Teenagers arrested for money ritual: 'Orí Facebook ni mo ti kọ́ nípa òògùn owó táà gé orí Sofiat fún ní Abeokuta'
Oríṣun àwòrán, others
Ọkan ninu awọn ọmọkunrin to fi ọmọbinrin kan ṣoogun owo nilu Abeokuta, ti jẹwọ pe ori ayelujara Facebook ni oun ti kọ nipa oogun owo.
Nigba to n ba awọn akọroyin sọrọ ni olu ileeṣẹ ọlọpaa nilu Abeokuta, Balogun Mustaqim to jẹ ẹni ọdun mọkandinlogun sọ pe ọsẹ meji ni awọn fi ṣe igbaradi fun fifi Rofiat Kehinde ṣe oogun owo.
O ni oun lo n kọkọ fẹ Rofiat ni ọdun 2021, ṣugbọn oun tun gba ki Soliu naa fẹ lẹyin ti awọn ko fẹ ara mọ.
Kiakia naa si ni Sofiat naa gba lati fẹ Soliu.
- Àbúrò mi dágbéré pé òun fẹ́ dé ibì kan, ìròyìn ikú rẹ̀ ni mo gbọ́
- Ọwọ ọlọ́pàá tẹ ọmọ ọdún 15 mẹ́ta lásìkò tí wọ́n fẹ́ fi èèyàn ṣe òògùn owó
- Tí òògùn owó bá wà nínú Ifa ni, n kò bá ti kọ́ ilé ńlá fún ara mi- Babaláwo
- Ààrẹ Muhammadu Buhari yẹ lẹ́ni tó yẹ ká gbé òṣùbà fún lórí àwọn ohun améyérọrùn - Oluwo
Bawo ni wọn ṣe gbeero oogun owo?
Gẹgẹ bi nkan ti afurasi akọkọ, Mustakeem sọ, Soliu lo mu àbá wa pe ki wọn o fi ọmọbinrin naa ṣe oogun owo, lẹyin ọsẹ diẹ to bẹrẹ si ni fẹ.
O sọ pe oju opo Facebook kan ti wọn ti n sọ nipa "Aṣiri awọn oogun oṣolẹ (oogun owo) to daju ni oun ti kọ bi awọn yoo ṣe ṣe e.
O ni lootọ Soliu lo fẹ ẹ lo Sofiat, ṣugbọn awọn jọ da owo ra awọn eroja ti wọn fẹ lo ni.
Ile ti Soliu n gbe ni Oke Aregba nilu Abeokuta ni wọn ti pa ọmọbinrin naa.
Bawo ni Sofiat Kehinde ṣe fi ẹsẹ ara rẹ rin lọ ba iku ojiji?
Ni alẹ ọjọ Ẹti, ọjọ kejidinlọgbọn, oṣu Kinni, ọdun 2022, ti wọn pa Sofiat, Soliu pe e lori ẹrọ ibanisọrọ pe ko wa si ile oun.
Bi ọmọbinrin naa ṣe de ibẹ, wọn jọ ni ibalopọ.
Lẹyin naa lo pe Mustaqim wọle fun iṣẹ ibi ti wọn fẹẹ sẹ.
"Emi ni mo kọkọ n fi ọbẹ ge ni ori, ṣugbọn nigba ti ori naa ko tete gé jabọ, soliu fi ọwọ yin ọrun rẹ to fi ku.
"Nigba ti a pa a tan, Soliu sọ pe ki n ko ẹran ara rẹ yooku sinu apo, nitori pe oun ko le fi ọwọ kan lẹyin ibalopọ ki oogun owo naa ba le jẹ."
Majekodunmi Soliu sọ pe Mustakeem lo mu àbá oogun owo wa
Ninu ọrọ ti Majekodunmi Soliu sọ, o ni Mustaqim lo daba pe ki awọn fi ọmọbinrin naa ṣe oogun owo, nitori pe kii ṣe ọmọ to ni laari lasiko ti awọn fi n fẹra.
"Mustaqim kii wa si ile mi tẹlẹ, ṣugbọn lati igba to ti n gbero pe ka lo Sofiat lo ti n wa si ile mi ni gbogbo opin ọsẹ.
"To ba ti de, yoo sọ pe ki n pe ọmọ naa ko wa. Ṣugbọn mo ma n fi ọgbọn sọ fun ọmọbinrin naa pe mi o si nile.
O ni agidi ni Sofiat fi wa si ile oun ni ọjọ Ẹti to kọja lẹyin ọpọlọpọ igba ti oun ko jẹ ko wa nitori imọran Mustaqim.
Lẹyin ni ibalopọ pẹlu rẹ tan ni wọn pa a, ge ori ati itan rẹ, ki wọn o to ko iyoku ara rẹ sinu apo ti wọn gbe sọnu.
Ọpẹlọpẹ awọn ọdẹ adugbo to fura si nkan ti wọn n ṣe nile awọn ọmọkunrin meji yooku ti wọn ti lọ jo ori Sofiat, lo jẹ ki ọwọ ọlọpaa tẹ wọn.
- Iléeṣẹ́ ọlọ́pàá ìpínlẹ̀ Ekiti sàfihàn àwọn òníjàgídíjàgán méjìdínlọ́gọ́rùn ún lónìí ní Ado Ekiti
- Kìnìún méjì ṣekùpa olùṣọ́gbà ẹranko, wọ́n sì sálọ
- Òkú kú ní ẹ̀ẹ̀kejì nígbà tí òkú 400 jóná ráúráú ní mọ́ṣúárì, ẹbí bú sẹ́kún lẹ́ẹ̀kejì
- Wo ibi tí ọ̀rọ̀ dé dúró ní pa AFCON
- Èèyàn mẹ́jọ kú, ọ̀pọ̀ farapa lásìkò ìfẹsẹ̀wọnsẹ̀ láàrin Cameroon àti Comoros
'Orí Facebook ni mo ti kọ́ nípa òògùn owó táà gé orí Sofiat fún ní Abeokuta'
Ka ni wọn ṣe aṣeyọri ni, miliki ni wọn o fi ma a mu ẹbu ti wọn ri lara ori naa, pẹli igbagbọ pe awọn yoo ni owo.
Ẹni ọdun mọkandinlogun ni eyi to dagba ju lara awọn ọmọkunrin naa.
Gbogbo wọn lo ṣi wa ni ile ẹkọ girama.
Ẹgbọn Sofiat, Okeowo sọ fun akọroyin pe ounjẹ alẹ ni aburo oun n se lọwọ to fi tọrọ aaye pe oun fẹ de ibi kan.
Ṣugbọn iroyin pe wọn ti pa a ni awọn gbọ ni ọjọ keji, lẹyin ti wọn ti n wa lati alẹ ọjọ Ẹti
Agbẹnusọ ọlọpaa nipinlẹ Ogun, Abimbola Oyeyemi sọ pe nkan to sẹni laanu ni pe awọn ere ori itage ati ẹrọ ayelujara n kọ awọn ọdọ ni nkan ti ko dara.
Bakan naa lo ni awọn obi kan kii mojuto ọmọ wọn.
