Xenophobia: Ọ̀sẹ̀ tó ń bọ̀ ni bàálù yóò lọ kó ọmọ Nàíjíríà wálé

Bi wọn se n ge awọn ọmọ orilẹede South Africa lọwọ ni wọn tun n bọ oruka nitori pe wọn ko dẹkun ikọlu ti wọn n se sawọn ọmọ Naijiria.

Iroyin kan tun ti kede pe se ni awọn eeyan lorilẹede South Africa tun n ja awọn sọọbu to jẹ tawọn ajeji, ti wọn si n ko wọn ni ọpọlọpọ ẹru tabi ba dukia wọn jẹ.

Àwọn iròyin tì ẹ leè ní ìfẹ̀ síí:

Gẹgẹ baa ti gbọ, awọn ọlọpa lorilẹede naa ti fidi rẹ mulẹ pe awọn eeyan naa ko tii dẹkun isẹ ibi ti wọn n se lati ọjọ Aiku, ti awọn ko si tii sinmi kika apa wọn ko ninu iwa ibajẹ naa.

Bakan naa lo fikun pe ọwọ ti ba awsn eeyan kan ti wọn ka mọ idi iwa ika yii lagbegbe Gauteng, ti eeyan mẹrinlelaadọrin si ti wa lahamọ ọlọpa lẹkun Katlehong.

Wayi o, ọpọ ọmọ Naijiria taa gbọ pe wọn ti fi orukọ silẹ pe awọn n pada bọ nile pẹlu baalu ọfẹ tijọba gbe kalẹ lati ko wọn wale lati orilẹede South Africa.

Sugbọn a gbọ pe ijakulẹ diẹ ba eto naa nitori bi ọjọ ti lọ lori iwe irinna awọn ọmọ Naijiria kan to fẹ wa sile.

Nigba to n ba akọroyin BBC sọrọ, osisẹ alarina fun ileesẹ ọrọ ilẹ okeere lorilẹede Naijiria kede pe, wọn ti sun igbesẹ kiko awọn ọmọ Naijiria naa wale lati South Africa di ọsẹ to n bọ.

O salaye pe, eyi ri bẹẹ ki awọn lee fun asoju agba fun ileesẹ asoju ilẹ South Africa ni anfaani lati se akojọpọ orukọ awọn ọmọ Naijiria to nifẹ lati pada sorilẹede wa.

O fikun pe ọkọ baalu nla ni awọn gbe kalẹ, o si yẹ ki awọn se gbogbo eto to yẹ ki baalu naa to morile orilẹede South Africa lati ko awọn eeyan naa wale.