Wo bí Lukman ti ẹbí gbé òkú ìkókó fún pé kó bá wọn sin ín ṣe gbẹ̀yìn ẹ̀bi lọ bẹ́ orí òkú ọmọ náà
Boroboro ni baale ile kan ti wọn pe orukọ rẹ ni Kushimọ Lukmọn n ka laarọ oni, ọjọ Iṣẹgun, lẹyin to ge ori oku ọmọdekunrin kan ni itẹku, pẹlu erongba lati ta a fun etutu owo.
Gẹgẹ bi iroyin to tẹ BBC YORUBA lọwọ laipẹ yii, wọn ni awọn obi ọmọ naa lo gbe oku rẹ wa fun Lukmọn, ẹni to n ṣiṣẹ alaabo ni itẹku MABOD to wa ladugbo Oke-Yidi si Abule-Ọlọni niluu Abẹokuta lọjọ Aje, ni ana.
Wọn ni iwaju awọn obi ọmọ yii ni Lukmọn ti sin in ni nnkan bi agogo meje irọlẹ ọjọ Aje, ọjọ karundinlọgbọn, oṣu ti a wa yii.
- Mo ti gbà báyìí pé ohun gbogbo tó n dán kọ́ ni wúrà - Olori Badirat Adeyemi
- Óṣe! Àwọn ọmọdé mẹ́rin pàdánù ẹ̀mí wọn bí wáyà iná ṣe já lé wọn lórí
- Wo ohun tó yẹ kó mọ nípa Baràá ibùgbé ìkẹyìn Aláàfin Olayiwola Adeyemi
- Àwọn olùdíje sípò Ààrẹ lẹ́gbẹ́ òṣèlú PDP túká, ìmọ̀ràn wọn ṣọ̀tọ̀ọ̀tọ̀
- Ìyànjẹ ni fún ọmọ Naijiria tí mo bá fẹ̀yìntì báyìí- Osinbajo
- Àwọn ènìyàn Nàìjíríà fi ìdùnnú hàn bí ìjọba ṣe ṣí àwọn ibodè mẹ́rin mìíràn
- Ẹ dáríjìn mí ọmọdé ló ń ṣe mí, mo kábàmọ́ ìwà tí mo wú - Akẹ́kọ̀ọ́ Chrisland Schools
Nnkan bi agogo mẹfa aarọ oni la gbọ pe Lukmọn lọ hu oku ọmọ naa jade, to si ge ori rẹ lati lọ ta a fun ẹni ti wọn lo bẹẹ lọwẹ ori oku.
BBC YORUBA ri i gbọ pe nibi ti Lukmọn ti n wa iyẹpẹ bo ẹya ara oku ọmọ naa to ku lawọn oṣiṣẹ eto aabo ipinlẹ Ogun ti a mọ si So-Safe Corps ti kofiri rẹ, ti wọn si lọ ba a nibẹ.
Wọn ni ṣe lo ba awọn oṣiṣẹ So-Safe Corps ọhun wọya ija nigba ti aṣiri rẹ tu si wọn lọwọ. Diẹ lo ku ko na papa bora, ṣugbọn ti wọn ko jẹ ko raaye salọ.
Latibẹ la gbọ pe wọn ti gbe e lọ si ọfiisi wọn to wa ni Oke-Ilewo niluu Abẹokuta lati fi oju rẹ han fun ọga wọn.
Bawo ni ọmọ naa ṣe ku.
A gbọ pe aisan kidinrin lo n ba ọmọ naa ja, ko to di pe awọn obi rẹ gbe e lati ilu Ibadan, ipinlẹ Ọyọ wa si ọsibitu Federal Medical Center to wa ni Idi-Aba, Abẹokuta fun itọju.
Ko din ni oṣu kan gbako ti wọn ni ọmọ naa lo ni ọsibitu FMC yii, to si jẹ pe ọjọ Aje, Mọnde ana lo pada ku.
Lati ma maa gbe oku rẹ kaakiri lo jẹ ki wọn gbe e lọ si itẹku MABOD yii lati sin in sibẹ.
Bi wọn ṣe de'bẹ ni wọn ti ri Lukmọn to n ṣiṣẹ ọlọdẹ nibẹ, ẹni to ṣeleri lati ba won sin oku ọmọ naa lẹyin ti idunadura wọ laaarin wọn.
Nnkan bi agogo meje irọlẹ la gbọ pe Lukmọn sinku ọmọ ọhun ko to di pe awọn oni rẹ gba ilu Ibadan ti wọn ti wa lọ.
Agbẹnusọ ileeṣẹ So-Safe Corps sọrọ
Ọgbẹni Mọruf Yusuf nigba to n ba BBC YORUBA sọrọ lori iṣẹlẹ yii sọ pe ẹdun ọkan lo jẹ fun ọga awọn, Sọji Ganzallo nigba to gbọ, bo tilẹ jẹ pe o.gbe oriyin fun awọn ọmọṣẹ rẹ to rọwọ to Lukmọn.
Yusuf wa jẹ ko di mimọ pe Lukmọn jẹwọ fun wọn pe Oloye kan ti wọn n pe ni Ifalonishe, ẹni ti ọpọ awọn eeyan mọ si Lanroye lo ran an oun niṣẹ naa, lẹyin adehun ẹgbẹrun lọna aadọta naira ti wọn jọ ṣe.
Yusuf sọ pe ọga awọn ti paṣẹ pe ki awọn oṣiṣẹ wọn tẹsiwaju iwadii lati ri awọn to ran Lukmọn, ẹni to n gbe ni ojule kẹsan, adugbo Abule-Ọlọni, Oke-Yidi, Abẹokuta, iyẹn nitosi itẹku naa mu, ati pe ki wọn lọ fa a le awọn ọlọpaa lọwọ.
O ni ọga ọlọpaa ipinlẹ Ogun, Lanre Bankọle ni wọn lọ fa Lukmọn le lọwọ fun iwadii siwaju si i.
Lati fi idi iroyin naa mulẹ, BBC YORUBA ba agbẹnusọ ileeṣẹ ọlọpaa, Abimbọla Oyeyẹmi sọrọ, ṣugbọn to sọ pe oun ko ti i gbọ si iṣẹlẹ naa, ati pe oun yoo ṣe iwadii, ti oun yoo si jẹ ka mọ abọ iwadii oun.
