Sunday Igboho: Àwọn olórí Fulani tọrọ àforíjìn, wọ̀n ń fẹ́ ibagbepọ̀ àlàáfíà ni Ibarapa
Oríṣun àwòrán, GALAXY TV
Awọn olori Fulani to n gbe ni agbegbe Ibarapa ati Oke Ogun ni ipinlẹ Oyo ti tọrọ aforijin lori iwakiwa tawọn eeyan wọn hu eyi to fa gbọnmisi omi o to nibẹ.
Wọn ṣe ipinu bakan naa lati faye gba ibagbepọ alaafia laarin awọn ati awọn alabagbe wọn.
Ọrọ yii wa lara ababọ ikọ ti ijọba ipinlẹ Oyo gbe dide lati ṣabẹwo si Ibarapa ati awọn agbegbe mii ni Oke Ogun.
- Àwọn ọ̀tá kan ń lo ìwà akọni Sunday Igboho láti bà mí lórúkọ jẹ́ - Gani Adams
- Afurasí Fulani daran-daran fi ìbọn fọ́ ìka obìnrin kan lójú pópó
- Sunday Igboho sọ̀rọ̀ fún ìgbà àkọ́kọ́ lẹ́yìn àbẹ̀wò rẹ̀ sí Igangan
- Ìdásílẹ̀ orílẹ̀èdè Oduduwa ló mú kí Yorùbá wá kọlu Fulani ní Igangan - Ọmọ Seriki Fulani
- Báyìí ni àwa àti Sunday Igboho ṣe rìnrìn àjò láti Ibadan lọ sí Igangan"
- Wo ìgbésẹ̀ tí àwọn lọ́balọ́ba, ọlọ́pàá àti Seyi Makinde fẹ́ gbé lórí áàwọ Ibarapa
- Wo ǹkan mẹ́fà tó yẹ kí o mọ̀ nípa Sunday Igboho tí orúkọ rẹ̀ gbẹnu aráyé kán
- Ó tó gẹ́! Ọ̀gá Ọlọ́pàá pàṣẹ pé kí Kọmísọ́nnà Oyo mú Igboho wà sí Abuja
Ninu atẹjade ti agbẹnusọ Gomina Oyo Taiwo Adisa fi sita, o ṣalaye pe igbimọ naa kan si Igangan, Tede and Ago Are ati ile Seriki Fulani ti wọn sọ ina si.
Ni Igangan ni awọn eeyan ilu ti tu kẹkẹ ọrọ silẹ nipa aburu ti wọn ni Seriki naa n hu ni iwa.
Oríṣun àwòrán, GALAXY TV
Akọwe ẹgbẹ idagbasoke Igangan, Lawal Akeem ni ọrọ Seriki ,Alhaji Saliu Abdukadir, ti su awọn ara ilu pẹlu bi ọwọ rẹ ko ṣe mọ ninu awọn ẹsun iwa ọdaran lorisirisi.
O fi kun pe awọn ara ilu ti san owo idoola to to aadọta miliọnu naira lọwọ awọn ajinigbe Fulani.
Bẹẹ lo ni lemolemọ awọn Fulani nipa biba oko awọn eeyan wọn to jẹ agbẹ jẹ, ati fifi ipa ba awọn obinrin lo pọ kọja afarada.
Ọdọ kan naa ni Ilu Igangan, Taiwo Adeagbo, gẹgẹ bi Fatai Adisa ṣe sọ, ni o kere tan obinrin mẹẹdogun lawọn Fulani ti fipa ba lopọ.
Oríṣun àwòrán, GALAXY TV
Gbogbo awọn ẹsun naa lo ṣeeṣe ko mu awọn Seriki Fulani Igbo Ora ati ti Eruwa, Alhaji Idris Abubakar, ati Alhaji Sule Mohammed, wa aforijin lọdọ ara ilu.
Wọn ni awọn ṣetan lati ṣiṣẹ pọ, ki alaafia le rinlẹ lagbegbe naa.
Ẹwẹ, awọn eeyan mii to sọrọ nibi ipade naa, bi oluranlọwọ pataki fun Gomina Makinde lori ọrọ aabo, Fatai Owoseni, parọwa sawọn olori ilu, awọn ọdọ Yoruba ati Fulani, lati yago fun iwa ipa, ki wọn si dijọ maa gbe pọ lalaafia.
Atẹjade naa ni Kọmisana ọlọpaa nipinlẹ Oyo ati awọn aṣoju mii ti ijọba yan, ni wọn jijọ kọwọrin ṣabẹwo sawọn ilu naa ni agbegbe Ibarapa ati Oke Ogun.
Oríṣun àwòrán, GALAXY TV
Lakotan, o ni Kọmisana ọlọpaa ni orisirisi ọrọ lo ti n tankalẹ nipa iṣẹlẹ to n waye lawọn agbegbe yii ṣugbọn kii ṣe ootọ pe ijọba ko ṣe nkan si iṣẹlẹ ijinigbe ati ipaniyan to n waye nibẹ.
Atẹjade naa fikun pe ''awọn ti mu to afurasi ọdaran mọkanlelaadọta to lọwọ si awọn iwa aburu yii ati pe, awọn yoo ṣe iwadi to peye lori ẹsun ti wọn fi kan Seriki pe o n lẹdi apo pọ pẹlu awọn aṣebi''
