Insecurity in Nigeria: Awọn janduku agbébọn tun ti ṣekupa ọlọpaa meji lẹnu iṣẹ ti wọn si tun dáná sun àgọ́ ọlọ́pàá.
Oríṣun àwòrán, other
Awọn janduku agbebọn tun ti ṣekupa ọlọpaa meji lẹnu iṣẹ ti wọn si tun dana sun agọ ọlọ́pàá.
Ni idaji ọjọ Aje, ọjọ kẹtadinlogun oṣu karun ni iṣẹlẹ naa ṣẹlẹ ní àgọ ọlọpaa Ubakala ni ijọba ibilẹ Gusu Umuahia nipinlẹ Abia.
Agbẹnusọ fún ileeṣẹ ọlọpaa ipinlẹ Abia, SP Godfrey Ogbonna lo fidi iṣẹlẹ ọhun mulẹ fawọn akoroyin.
Ogbonna ni bíi ago mejila kọja isẹju mẹwaa loru ni lawọn janduku ọhun de pẹlu ado oloro.
O ni awọn ọlọpaa to lọ kọju ija si wọn gbiyanju agbara wọn, ṣugbọn omi pọ ju ọka lọ.
Ogbonna ni oun ko le sọ ni pato iye t'awọn janduku agbebọn naa jẹ.
Awọn ọlọpaa to f'arapa nibi iṣẹlẹ naa sí wa nile iwosan nibi ti wọn ti n gba itọju.
Ileeṣẹ ọlọpaa ni ọrọ naa ti di ọmọ to ni iya oun ko ni sun bayii, oun naa ko ni foju boorun.
Bi ọjọ marun un sẹyin lawọn ọlọpaa meji lẹyin tawọn agbebọn kọlu ọfiisi wọn ni ijọba ibilẹ Bende nipinlẹ Abia kan naa.
Ní ọ̀sẹ̀ kan, ẹ̀mí tó lé ní 100 bá ààbò tó mẹ́hẹ lọ ní Nàìjíríà
Èèyàn 100 kú, ajínigbé jí 44 lọ tórí àbò tó mẹ́hẹ ní Nàìjíríà
Ọrọ ipenija abo lorilẹede Naijiria ti di eyi to n ta ba ara ile ati ero ọna bayii.
Ko fẹrẹ si ojumọ kan ti iroyin iwa ipa tabi ijinigbe, ipaniyan ati bẹẹbẹẹ lọ kii waye lorilẹede Naijiria mọ bayii.
Ọrọ naa ti di ti ojumọ kan, ara kan.
Oríṣun àwòrán, other
Àwọn iròyin tì ẹ leè ní ìfẹ̀ síí:
- Ṣé lóòtọ́ọ́ ni Baba Ijesha ti jáde ní àhámọ́ ọlọ́pàá?
- "Sunday Igboho kò fí lààkáyé kún ìjìjàgbara rẹ̀ nípa àtakò sí ìbò 2023"
- Kò sí iná àti pẹtiró ní Kaduna, ohun gbogbo dẹnu kọlẹ̀ torí ìyanṣẹ́lódì
- Mò ń wá olè tó jí nńkan ní ọọ́físì mi, ẹ̀bùn owó iyebíye rèé - Afeez Eniola
- Ẹ̀yin Gómìnà, ọwọ́ yín ni ọ̀nà àbáyọ sí ìṣòro Nàíjíríà wà - Atiku
- Àwọn gómìnà ẹgbẹ́ PDP wọ̀lú Ibadan fún ìpàdé
- Ẹ fi Baba Ijesha sílẹ̀ fún mi, màá ṣe onídùróó rẹ̀ - Yomi Fabiyi
- Àgbà ọ̀jẹ̀ akọrin Fuji, Amoo Igisekele, jáde láyé
- Òkùnkùn birimùbirimù ni Kaduna bi àwọn òṣisẹ ṣe gùn le ìyànṣẹ́lódì-wo bi yóò ṣe kan ìwọ naa
Eyi gan lo mu ki awọn gomina ipinlẹ to wa lapa gusu orilẹede Naijiria o lọ ree forikori ni ilu Asaba nipinlẹ Delta.
Laarin ọsẹ to kọja nikan, ko din ni ọgọrun eeyan ti wọn pa lorilẹede Naijiria gẹgẹ bi awọn iwe iroyin ti ṣe gbe e sita.
Ẹyin naa ṣe haa, ẹ jẹ ka jijọ woo.
Ọjọ Aiku:
Oríṣun àwòrán, other
Awọn agbebọn kọlu agọ ọlọpaa ni ipinlẹ Akwa Ibom lọsan ọjọ Aiku ni ijọba ibilẹ Abak.
Wọn pa ọlọpaa meji ati maluu mejila.
