Sunday Igboho; Irọ́ ńlá ní pé mo wà ní àtímólé DSS, ilé mí ní Ibadan ní mo wà
Oríṣun àwòrán, sunday_igboho1/Instagram
Ajijagbara fun ilẹ Yoruba, Sunday Igboho ti ni ko si otitọ ninu iroyin ẹlẹjẹ to n lọ kaakiri wi pe Ikọ ọtẹlẹmuyẹ DSS ti mu oun si atimọle.
Ninu ifọrọwanilẹnu ti agbẹnusọ rẹ, Olayomi Koiki se fun loju opo Facebook rẹ, ni Sunday Igboho ti bu ẹnu atẹ lu iroyin ẹlẹjẹ ọhun.
Iroyin naa ko si ṣẹyin bi awọn ikọ ọtẹlẹmuye DSS ṣe kọlu ile Sunday Igboho, eyi to mu ẹmi meji lọ, ti ọpọ dukia si bajẹ.
Àwọn iròyin tì ẹ leè ní ìfẹ̀ síí:
- Bí ìjọba Buhari bá yege láti pa mí ni, yóò ní ‘Unknown Gunmen’ ló wá pa mí - Sunday Igboho
- Kí ló dé tí DSS kó bàńtẹ́ òògùn, ba ilé Sunday Igboho jẹ́ lái fara pa?
- Ilé mi kọ́ ni àwọn DSS ti kó àwon ìbọ́n tí wọ́n pàtẹ- Sunday Igboho
- Àwọn ọmọ Yoruba lókè òkun ṣèwọ́de nílùú London torí Sunday Igboho
- "DSS, níbo ni ₦2m àti owó Euro, Dollar àti Pound Sterling tẹ kó nílé mi wà? "
- Sunday Igboho, ìsáǹsá rẹ̀ kò lé sá mọ́ wa lọ́wọ́, mímú lá mú ọ - DSS fọwọ́ gbáyà
- Sunday Igboho ń ṣọ̀fọ̀ ọ̀kan lára àwọn ọmọlẹ́yìn rẹ̀ tí DSS pa
Ninu ọrọ rẹ, Sunday Igboho ni inu ile oun nilu Ibadan ni oun wa, agbofinro kankan ko si wa gbe oun .
''Ẹkaalẹ gbogbo ẹyin ololufẹ mi kaakiri agbalaaye, orukọ mi ni Sunday Igboho, irọ ni pe mo wa ni panpẹ DSS''
Oríṣun àwòrán, Koiki Media
Ọjọ oni jẹ Ọjọ Keji, Osu Keje, ọdun 2021. Mo ti n gbọ iroyin pe DSS ti mu Sunday Igboho, Emi ko si ni Guru o, mo wa ni ile mi ni Ibadan.''
Ibi ti Sunday Igboho pari ọrọ rẹ si niyii, ki Koiki to ma a ba eto rẹ lọ.
Bakan naa ni Sunday Igboho ati awọn alatilẹyin rẹ lori idasilẹ Yoruba Nation ti ni, ko si ohun ti yoo yẹ iwọde ti wọn fẹ ṣe ni ilu Eko ni Ọjọ Kẹta, Osu Keje, ọdun 2021.
