Sunday Igboho: Àwọn ọmọ Yoruba lókè òkun ṣèwọ́de lọ iléeṣẹ́ aṣojú ìjọba Nàìjíríà ní London
Oríṣun àwòrán, Instagram/sunday igboho
Awọn ọmọ Yoruba to wa loke okun ṣe iwọde nileeṣẹ aṣoju ijọba orilẹede Naijiria ni ilẹ Gẹẹsi lọjọ Ẹti.
Iwọde naa da lori bi awọn oṣiṣẹ agbofinro DSS ṣe ya wọ ile eekan ọmọ Yoruba to n pe fun idasilẹ orilẹede Yoruba, Sunday Igboho lọjọbọ.
Oniruru orin ẹhonu lawọn ọmọ Yoruba to ṣe iwọde naa kọ pẹlu awọn patako pelebe-pelebe ti wọn kọ akọle loriṣiriṣi si.
- Kí ló dé tí DSS kó bàńtẹ́ òògùn, ba ilé Sunday Igboho jẹ́ lái fara pa?
- "DSS, ẹ mú ẹ̀rí jáde pé ilé Igboho lẹ ti rí àwọn ìbọn tẹ́ fi hàn"
- Princess tún sọ òkò ọ̀rọ̀ sí Iya Rainbow lórí ọ̀rọ̀ Baba Ijesha
- "Igboho dúpẹ́ tiẹ pé ìbọn lásan ni wọ́n gbé wá, kìí ṣe adó olóró"
- Lẹ́yìn ò rẹyìn, Iyabo Ojo túúbá lọ́wọ́ TAMPAN
Lara awọn akọle wọn ni "Location 419.. #YorubaNationNow, "Yoruba Nation. No going back", "Sunday Igboho is a man of the people", "Oduduwa Nation must stand."
Awọn oluwọde naa bu ẹnu atẹ lu bi awọn DSS ṣe kọlu ile naa ti wọn si ni eeyan ti ko fẹran wahala ni Sunday Igboho.
Ọkan lara awọn oluwọde naa torukọ rẹ n jẹ Peter Ọladele ṣalaye pe eredi iwọde wọn ni lati fi to awọn alaṣẹ ileeṣẹ aṣoju ijọba Naijiria naa leti peo to gẹẹ.
"Ẹ wo awọn iwa ọdaran ti awọn ọdaran darandaran kan n hu kiri; awa o ni dakẹ. Sunday Igboho kii ṣe ọdaran."
Oluwọde miran, Grace Dada ṣalaye pe "ki ni Igboho ṣe fun ijọba apapọ? Gumi wa nibẹ to n fidigbodi pẹlu awọn agbebọn, ki lo de ti wọn ko lọ fi panpẹ ofin mu u.
Ni Ọjọbọ lawọn oṣiṣẹ DSS atawọn agbofinro kan wọ ile Sunday Igboho ti wọn si pa eeyan meji; bakan naa ni wọn ko oriṣiriṣi nnkan nibẹ.