Bakan naa ni awọn agbebọn tun pa eeyan mẹta nileto kan torukọ rẹ n jẹ Golkofa nipinlẹ Kaduna.
Ẹwẹ, ijọba ipinlẹ naa tun fi idi rẹ mulẹ pe eeyan marun un miran tun ku, ti wọn ṣi n wa eeyan kan miran ninu iṣẹlẹ miran to tun ṣẹlẹ nibẹ.
Ni ipinlẹ Katsina, awọn agbebọn to lọ gbẹsan ni ileto Tsatskiya nijọba ibilẹ Safana ni ipinlẹ Katsina naa tun gbẹmi eeyan mọkanla.
Lọjọ Aje:
Awọn agbebọn pa eeyan mẹta ni ileto kan to wa nijọba ibilẹ Awka ni ipinlẹ Anambra.
Ọwọ kẹjọ ileeṣẹ ọmọogun orilẹ nipinlẹ Kaduna ni awọn ti pa awọn balogun awọn agbebọn kan pẹlu mejidinlaadọta ọmọ ẹgbẹ wọn lẹkun iwọ oorun ariwa, ninu ikọlu kan ti wọn pe ni "Operation Tsare Mutane".
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post
Lowurọ ọjọ Aje yii kan naa, awọn agbebọn ji ogoji awọn olujọsin ti wọn n gba adura oru (Tahajjud) ninu mọsalaṣi kan nijọba ibilẹ Jibia nipinlẹ Katsina.
Bakan naa lawọn agbebọn kan tun kọlu agọ ọlọpaa kan ni Mkpanak ni ijọba ibilẹ Essien Udim ni ipinlẹ Akwa Ibom. Wọn pa ọlọpaa kan.
Lọjọ Aje yii kan naa, awọn ọlọpaa ni ipinlẹ Edo forigbari pẹlu awọn ajinigbe kan, ti wọn si pa mẹta ninu wọn nibi ti wọn ti tu eeyan meje ti wọn jigbe silẹ.
Ọjọ Iṣẹgun:
Oríṣun àwòrán, Twitter/nigeria army
Oluọagutan ijọ Deeper life kan nilu Akurẹ, Pasitọ Ogedengbe Ọtayọmi ko sọwọ awọn ajinigbe.
Iyawo pasitọ naa ni inu ijs ni wọn ti wa ji skọ oun gbe.
Ni ilu Ikaramu Akoko, ni ipinlẹ Ondo kan naa, awọn ajinigbe tun ji agbaẹ meji gbe lọna oko wọn.
Ọjọru
Oríṣun àwòrán, Twitter/nigeria army
Awsn agbebọn kan yinbọn pa ọga ọlspaa DSP Abdulqadir Hardo ni ipinlẹ Kebbi
Ileeṣẹ ọmọogun pẹlu fi iwe sita pe awọn koju iks agbebọn Boko Haram ni agbegbe kan nilu Maiduguri.
Mẹsan ninu wọn ni wọn ba ikọlu naa lọ.
Ẹwẹ awọn agbebọn to to ọgọrun niye pẹlu kọ lu agọ ọlọpaa Bende ni ipinlẹ Abia ti wọn si dana sun agọ ọlọpaa naa.
Bakan naa awọn olugbe ilu Mọdakẹkẹ meji lawọn eeyan kan yinbọn pa nileto Alapata.
Ọjọbọ
Oríṣun àwòrán, Twitter/nigeria army
Awọn oṣiṣẹ aṣọbode ṣina ibsn fun awsn onifayawọ laarin igboro, nigba ti ina naa yoo fi rọlẹ araalu mẹrin lo ti di ero ọrun ti ọpọ dukia si bajẹ lọjọ ọdun itunu awẹ.
Ọjọ Ẹti
Ileeṣẹ ologun Naijiria ni awọn pa ọpọlọpọ agbebọn ati ibuba wọn lawọn aginju kan ni ijọba ibilẹ Chikun ati Birnin Gwari ni ipinlẹ Kaduna.
Awọn ologun ni ko din ni eeyan mẹwaa lasiko ikọlu naa.
Bakan naa, awọn ọlọpaa ni ipinlẹ Akwa Ibom ni eeyan mẹjọ lo ku lasiko tawọn ẹgbẹ okunkun kan forigbari nijọba ibilẹ Esit Eket.
Satide
Awọn janduku pa eeyan meji kan lasiko ti ikọlu kan waye lagbegbe Arulogun nilu Ede
Bakan naa lawọn ọlọpaa ya bo ibuba awọn agbebọn kan nijsba ibilẹ Oyigbo ni ipinlẹ Rivers, mẹrin ninu wọn ati nọọsi obinrin kan ni wọn pa
