Padora Papers tú àṣírí àwọn olóṣèlú 336 tó ní iléeṣẹ́ àti dúkìá káàkiri àgbáyé

Ko din ni oloṣelu mẹwaa ni Naijiria ti iwe Pandora pappers ti fi ẹsun jẹgudu-jẹra kan nigba ti awọn orilẹ-ede mẹjọ ni Afrika naa fara gba ninu atẹjade iwe naa.

Lapapọ, ọọdunrun ati mẹrindinlogoji oloṣelu ni iwe naa fi orukọ wọn lede ninu atẹjade kan ti ajọ awọn akọroyin kan to n ṣe iwadii finifini, International Consortium of Investigative Journalists, fi lede.

Pandora Papers yii jẹ iwe kan to tu aṣiri iye dukia to wa ni ikawọ awọn oloṣelu atawọn alẹnulọrọ kan lagbaye.

Awọn akọroyin bii ẹgbẹta (600) kaakiri agbaye lo korajọ lati yẹ awọn iwe bii miliọnu mejila lati awọn ile ifowopamọ si kaakiri agbaye wo ki wọn to fi abajade iwadii wọn lede.

Wọn ṣawari ibaṣepọ laarin awọn ileeṣẹ bii ẹgbẹrun kan atawọn oloṣelu ti wọn ni awọn lo ni awọn ileeṣẹ naa, lara awọn oloṣelu naa ni awọn olori orilẹ-ede wa.

Gẹgẹ bii atẹjade to wa ninu Padora Papers ọhun, awọn oloṣelu to lamilaaka marun un ni Côte d'Ivoire lo ko owo ilu pamọ nilẹ okeere.

Awọn oloṣelu mẹta lati Ghana ni orukọ wọn wa ninu iwe naa pẹlu.

Iwe ọhun tun fi orukọ oloṣelu meji-meji lede lati Chad, Kenya ati Congo Brazzaville nigba ti awọn oloṣelu mẹta lati Garbon wa nibẹ.

Oloṣelu mẹsan an lati orile¬̣-ede Angola lo wa nibẹ, nigba ti Zimbabwe ati South Africa ni meji-meji ti Mozambique si ni ẹyọ kan.