Gender discrimination: Ó pakasọ! Wo ìdí tí àgbẹ̀ kan fi kọ ìyàwó rẹ̀ tó bí ìbẹta sílẹ̀

Iroyin eleyi ṣeni ni Kayeefi pẹlu bi a ṣe gbọ pe arakunrin agbẹ kan ti ṣe kọ iyawo rẹ́ silẹ nitori pe o bi ọmọ mẹta.

Ọmọ mẹta nikan kọ, o ni nitori pe wọn jẹ ọmọ obinrin.

Iṣẹlẹ yi waye ni agbegbe ijọba ibilẹ Chikun ni ipinlẹ Kaduna.

Immamu agba kan ni Kaduna Tanimu Musa lo fi ọrọ yi ṣakawe lasiko apero kan to da lori iwa ipa si awọn obinrin ni ipinlẹ Kaduna.

Immamu naa sọ pe ẹsin Islammu ati Kristẹni to jẹ ẹsin meji to gbajumọ ni Naijiria ko fi aaye gba ka maa hu iwa ipa sawọn obinrin.

Bẹẹ lo jẹri si pe ẹsẹ ti arabinrin yi ṣe niwaju ọkọ rẹ ni pe o bi ọmọ obinrin mẹta dipo ọmọ ọkunrin to nifẹ si nitori o ri ọkunrin gẹgẹ bi arole.

Imaamu Tanimu sọ pe o ṣeni laanu pe iru ipenija idẹyẹsi si awọn obinrin bayi si n tẹsiwaju lawujọ ati pe asiko to lati tẹra mọ idanilẹkọ awọn eeyan.

O wa gba awọn obi ni iyanju ki wọn ran awọn ọmọ wọn lọ si ile ẹkọ nitori ẹkọ jẹ ogun wọn ti yoo ṣatọna bi wọn yoo ṣe da duro lọjọ waju.