Ọwọ pálábá ọ̀dọ́ mẹ́ta tó fẹ́ fi èèyàn ṣe òògùn owó ṣégi ní Bayelsa
Oríṣun àwòrán, others
Iroyin to tẹwa lọwọ sọ pe awọn agbofinro ti mu awọn ọdọ mẹta kan to gbiyanju lati fi eeyan se oogun owo ni agbegbe Sagbama nipinlẹ Bayelsa. Awọn afurasí naa, Emomotimi Magbisa, ọmọ ọdun mẹẹdogun, Perebi Aweke, ọmọ ọdun mẹẹdogun ati Eke Prince, ti oun naa jẹ ọmọ ọdun mẹẹdogun ni ọwọ tẹ nígbà ti wọn fẹ lo Endeley Comfort f'oogun owo. Gẹgẹ bí àwọn araadugbo ṣe wi, awọn afurasí wọn yi ti n peelo ati fi ẹni yi ṣe oogun owo ki awọn ọlọpaa ọtẹlẹmuyẹ ati awọn ọdọ adugbo naa to mu wọn.Iwadii fi hàn pé àwọn atilaawi yi ti pa iyè Comfort rẹ, ti wọn sì ni kí o tẹle awọn lọ sí ile ọkan ninu wọn, Emomotimi Magbisa.Nigba ti wọn dé ọdọ rẹ, wọn ge ika rẹ ti wọn sì fọn ẹjẹ rẹ soju gilaasi kan.
- Àwọn afurasí darandaran ṣoró ní ìpínlẹ̀ Ondo, wọ́n pa ènìyàn mẹ́ta, jó ọ̀pọ̀lọpọ̀ ilé àti oko.
- Mi ò ní sin òkú ọmọ mi títí màá fi rí ìdájọ́ òdodo gbà, kò báà jẹ́ ọgbọ̀n ọdún - Baba Sylvester Oromono
- Oṣù díẹ̀ ṣẹ́yìn lé fún mi nítorí bí ojú ìyá mi tó fọ́ ṣe tún le koko - Funmi Awelewa
- Ẹgbẹ̀rúndínlàádọ́ta àwọn Agbéṣùmọ̀mí láti ṣekúpa láàrín oṣù méje- Iléeṣẹ́ ológun Nàìjírà
- Ọwọ́ Ọlọ́pàá ti tẹ̀ Obìnrin ọlọ́pàá tó kí ọwọ́ ọmọ tó ń gbé pẹ̀lú rẹ̀ bọ omi gbígbóná nítorí pé o jí ẹran jẹ lásìkò ọdún Kérésìmesì
Ọpelọpẹ awọn ọdọ adugbo ti ko sun lasunpara ti wọn sì n fura sí irin ẹsẹ awọn ọmọkunrin naa, lo jẹ ki ọwọ tẹ wọn.A gbọ pe wọn ko ara wọn jọ ti wọn si mu awọn afurasi yi ki wọn to fa wọn le ọlọpaa lọwọ.Alukoro ọlọpaa ni Bayelsa, Arakunrin Asinim Butswat, sọ pe awọn afurasi ọhun ti jẹwọ fawọn.Gẹgẹ bo ti ṣe wí"iwadii ti a kọkọ ṣe ti fi hàn gbangba pe awọn afurasí mẹta yi mu Comfort, ti wọn sì pa iye rẹ ki wọn to ni ko tẹle awọn kalọ sile Emomotimi nibi ti wọn ti ge ika rẹ"Komisana ọlọpaa kan saara s'awọn ọdọ adugbo naa to si ni awọn ti n ṣe iwadii bonkẹlẹ lori iṣẹlẹ naa.Ọmọdebinrin ti wọn ge ika rẹ ti n gba itọju lọwọ nile iwosan.
