WhatsApp: Àwọn èèyàn lè máa lo 'App WhatsApp' láì sí fóònù lọ́wọ́ wọn

Ileesẹ ayelujara WhatsApp ti n dan eto kan wo, eyi ti yoo mu ki awọn eeyan le fi ọrọ ránṣẹ lai lo foonu wọn.

Lọwọ lọwọ, ori foonu nikan ni àṣẹ wa lati lo WhatsApp, to si jẹ pe lai si foonu naa nitosi, ko seese láti lo WhatsApp lori ẹ̀rọ kọmputa.

Sugbọn, pẹlu eto tuntun yii, awọn to n lo WhatsApp yoo le fi ọrọ ránṣẹ tabi gba ọrọ lati ọdọ ẹlòmíràn "koda, ki batiri foonu rẹ ti ku".

Eeyan perete ni yoo kọkọ lo eto tuntun naa, diẹ diẹ si ni wọn o ma a mu gbooro si titi gbogbo eniyan yoo fi le lo o.

Bakan naa ni eto basiri mi, End-to-end encryption, eyi to n pese aabo fun awọn to lo WhatsApp, yoo si sisẹ lori eto tuntun naa.

Iroyin sọ pe ọpọlọpọ miliọnu eeyan lo ti n fẹ eto tuntun yii.

Bawo ni eto tuntun ori WhatsApp yoo se lọ?

Ninu ikede ti wọn fi sita, àwọn amoju ẹ̀rọ nileesẹ Facebook sọ pe ayipada yii nilo ki wọn o tun ero pa lori agbekalẹ WhatsApp.

Idi ni pe "smart phone" ni ọna gboogi ti WhatsApp ti n sisẹ, ohun naa si ni atọna fun awọn ẹrọ to ku bi kọmputa.

Eyi tumọ si pe ọna kan ṣoṣo ni o ti le ṣi WhatsApp silẹ lẹyin foonu rẹ. Ti o ba ṣi ni ibòmíràn, ọna keji yoo pa de fúnra rẹ.

"Eto tuntun yii yoo mu ìṣòro yii kuro.

"O ko nilo foonu rẹ lati lo WhatsApp lori kọmputa rẹ."

Gbogbo ẹrọ, foonu, tabi kọmputa ti o fi n lo WhatsApp ni yoo ni ami idanimọ rẹ, botilẹjẹ pe ẹnikan ṣoṣo lo ni wọn.

Sugbọn, Jake Moore, onimọ nipa eto abo fun ileesẹ Eset to n ṣe 'anti virus' sọ pe iru nkan yii le pagidina eto aabo lori foonu.

O ni ọkọ tabi aya to jẹ oníwà ipa ninu ile tabi ẹni to n sọ eeyan, le lo anfaani naa lati tọ pinpin ẹni ti wọn fẹ ẹ mu, nipa ṣíṣí WhatsApp rẹ lori foonu miran.

O sọ pe o ṣe pataki ki awọn eeyan mọ iye foonu, kọmputa tabi awọn ẹrọ ayarabiasa mii to n lo WhatsApp wọn.