Sunday Igboho Aide: Omiyale ni DSS rọ̀jọ̀ ibọn sí Igboho, wọ́n wá pa á ni, àmọ́ ó bọ́ lọ́wọ́ wọn
Yoruba ni ẹni to yẹ ki iku pa amọ to ba si ni fila, o yẹ ko maa dupẹ ni.
Idi ree ti ọkan lara awọn alatẹle Sunday Igboho, Ọmọọba Onaolapo Ademola Omiyale fi n dupẹ lọwọ Ọlọrun pe ẹmi rẹ ko bọ lọjọ tawọn osisẹ DSS ya bo ile Sunday Igboho.
Bẹẹ ba gbagbe, ọjọ Kinni, osu Keje ọdun 2021 ni awọn DSS kọlu ile Igboho to wa ni adugbo Soka nilu Ibadan ni deede aago kan abọ oru, ti wọn si ko awọn eeyan, ba ọpọ dukia jẹ.
- DSS 20, Sọ́jà 200 àti Babaláwo mẹ́ta ló kọlu ilé Sunday Igboho
- Sunday Igboho ń dáró èèyàn kejì tí DSS pa nílé rẹ̀
- Akọ̀ròyìn tó fi fọ́nrán ohùn Igboho síta ti wà lọ́gbà ẹ̀wọ̀n Cotonou
- Wọ́n gbé ọmọ mi tó jẹ́ Babaláwo Sunday Igboho, a kò mọ ìrìn rẹ̀ láti oṣù mẹ́ta
- Kí ló dé tí DSS kó bàńtẹ́ òògùn, ba ilé Sunday Igboho jẹ́ lái fara pa?
- Sunday Igboho, ìsáǹsá rẹ̀ kò lé sá mọ́ wa lọ́wọ́, mímú lá mú ọ - DSS fọwọ́ gbáyà
- Ilé ẹjọ́ ti gba béèlì àwọn èèyàn méjìlá tí DSS mú nílé Sunday Igboho
- "DSS, níbo ni ₦2m àti owó Euro, Dollar àti Pound Sterling tẹ kó nílé mi wà? "
- A kìlọ̀ fún Sunday Igboho pé kó dákẹ́ àmọ́ kò gbọ́, èébú ló ń bú wa - Ooni Ife
- Adájọ́ pàṣẹ pé kí DSS kó èèyàn méjìlá tó kó nílé Igboho wá sílé ẹjọ́
Nigba to n ba BBC Yoruba sọrọ lori ohun ti oju rẹ ri lọjọ naa ati ni ahamọ DSS, Omiyale ni bawọn agbofinro naa se de, ni oun ti ransẹ si iya oun pe ko fi asọ funfun sin oun.
O fikun pe oun ti n ke keu to jẹ mọ ti oku pẹlu ireti pe opin yoo de ba ẹmi oun ni alẹ ọjọ naa.
Omiyale ni awọn DSS foju kan Sunday Igboho lọjọ naa, ti wsn si da ọpọ ọta ibọn bo o amọ akọni ọmọ Yoruba nii se.
O ni awọn DSS mọọmọ wa pa Igboho lọjọ naa ni, o si yẹ ko ku amọ o papa bọ mọ wọn lọwọ.
Nigba to n salaye ohun ti oju rẹ ri ni ahamọ DSS ki wọn to gba oniduro wọn, Omiyale ni irẹsi ti ko jinna, lai si iyọ tabi ata ni awọn n jẹ.
O tun ni ọbẹ dudu to da bii ọili mọto ni wọn fi n se ọbẹ ti awọn n jẹ, bẹẹ ni otutu ikọlu DSS naa ko si ti kuro ni ara oun rara.
