjẹ lásán ni ètò ààbò tí Tinubu ní yóò dára tí òun bá di ààrẹ Naijiria - Afenifere
- Ọlọ́pàá dá àwọn èrò tó fẹ́ dáná sun iléẹ̀kọ́ Hanifa dúró, ìjọba Kano gbé iléẹ̀kọ́ náà tì pa
- Wo bí àbẹ̀wò ọjọ́ méjì tí Aarẹ Buhari ṣe sí Kaduna yóò ṣe lọ
- Ọmọ ọdún 14 gún ara rẹ̀ pa lẹ́yìn tí okùnrin ẹni ọdún 35 fi ipá balòpọ̀
- Ọlọ́pàá Oyo bẹ̀rẹ̀ kán lu ìgbó láti wá àwọn ajínigbé lópópónà Lagos-Ibadan Expressway
Kini Obasanjo sọ?
Ó doódì! Mi ò lè padà sí ẹgbẹ́ òṣèlú PDP mọ́ láyé- Obasanjo yarí
''Mi o ṣe oṣelu mọ, ko si si ohun to le dami pada sinu oṣelu.
Ẹnikẹni to ba nilo amọran tabi itọsọna lati ọdọ mi le wa, maa fi tayọ tayọ gba iru ẹni bẹẹ ni imọran.
Mo wa fun gbogbo nkan to ba le mu ilọsiwaju ba orilẹede Naijiria.
Obasanjo salaye pe: N ko le gbagbe PDP laye ninu ohun gbogbo ti mo ba ṣe, tori ẹgbẹ PDP lo gbemi wọle ibo aarẹ lẹẹmeji.
Lati ọjọ ti mo ti fa kaadi ọmọ ẹgbẹ PDP mi ya ni mo ti dagbere fun ẹgbẹ naa gẹgẹ bi ọkan lara ọmọ ẹgbẹ.
Ọjọ naa ni pinnu lati ma darapọ mọ ẹgbẹ oṣelu kankan mọ,''
Aarẹ ana Naijiria sọ fun Ayu pe ẹru iṣoro PDP ati ti Naijiria lo wa lejika rẹ, o si gbadura fun un pe Eledua yoo fun un lọgbọn lati gbe ẹru naa.
- Níbo ni ìbọn 178, 549 wọlẹ̀ sí níléeṣẹ́ ọlọ́pàá Nàìjíríà?
- Oníbárà tí a bá mú lẹ́sẹ̀ títì yóò sùn ẹ̀wọ̀n- ìjọba Ìpínlẹ̀ Kwara
- Yíyọ ìkúnpá orí epo bẹntiróòlù lásìkò yìí yóò fi kún ìṣẹ́ àti òṣì eèyàn Nàìjíríà ni- Abdulsalami
- Èèyàn 17 kú, 60 farapa níbí ìbúgbàmù kan tó wáyé ní ìlú Bogoso
- Owó ẹjọ́ Makinde dá wàhálà sílẹ̀ láàrín àwọn adárí káńsù lásíkò Ajimobi l'Oyo
- Mínísítà fí ìkìlọ síta lẹyìn tí òjò àrọ̀rọ̀dá àti àrá sán pa èèyàn 82
Esi wo ni Ayu fi da Obasanjo lohun?
Ninu ọrọ tiẹ, Ayu sọ fun Obasanjo pe ''ti o ba fi PDP silẹ, ẹjẹ PDP ko le kuro lara rẹ.
Ẹgbẹ oṣelu PDP yoo si maa tọ ọ wa fun amọran gẹgẹ bi baba loore koore.''
Obasanjo jẹ aarẹ alagbada orilẹede Naijiria labẹ asia ẹgbẹ oṣelu PDP laarin ọdun 1999 si ọdun 2007.
