Pandora Papers: Ìwádìí ìjìnlẹ̀ tú àṣírí ọ̀rọ̀ àwọn alágbára ní àgbáyé

Kenyatta

Oríṣun àwòrán, Getty Images

Asiri ti tú pe ẹbí aarẹ orilẹ-ede Kenya, Uhuru Kenyatta, ni awọn ileesẹ ikọkọ ni ilẹ̀ okeere, lati ọpọlọpọ ọdún sẹyin.

Ẹbi Kenyatta lo ti n dari orilẹ-ede naa lati igba ti wọn ti gba ominira.

Àṣírí to tu yii ko sẹyin àbọ̀ iwadii bonkẹlẹ kan, Pandora Papers - to jẹ asiri nipa akọsilẹ bi miliọnu mejila to tú nípa ọ̀rọ̀ ati okoowo idakọnkọ, ti àwọn olori orile-ede ni agbaye, awọn oloṣelu ati awọn 'billionaire' n ṣe.

Agbarijọpọ àwọn akọroyin nilu Washington DC lo wa nidi iwadii naa.

O si le ni ẹgbẹ̀ta akọroyin lati orilẹ-ede mẹtadinlọgọfa to wadii awọn ọ̀rọ̀ ti awọn alagbara l'agbaye ko pamọ.

Ileesẹ iroyin BBC Panorama ati Guardian lo dari iwadii naa ni orilẹ-ede UK.

Àkọlé fídíò, Ebun Oloyede Olaiya Igwe sọ ohun tí ojú rẹ̀ rí lásìkò àìsàn kídìnrín tó yọ ọ́ lẹ́nu

Ileesẹ ilẹ okeere mẹtala ni wọn ka mọ́ Ọgbẹni Kenyatta ati mọlẹbi rẹ mẹfa.

Àmọ́, wọn ko ti i fesi si ẹsun naa.

Skip Èyítí A Ń Kà Jùlọ and continue reading
Èyítí A Ń Kà Jùlọ

End of Èyítí A Ń Kà Jùlọ

Awọn idokowo ẹbi Kenyatta ti asiri wọn tu ni ileesẹ kan to ni ìpín idokowo to to ọgbọn miliọnu owo Dọla.

Àkọlé fídíò, Nàìjíríà kàn wà ni, ẹ ò páàsì, ẹ ò féèlì, ẹ ò kúrò ní kíláàsì kan náà - Àwọn ọ̀dọ́

Asiri yii tu nipasẹ akọsilẹ ni ileesẹ amofin ati awọn ileesẹ mii mẹrinla ni Panama, British Virgin Islands, ati awọn ileesẹ mii to n gba owo ori.

Owurọ kutu ọjọ Aiku si ni wọn gbe abajade iwadii naa sita nipasẹ International Consortium of Investigative Journalists (ICIJ), Finance Uncovered, Finance Uncovered, Africa Uncensored ati awọn ileesẹ iroyin mii.

Àkọlé fídíò, Ọ̀ṣọ́ Aṣọ Òkè ti kọjá lílo ìlẹ̀kẹ̀ níkan

Botilẹjẹ pe ko si akọsilẹ nipa iye ọ̀rọ̀ ti ẹbi Kenyatta ni, àmọ́ wọn ni okoowo ni ẹka igbokegbodo ọkọ, eto adojutofo, ile itura, iṣẹ ọgbin, ilẹ, ati ileesẹ iroyin ni Kenya.

Lọdun 2018, Ọgbẹni Kenyatta sọ fun BBC Hardtalk pe ko si asiri nipa dukia ẹbi oun ti awọn araalu ko mọ

Botilẹjẹ pe ko si nkan to buru ninu ki eeyan ni ileesẹ ni ìpamọ́, sugbọn wọn n lo lara awọn ileesẹ naa lati ko owo jẹ, ko owo pamọ silẹ okeere, ati fi boju ki wọn o ma ba a san owo ori.

Àkọlé fídíò, Àwọn ọkùnrin tó wà nínú ayé wa gbúdọ̀ bọ̀wọ̀ fún wa - Adarí FIN

Awọn olori orilẹ-ede miran ti wọn tun dárúkọ wọn ninu Pandora Papers ni Ọba Jordan, Abdullah II, Olootu ijọba ilẹ Gẹẹsi nigba kan, Tony Blair, Aarẹ orilẹ-ede Gabon, Ali Bongo Ondimba, ati Aarẹ orilẹ-ede Congo-Brazzaville, Denis Sassou-Nguesso.